السلام عليكم ورحمة الله وبركاتة

صباحكم ومسائكم ورد

عجبني المنتدى واحبيت اقول عن مشكلتي واشوف نصائحكم وارائكم لاني تعبانة نفسيا من هالمشكلة ومحد حاس فيني ,,

ابدأ بالموضوع انا متزوجة من 8اشهر عمري20
انا اكبر اخواتي واول بنت تتزوج ف العايلة
مشكلتي من يوم تزوجت وانا مضغوووطة نفسيا من امي يعني دائما تتحسسني بالنقص واني مو مثل فلانة وفلانة انتي ماتتطلبين زوجك انتي ماتعرفين تتطلبين بجد تعبت اوقات اقول لها من قال الا اطلب وماعندي مشكلة بس مو مقتنعة
لان اهلي ماخذين فكرة عن زوجي واهلة انهم بخلا ... وزوجي ابدا موبخيل بس مايحب صرف الفلوس عالشي الفاضي اللي مامنه فايدة
ومشكلة امي تسمع كلام الناس وتتأثر وتبغانا مثل الناس ليه سوو كذا وانتم لا ... اخر مرة تقول فلانة زوجها شرالها عباية بالف ريال يعني شووفي كيف وانا انسانة مااحب اقلد احد ولا احد يقولي سوي وسوي وااحب احد يتدخل بخصوصياتي اكرررررره شي عندي لكن اذا صار من اقرب الناس لك وش تسوين تعبت والله

مع ان زوجي لو طلبت عيوونه عطاني ...

واللي يقهرني اني اوقات احس ان اهلي مو طايقين زوجي ماادري احساسي صح ولا لا بس كذا لدرجة ان اختي اللي اصغر مني صارت تنصح اوقات ااه بجد حسيت بالاهانة وبالقهر وصل الموضوع الى كذا صرت كأني وحدة مو فاهمة شي وهم اللي يدلوني لطريق .. انا اللي الكل يحترمني في العايلة ويقدر كلامي ويقدرني والكل يمدح في اخلاقي اصير كذا

وطبعا امي ماتخبي شي عن خالاتي اللي هم خواتها لدرجة صرت اكره الجلسة معهم امي الله يهديها راحت تقولهم والله" ن" ماقدرت تطلب زوجها وش هالكلام امي تجيب اشياء واسباب من عندها مرررة ما قدرت اتحمل قولت لها انتي عايشه معي عشان تعرفين قدرت ولا ماقدرت

وبعد ابوي الله يحفظة في بداية زواجي كان يبتعد عن انه يسألني عن اي شي ومايحب يتدخل ...
لين ماأستأذن منه زوجي انه ياخذني ونجلس في بيت اهله في اجازة اخر الاسبوع لان اهله في منطقة ثانية ومايجون البيت الا نادر او في الاجازات ابوي رفض اني اروح معه وضغط ع زوجي انه لازم يبدا ببناء بيت حاول معه زوجي لكن مافي فايدة مع ان الموضوع عادي
المهم صرنا نروح لبيت اهله بدون مايدري ابوي انا وافقت زوجي لان قلت هذا زوجي وماامرني بمعصية عشان اخالفة بس وانا في بيت اهله احس كأني مسووية جرريمه طول الوقت خايفة وش بيصير وقلق لو ابوي درى ماادري ليه ابوي مكبر الموضوع بزيادة مع ان بيت اهله اريييح بكثير من الشقق مرت فتره وطلبت من زوجي يكلم ابوي مره2 ونفس الرد رفضض فقلت له نستأجر صرنا نستأجر بالساعات وانا اكره نظام الساعات هذا احس مااتهنى بالجلسة مع زوجي يعني اسبوع غايب عني واوقات اسبوعين وفي النهاية مااجلس معه الا ساعه او 3 واحيانا يوم وليلة
ووابوي من فترة صار يقطع عمتي اللي هي ام زوجي لانها راحت مع ولدها
لان زوجها متوفي واحسه مااخذ موقف منهم ... مع ان زوجي الحمد لله خلووق والكل يحبه

