السلام عليكم

يارجل الرجال ساعدني فے الحفاظ علے زوجي

بداية مشكلتي منذ اول ليلة انا فتاة عندي روماتزم مزمن وباخذ ادويه ولي مراجعات بالمستشفى
اول ليله زوجيه هجم علي ومزق فستاني وقالي انا ما ابيك ومستحيل استمر معك انا ما اقدر اسعدك انا تعيس حظ ﻷني خذيتك انا مغصوب عليك وانا احب وحده ثانيه لو اتزوجت رَآحّ اموت وما اتزوج وراح اطلقك الليله قلت ﻻ قال بعد شهر

وبعدها كان يسبني انقلعي حيوانه نصابه ملعونه....الاخر
انا بتزوج
مايصرفني ولا يجيب لي اي شي وبعد شهر قلت طلقني ورفض قال انا حبيتك ومتعلق فيك

واستمريت معه كم شهر وما كان فے تحسن وطلبت الطلاق وقال والله العظيم احبك واحيانا يبكي اذا طلبت الطلاق

وكانت معاملتي له حلوه لكن اطلب الطلاق بكثرة مره صدمني يقولي انتي عقيم وطلبت الطلاق
ومره قلت له اذا ماخليتني اكمل دراستي اما طلقني و ترا بنتحر اتخرع وقال خلاص بطلقك وهجرني وراضيته وحااااولت فيه وقال تتركين الدراسه قلت خلاص.

وبعدها امورنا صارت احسن ومعاملته صارت احلى والوضع صار هاديء لكن مايصرف وذاك الحين مو موضف اذكره يتسلف من الهنود علشان يعبي بنزين سيارته واتفهمت وضعه

وحملت ومره لقيته مسمي وحده حبيبي بجواله طلبت الطلاق ورفض قلت وكلني بطلاقي قال ضحك يتوقع اني امزح وقال وكلتك وطلقت نفسي خبرت اهلي وابوي نشر الخبر وحنا اتراجعنا علے طووول
والناس غيرو الموضوع وقالو فلانه طلقت فلان حسيته انحرررررج كثير وكتمها بقلبه

واتوظف باﻷمن العام وراح تدريب اكثر من شهر ولما رجع كان متغير. وكأنه زي الحال بأول الزواج قلت اصرفني قال خلي ابوك يصرفك

برضو رَآحّ بعدها تدريب ورجع والأمور تمام ونفسيته حلوه ولدت وجبت ولد وما سأل عني ولا جاب هديه ولا تجهيز لي وزعلت بالأربعين وتراضينا وجاله الراتب حق وظيفته صار يعطيني كل شهر مصروفي ويقول ترا اللي غيري ما يصرفون يعني كان يتمنن لمدة ثلاث اشهر ووقف المصروف
ومره قال ولد عمي اتزوج زوجة ثانية وكان فرحاااان وقال حنا لنا سنتين مو تحسين مطولين مع بعض قلت ﻻ عادي بعدها قلت اوعدني ماتتزوج علي قال ﻻ انا مو حمار مثلك اوعدك تبيني اجي علے كيفك الشرع حلل اربع وبعدها زعلت وقلت تصدق اني كنت احب خطيبي السابق وزعل وكتمها بداخله
خذينا اسبوعين وتراضينا واعتذرت له وقلت والله ما احب خطيبي السابق بس انت قهرتني من دخلت علي وانت تقول بتزوج واحب وحده وسويت زيك قال اصلا ماهمني خطيبك ولا هزني

هذي السنتين كلها وانا عند اهلي لأن ابوي شارط شرط ابقى عنده وكان لنا جناح خاص
كان زوجي احيانا مايجي عندنا واحيانا يتغدا عند اهلي ومايجي عندي وفي الشهر الأول ايام الدورة الشهرية مايجي
كان يهدأ فترة ثم يزعلني فجأة

لما جينا عند اهله رأيت الشخص اللي اول الزواج وقالي هنا ماينفع لا رومانسيات ولا دلع ولا حب وكلام حلو
لما جيت البيت ناقص وتوني اعرف ان هذا طبع اهله

بس هو صار يسهررر ويجي اخر الليل وانا جديدة ماتعودت علے الوضع الجديد وناقشته وقال خلاص لكن ما اتعدل
واغراض البيت مايجيبها واغراضي انا وبعدها صار يسفهني اكلمه مايرد علي انا كنت متوحمه وقلت خلاص ماعندي وقت بحاول اكسبه زي اول الزواج ورجعت لأهلي مع اخوي

