انا متزوجة صارلي سنة ونص لدي طفلة ، مشكلتي مع زوجي ماعرف من وين ابدا بس اتمنى انكم تساعدوني بحل .
انا كثير مزاجية وعصبية وغيورة وبسرعة ازعل لما حد يجرحني لكني في نفس الوقت كثير رومانسية واحب الحركات والمفاجات وسويها لزوجي دايما واهديه كثير . لكن مشكلة زوجي ان ف اول ايام الملجة صارحني انه كان يحب وحده من اهله لكنها خانته وقراني مسجات هي كاتبتنها تعتذر وتتطلب منه يسامحها وترجع علاقتهم نفس اول المهم انا ماعلقت ابدا وكان هو دائما يتكلم عنها اماميوف مره بعد الزواج شفت ان بينهم مسجات بس عاديه يعني مافيها حب وغرام لكنه كثير يهتم فيها حتى مناسباتها يرسل يباركلها ك عيد ميلادها وتخرجها ويقولي عادي وانا كارهة ذا الشي ويقولي انتي تغاري منها مع اني اجمل منها .
كان رومانسي لابعد الحدود في الملجة لكن بعد الزواج تغير كثير وحتى لما ادلع عليه يقولي انتي ع فكره كثير دلوعه وانا ما فاضيلج ونسى الكلام الرومانسي وصار يجرحني كثير احيانا يقولي انتي غبية انتي ماتفهمي وانا كنت ازعل واخليه هو يراضيني لكن مستحيل ارضى م نفسي حتى لما ابكي يتركني ويروح ينام وانا كثير حساسه بعدين قررت اطلب منه اذا كنت اريده يحضني او يقبلني ويسوي ذا الشي بسرعه ولما اساله يقولي انه ما يحب هذي الحركات مع ان فترة الملجه كان يحبها دائما يتحجج انه تعبان

ياليت لو حد يجاوبني صارلي كم يوم ما اكلمه لانه قالي اني غبية لما مرضت بنته وان السبب مني مع ان الدكتورة قالت ان السبب من المضادات الحيةية والاسهال هو قال ان من قلت اهتمامي فيها

لا بسم الله عليك منتي مريضه يمكن اللي بينكم بروود بسبب الروتين غيري جو انتي وزوجك وانتبهي له من اللي كان يحبها ليش يراسلها؟ هل يرضى انك تراسلين شخص مو محرم لك؟

طبعا مايرضى بس هو ماراضي يتركها وهي كثير ترسله بدون سبب وهو يقوللها ان انا اعرف واني عادي عندي مع اني ازعل واعصب لما اشوف مسجاتهم ....
احاول ان نطلع ونغير جو بس ما يرضى يقولي مب فاضي مع انه جالس وعنده اجازه من الدوام احيانا افكر اطلق لانه ما عاجبه شي فيني ولا يعطيني سالفة

الله يسهل امورك يارب ويفرج همك

<<حبيت ادعيلك بس

__________________
ياررب ارح قلبي وعوضني خير

بعض الرجال مايحبو ان البنت تكون حساسه عن الزوم وتسوي مشاكل وتزعل ومن ثم تبي الزوج
يرضيها , كذا تملليه منك
وبعدين مافيه احد مافيه حاله نفسيه بس تختلف تأثيرها ع كل شخص ....

الله يوفقكم

يبدو لي من كلامك أنك ملتصقة لزوجك وتطالبيه بأشياء كثيرة
وهالشيء ينفر الزوج ويحسسة بالنكدية

وبالنسبة لهالمتطفلة لازم تشيلينها من حياتك قلة ذوق متزوج ويهنيها بعيد ميلادها خير ياطير
والله مهما كانت رسائلها حريم ونفهم بعض هذا اسمه كيد
ويمكن ماقالك غبية الا لما شافك عادي عنك رسائلها
وعلى فكرة أنتي لما يقولك مثل هالكلام لازم تسوي حد
ليه قلة الاحترام

أعتقد زوجك جدا رائع بس أنتي يمكن مافهمتي كيف تتعاملين معاه
كل الموضوع أنك محتاجة تكونين محل هالبنت
طبعا ماينفع الطلب المباشر ضمني قلي كلام حلو وغيره
بس نفس اهتمامك وحركاتك وعالمك وحياتك أيام الملكة سويها الحين
ولا تحسسينه أنك منتظرة ردة فعل، تخيلي نفسك أنتي وياه بمكان عمل
يوم عن يوم بيميل لك بإذن الله

صحيح كلامك انا كثير ملتصقة فيه يمكن من كثر ما احبه ، وبالنسبة لهذي المتطفلة بالعكس انا كثير اعصب وتصير بينا مشاكل بسبب هالمسجات ، وزوجي رائع بطيبته وحنانه لكنه ابدا مب رومانسي وانا كثير اعشق الرومانسية وتعبت وانا ادلع واسوي ليلة رومانسية وكلام ع الجدران ولا ردة فعل منه احيانا يقولي متى بتخلصي ابى انام ....شو بيكون احساسك ؟
وع فكرة هو خطيب وحافظ القران يعني فيه مميزات كثيرة

..........

اول حاجة مو من حقه يخليك تطلعين على الماضي لانه حتى لو صار هالشى بعدم وجودك اكيد بيجرحك
الشى الثاني ياحياتي بدل ماتكوني حساسة وعصبية كوني ذكية ولاتبيني ضعفك له صدقيني الرجال مايحبون المراة الضعيفة وانتي واثقة من نفسك انك اجمل منها خلاص الحمد الله الي انعم عليك بالجمال اجل ليش تتحسسين
سلاحك الوحيد ماهو الدموع والكدر بل القوة والثقة بالنفس ولمن تزعلي لا تنتظري منه يجي يحضنك واصلا لا تبيني له حزنك عشان مايلعب على الوتر الحساس