اه تعببببببببت من هالمشكله ماادري مين الصح وميين الغلط ومين اطييع انا ضايعة في هالمشكله بجد بصراحة من تزوجت وانا احس اني مو عارفة احدد الصح والغلط ماادري ليه يمكن لاني صغيرة او لان هالمواقف اول مرة اتعرض لها ...
وبعد دائما كل ماانفتح موضوع عن البيت والفلوس قالوا زوجك مايقدر يسوي شي فلوسه راحت على اخوانه مايقدر يرفض يعني ضعيف شخصية قدامهم يقهرررني هالكلام ابدا زوجي مو كذا نفسي اقول ماالكم دخل ,, بس صعبه هالكلام مايقوله لي الا اقرب الناس لي واللي واجب علي احترمهم
انا ابغى اعيش بهدوء وسلام مع زوجي .. اوقات نفسي اصارحه بكل شي واقوله اللي في قلبي بس اخاف يجرحه كلام اهلي ... بس قاعده احاول قد مااقدر انسى كل المشاكل وانا معاه عشاني عارفة هو قد ايش مضغوط في عمله وكمان سالفة بناء البيت اللي مخليته دائما مشغول البال ... مشكلة اهلي مايقدرون الله يهديهم حاطين في بالهم ان زوجي عنده فلوووووس بس مايبغى يطلعها هو قادر الحمدلله انه يبني البيت بس ابدا ظرووف عمله ماتسمحله لسى ماتثبت واحتمال ينقلونه فياي وقت


والحمدلله على كل حال ... الله يفرج همومنا ان شاء الله

دعواتكم

اولاً أحييك على عقليتكِ الرائعة وحرصكِ على زوجكِ وفهمكِ له، سبحان الله استغرب بعض عقليات الأمهات مع الاحترام الكامل لأمك، لكن ليس هذا هو دور الأم المطلوب، الله المستعان!!

لم أفهم أين ساكنة أنتي ؟ هل أنتي ساكنة عند أهلكِ ولم يضع زوجكِ بيتاً لكِ ؟
النقطة الأخرى ماشأن أبيكِ بأن يأمركِ ألا تذهبي مع زوجكِ !!؟ الأمر انتهى بمجرد أن أصبحتي زوجة فالمفترض أن يرفع يده ووصاياه لكِ، فأنتي تحت زوجكِ وليس تحته!!

عموماً استمري على رعايتك وقربكِ وحبكِ لزوجكِ، لاتحاولي أن تخرجي أو تقولي كل شيء لأمكِ عما يحصل، حاولي أن تقضي وقتاً أكبر مع زوجكِ بعيداً عن أمك وأبيك، حاولي أن تحاوري أباكِ وأمكِ بالمنطق حيث أنكِ لم تعدِ تحتهما، حاولي أن تصحلي أبويكِ، اسألي الله الخير وادعيه أن يهدي والديكِ .

__________________
ياصبحِ لاتِقبل !!
عط الليل من وقتك..

مرحبآ
آختي حبيبتي :/ حآولي تشرحين موضوعك اكثر , مثل مآقألت الاخت neat man
الله يوفقك انتي وزوجك ويسخركم لبعض ويعطيكم الذريه الصالحه
آممك حآولي ترآضينهآ بالكلآم , حآولي تشرحي لها وضعك انك مو نآقصك شي , واهم شي انو يحبني ويقدرني و يحترمني
واذا كان جد يصرف ع اخوانه , بالعكس هذا شي طيب لأنو اللي مافيه خير لأهله مافي خير للناس
فهميها هالكلام بالهدوء , وحآولي قد ماتقدرين انك توضحين لأمك انك عآيشه حيآه سعييده ومآآفي مثلهآ
قولي لها ماما انا عآجبتني حيآتي ومقتنعه فيها و الحمد لله رب العالمين الله مآبلآني بوآحد آنآني او مآعنده آخلآق
وأبووك غطآآن مآله حق يمنعك وانتي متزوجه وانتي سويتي الللي يقول عليه الله ورسوله
آتمنى لك التوفيييق من قلب صآدق

اهلا
انا ساكنة عند اهلي لاني ادرس في الجامعة ... ونهاية الاسبوع اروح مع زوجي

ماعندي بيت

هذا اللي اسويه مااقول شي لامي الا بالأمور العادية
بس الكلاااام يقهرني ويتعبني نفسيا

