السلام عليكم

صراحه ماكان ودي انزل موضوع ولاكن اشوف الحاجه هذي مهمه ومحتار فيها

انتم عارفين اني خاطب والحمدلله عديت نصف المشوار شافت كشرتي بالصوره واعجبتها ولسا ماشفتها شوفه شرعيه

طبعا ماادري عن ابوها بس ماساأل عني واكتفوا باانهم يسألون الوالده عني !!

من الاسئله

اهو يتتن ؟
يعني هل هو مدخن ؟

ومافيه احد كامل وكلن فيه عيوبه وصراحه مااشوف نفسي مدخن كبير يعني وسط 😢 واغلب مااتتن في الدوام مع ضغط العمل ولان كل اللي اشتغل معهم يتتنون
ويقولون انها موافقه وطلبها انه يكون مايدخن وانا صراحه احترم راأيها واختيارها
بس الوالده يوم قالت لي قلت لها شوفي انا ادخن وماقد شميتي فيني ريحه ولا شفتيني ادخن وماابي اكذب على بنت الناس والعب عليها من البدايه تنرفزت وقامت تلاغي فيني وتقول انا حالفه عليك وماادري شو طبعا هذا عقب ماقعدت نصف ساعه تعطيني محاضره عن التدخين

اني هوم
اختي تقول اتركه ونقول لهم كان يدخن وتركه وصراحه ماودي اتركه واصدم المسكينه بيوم ارجع له مثل واحد من الشباب وبعد كذا قامت تنصح وزعلت ولاعاد ردت
الوالده طبعا تقول ماراح اكذب على الناس وقلت لها اشاركك نفس الشعور قامت ودقت على ناس ثانين وراحت لهم وتقول بدور وحده شيفه تقبل فيك وفي تتنك يالتتان وبزوجكياها
قلت مره انت اللي توقعين في دفتر المأذون ماهوب انا وعطتني نظره وراحت

الوالد يقول لاتقول انك مدخن وخذ بنت الرجال وتراه طيب وناس ينشرون ونفس مستوانا وماادري ايش لانه طقها صداقه معه هذاك اليوم
انا مافرقت معاي اقولهم لاتكذبون وانكانها راضيه بااحطها بعيوني ولاراح ادخن في البيت ولاقدامها
ولا وهي جنبي ولو تعينني تركته عشان هذاك الشي اللي يسمونه حب 😍

صراحه ماودي اكذب ولا ودي اخدعها وتنصدم بعدين لان واحد من الشباب تركه وفجأه تطاق مع المدام ورجع لها ببكت

ايش رايكم اقول ولا مااقول ؟

والشاعره تقول يوم درت عن ابنها انه يدخن عشان يتباها بأنه رجال

ياشارب الدخان شاربك لاطال واللي طويلن شاربه يقصرونه

انتضر ردودكم ورجل الرجال ياليت مايبخل علينا برأيه وكل المستشارين

الله لا يلومها ..
الحين لو فيها التهاب بالثه خفيف ..

بتكتب فيذا موضوع طويل عريض ان ريحة فمها لاتطاق ..
وانت تجي تسولف وريحة فمك كلها قرف ..
وشلون تتخيل انك تقبلها وشلون بالله عليك ..


وبعدين لا يهونونها عليك ..تخيل انها هي بعد تتتن على خفيف ..بتوافق عليها ..؟؟؟؟؟؟
ترى كاثرين التتانات هاليومين ..


وسلملي على اميمتك وحب لي راسها ..مايقبل بك الا شيفة ..
ولعلمك اختي راح عمرها تردد ماتبي تتان ..

تقول اشتري صحتي ..انا ابخر من هنا ..وهو يجي بعفانه من هنا ..
يجيب لي ولعيالي المرض ..

__________________

اححح والله ردك مايساعدني كثر مايضيق صدري ويحكم علي

من ناحية ان كان فيها التهاب لثه عادي زوجتي الاولى فمها مخيس ولاقلت شي حتى اني لمحت لها شريت معطر للفم وحطيته عندها بس مافهمتها

وبعدين ماراح ادخن عندها وريحت الفم يبيعون شيء اسمه علك

وماودي اكذب واقول تركته وارجع له خصوصا ان العمل كله مدخنين
ولاتحكمين علي لان مافيه احد مافيه عيب 😊

لحظه ..وش حكمت عليك فيه ..فطنني ..
ورانا حساب وعذاب ..لااكون غلطت وانا اكتب ..
والحمد لله عائلتي وعائلة زوجي مافيها تتان واحد يالله لك الحمد .حتى سواويقنا مايتتنون ..يالله لك الحمد ..

ترى ماعديتك الا اخو ..وهالكلام نفسه بقوله لو احد غالي علي يتتن ..اعوذ بالله ..