وشهر لا كلمني ولا رجعني لكن ابوه اول ماعرف غصبه يرجعني يقول بتشتتون اطفالكم
ورجعت وصار اسوأ بكثييييير من قبل قال بتزوج والله لأحط بيتها جنبك دايمن يتهمني بالتقصير تجاه امه وطفلي ويقارني بزوجة اخوه وانها افضل واحسن مني دايمن يتمهزأ بي ويتشمت وليتني طلقتك قبل اتوهق فيك وليتنا ما انكتبنا لبعض وحياتنا رسميه وكل شي ممنوع من حب ورومانسيه ويهددني بالضرب وبعض اغراضي الشخصية مايجيبها ودايمن صامت ولو ناقشته افجر وسمعني كم كلمه تغث واشياء كثيرة وعرفت من ابوه انوه رَآحّ يتزوج وقالي ابوه لا تدوري حب وغلا عنده وكان لما رحت لأهلي بيطلقني لكن ابوه اجبره بالغصب يرجعني


فأرجوووووك ساعدني واخرجني من هذا المأزق بعد اللَّــہ. وشاااااكره لك

نقل لمكانه الانسب / الادارة

__________________
.
.

استودعتك أهلي في سوريا يا من لا تضيع ودائعه

ادعي الله وحده

واطلبيه ما تتمنين

ولا تطلبين من عباد الله


الله يهديك

مو هذا موضوعك القديم ؟ كيف كتبتيه من جديد ؟
بس فيه تفاصيل توني اشوفها بصراحه ...

الله يعينك حياتي .. انا برأيي مثل ماقلت لك قبل هذا بايعك ومايحبك
اطلبي طلاقك منه وقفلي جوالك ولا تتناقشي معه ولا يشوف رقعة وجهك ابد ابد
خليه يمووووت مايقدر يوصل لك باي طريقه لو يحبك بيصبر وبيذذل نفسه وبيحاول يوصل لك باي طريقه
ولو مايحبك ماراح يهتم ويطنشك ......

طيب زوجك بصراحه .. هوآ عقليتهـ كذ1 ومتربي كذ1 ..
والظاهر بعيلة زوجك عادي الرجال يتزوج اثنين او ثلاث عااادي .. شي طبيعي ..

بصراحه مافي حرمه تتمنى هالشي يصير ان زوجهـا يتزوج عليهـأ .
بس هذ1 شرع الله كمان وزوجك بالنهايه لو حسبناها بالعقل بدون مشاعر وعواطف هوآ فعلا مو غلطآن ..
ومو لازم يوعدك انه مابيتزوج عليك ..

وبالنسبهـ لأسلوبه الجآف قلتلك هذي تربيتهـ وهذي طبيعتـه ..
وصعب هالنوع من الرجال يتغيروآ تمامآآ .. لازم تتعودي ع طباعه وع اسلوبهـ ..
لو انتي تحبيه وتبغي تستمري معاه وتحافظي ع بيتك وزواجك ..

طيب انتي من وجهة نظرك / تحسي ان زوجك فعلا مشكلتهـ الزواج من وحده ثانيه !؟؟
يعني تتوقعي لو تزوج من وحده ثانيه بيقدر يعدل بينكم وبيعدل اسلوبه معاك !؟

احب اقولك ماحد بيفهم زوجك كثرك ..
انتي لازم تعرفي مداخله ..
وتعرفي كيف يفكر .. الخ

وربي يشافيك ويطيب خاطرك يارب ..

صحيح يا الملاك يونا..
الموضوع هذا قد قريته قبل!!!

والله يعينك ياصاحبة الموضوع على ما ابتلاك به..

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..

قررت انفصل ربي يعوضني خيرا منه

اختي انتي كم مره تجين تشكين من زوجك..؟؟

قلنا لك هذا مايحبك مايبيك وهو اعترفلك من اول ليله بس انتي الله يهداك مدري كيف تحملتي كلامه واستمريتي معاه.وانتي عارفه انه مايبيك.انتي وش تبين فيه؟..يعني الله سبحانه ليش حلل الطلاق..طبعا لمثل حالاتك للازواج الي مافيه بينهم موده ةلارحمه..

هو يبيك انتي تخلعينه عشان ترجعين المهر...عشان كدا يوم تطلبين الطلاق يسوي نفسه مايبي يطلق لاتفتكرين رفضه للطلاق عشانك ..

روحي ارفعي قضية خلع وارميله فلوسه في وجهه..

اطفالك ماعليهم خلاف ان شاء الله وحاولي تخلين القاضي يحكملك بحضانتهم..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

طيب لمن أنت مليتي من الرد عليها .. ليش تردين.. سبحان الله .. قولي خير ولا اسكتي..

الله لا يذوقك الي تحسه .. لأنك أكيد لو ذقتيه .. كان التمستي لها ميت عذر وعذر..

ليه الغرور والجبروت في الرد .. حتى في الأمثال.. يقولون ضرب الميت حرام.. اعتبرها أختك.. حطي نفسك في محلها ..

كنت ترضين أحد يكتبلك كذا .. والله الدنيا ما عاد فيها خير..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

اختي استخيري قبل أي قرار

الله يكتب لك الخيره من أمرك