__________________

هههه حلوه ذي حتى السواويق مايتتنون


اختي انا اقول لك حكمتي علي لانك تقولين ماتنقع لك الا الشيفه وكااني ناقص يد او رجل وحكمتي علي ولاحتى حاولتي تنصحين وكانك ناقمه على كل المدخنين صح التدخين مضر وحرام ومضيعه للفلوس
بس انا طحت فيه وانا صغير ومااكنت افكر والواحد يتعلق ولايقدر يغير نمط حياته بهالسهوله خصوصا اني محاط بمدخنين وبعدين انا ماادخن عند اهلي ولاقد شافوني ادخن او شموا مني ريحة دخان صح ملابسي تعلق فيها الريحه بعد الدوام لاكن اول مااوصل اغيرها واتروش واتحداك تشمين فيني ريحه والمساء قليل ماادخن
ونغمة كلامك انك حاقده علي وتضربين المثل بااختك ماادري ليه هي لها رايها ومن حقها ماتبي واحد مدخن انا مااجبرت احد على شئ وابشرك امي راحت لناس ولقت عندهم بنت جميله واصغر من هذيك وماعندها مشكله مع الدخان وبس قاهرني انها صغيره ولسا تدرس جامعه وانا ابي وحده متعلمه وكبيره عشان مايصير فوارق في العقل مثل هذيك الاولى وبعدين ردك مالك الا الشيفه صراحه لو كنت ابنك ورديتي علي هالرد وبدون ماتحاولين تتفهمين موقفي وتحكمين علي عشاني ادخن اني ماراح اتزوج الا شيفه
كذا بااخذها تحدي مع نفسي اني مااتزوج الا وحده زينه ولاراح اترك الدخان عناد وفوق هذا كله ماعاد برجع لك في اي استشاره وراح احفظ مشاكلي واراأي عنك وهذا اكبر خطاء يرتكبه الاهل في تربية ابنائهم
صح ماني بزر عشان اسوي كذا مع الوالده ولاكن لو كنت من النوع العنيد او كنت مراهق هذا اللي راح يحصل معاي ويمكن هالشي يخلف انحراف وادمان لاسمح الله لو ماقدرت اني اتزوج وحده جميله وانا ادخن والبعد عن الاهل طبعا وعن الله يسبب افضع من كذا انا قلت كل هذا عشان انصحك في تربية اولادك
لاتحكمين ابد ولاترغمين احد على انه يااخذ رايك من ابنائك عطيه استقلاليته وعلميه كيف يتخذ القرار والنصح السليم بدون مانحدد له مصيره ان اختار كذا او اختار كذا

وانا ماكتبت الموضوع الا عشان اسمع ارائكم مو اتهزاء
تحياتي

عاد تدري قبل فتره امي كانت تكلم اخوي ووضعه زيك
ماعمرنا شفناه يدخن بس برا احيان مع الضغط ..
عاد امي حالفه يمين انها ماتخطب له الا لاساب ه البلا
وبرائي اشوف انه يستاهل والكل مأيدها ..
انت في العمل تدخن بحجة ضغط العمل واصحابك
عاد في المستقبل مع ضغط البيت
والاسره والبزران ي خوفي تدخن في البيت
عمومآ ..
انااشوف انكم تعلموهم الصدق من البدايه عشان التوفيق
وخلكم واضحين عشان لا تتوهق مستقبلا لا عرفت ..
وبعدين وش دراك يمكن توافق عليك ..

الله يصلحك و يكتب لك الخير ويرزقك بما تتمناه ..

غلطانه امك الدخان مسأله شخصيه ومو من حقها تمنعه يتزوج لانه راح يدور على طريق ثاني لاسمح الله ويوقع بمشاكل اكبر من الدخان ولانسوي انفسنا مثاليين لو تطلعون مع شباب يوم واحد او تسافرون مع قروب شباب خاصه اللي يروحون للبحرين راح تتفاجأون بناس كنتوا تضنون انكم تعرفونهم

وانا رأي من الاول اني اعلمها ولاكنت مصر على هالشئ وانا مستعد اتركه عشانها لو حبيتها وشفت منها الحب
ومقصدي كله اني ماابغا اضلمها واقولها تركته واتركه فتره وارجع له والحمدلله لقيت وحده موفارقه معاها يعني لو رفضت بروح للثانيه بس انها صغيره وماادري عن عقليتها

اخي العزيز
اتذكر يوم رحنا نخطب حق اخوي الله يحفظه قبل ما انروح كنت مكلمة استشارية عن موضوع الدخان
وقلت لها اذا سألوني عن هالموضوع على طول بخبرهم تراه يدخن بس طبعاً مثلك بس مكان عمله
جدامنا مستحيل او في البيت لا يمكن
لكن نحن نعرف بأنه يدخن في العمل

ف قالت الاستشارية ... قولي الحمدلله يدخن مب مدمن مخدرات بسم الله علينا الرحمن
ضحكت قلت لها احس ان موضوع التدخين شي وايد كبير بالنسبة للبنات

فـ قالت لي الشارع والضغط جاب لهم التدخين

لكن هذا ابداً مب عذر ... الكل يعرف حكم التدخين والكل يعرف شنو اضراره

الله يشفي كل غالي مبتلي بهالداء


بالنسبة لموضوعك خبرهم الصدق وخلك صريح وايد احسن من المفاجآت المستقبلية


الله يتمم لك على خير

دعواتك

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

وهذا اللي انا راح اسويه وإن شاء الله ربي يكتب الخير

الاراء تختلف بطريقة طرحها من شخص لاخر ..
انا عني طريقتي كوميديه ..
والتربيه ابشرك انا خريجة تربيه ..والحمد لله تربيتي لعيالي متميزه بشهادة كثير ..

__________________