احاول ان اتحاور بأذن الله لكن ماذا اقول لهم ...؟ وخاصة ابي

اشكرك على هذه النصايح فأنا محتااااااااااااجة لهاا كثيرا ولا اجد احد

جزاااااااك ربي الفردوس الاعلى

انفااس انثى .... neat man

دمعت عيني من ردودكم ... اشكركم من اعمااااق قلبي

مجتمعي لا اجد فيه مثلكم اه بس

ولكن الحمدلله الحمدلله

اختي انفاس انثى كيف تريدين اشرح موضوعي ما الذي تريدين ان اوضحه لك

محبتكم في الله

انفاس انثى سأعمل بما قلتي باذن الله

جزاك الله الفردوس الاعلى

دعواتي لك بالتوفيق
انصحك بالتالي

اولا ,,, قلصي زيارة اهلك والجلوس معهم اشتغلي بالبيت او لاعبي الاطفال
ثانيا ,,, اذكري لامك الاشياء الطبيه اللي يسويها زوجك ويجوز ان تبالغي لانه كذب للاصلاح
ولاتسوين انك فرحانه كثير بالشغلات اللي يقدمها
مثلا جاب لك طقم ذهب هديه قولي جاب لي هديه بس ان الطقم مو حلو مره بخليه يشتري لي واحد ثاني ,,,
امك تسوي كذا ع بالها انها تجلب لك السعاده نيتها طيبه لكن لم يحالفها التوفيق في نصحك ...
لذلك اعذريها وتاكدي انها تحبك ,,,
اشتري او خلي زوجك يشتري هدايا وقدميها لاهلك ,,,
مع الوقت امك ستمل منك وبتقول لك انتي مامنك فايده وينتهي الضغط ,,,
اذا امك مطيعه جدا لابيك قارني بينك وبينها وقولي انا طلعت عليك ,,,
اذا امك تخاف يطلقك قولي يمه اخاف يطلقني او يتزوج علي ,,,,
اهم شي غيري الفكرة اللي براسها اي شي حلو يسويه خليهم يدرون فيه ,,,
هي تحس انه ثري حسسيها انه متوسط من ناحية المادة وان عليه ديون ....
ولاتتركي الدعاااااااااااااااااااء

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

جزاك الله الف خير ... انا مع كلامها .. كلامها عين العقل

__________________
لاتـــغــركــ <> الـضـحـكــــ..هــ تـــرىــ كــــلــيــ أحــــزانـ

مسألة انه بخيل وكلام امك ممكن توضحين لها بشكل مؤدب وحازم بنفس الوقت انه هذا زوجك ومتفاهمين وتحبون بعض ومو مقصر عليك بشي ومثل ماقالت اخت (ليش كذا) بالغي في وصف الهدايا اللي يشتريها لك زوجك وممكن حتى تخترعين هدايا او اذا اشتريتي شي قولي انه من زوجك هديه والخ من تزيين الكلام


بالنسبه لموقف والدك ماالومه ... المفروض يكون لك شقة مستقله لكن الوم اهلك على قبولهم تزويجك بدون شقة !
والان تغير موقفهم ويطالبونه يشقة

ياليت توضحين لنا اكثر حبيبتي

اختي الله يكملك بعقلك و الله يهدي امك
ما قيمة الماديات امام سعادة ابنتها وهي تراكي سعيدة مع زوجك والمطالب اشياء تافهة امام قناعتك وحبك لزوجك .. هي تحب المظاهر والتباهي امام الناس وان كانت هي سطحية بتفكيرها لماذا تفرض عليك ان تكوني مثلها او مثل باقي الناس السطحيين

اختي لو كانت هذه المضايقات من اناس اخرين استطيع ان اقول لك ابتعدي عنهم قدر الامكان فهم يرودون تخريب زواجك بتحريضاتهم لكن هذا من امك واخواتك فما عليك اختي الا مجاملتهم والصبر عليهم ولا تتركيهم ابدا يؤثرون على شخصيتك الي ما شاء الله رائعة و رزينة
اصبري حتى يبني زوجك البيت وعندها تستقلي عنهم وتعيشي حياة سعيدة مع زوجك ملؤها الحب والتفاهم
كوني سعيدة اختي وكوني مبتسمة الثغر مواجهة كل تعليقاتهم سيملون في الاخير ويدعونك وشانك قوليلهم كل شيء ياتي في وقته

ووالدك الله يهديه هل نسي انك الان في ذمة رجل وهو مسؤول عنك وياخذك عند اهله متى شاء .. كان من المفروض هو الذي يقف في صف زوجك ان انت رفضتي الذهاب لزيارة اهله
اتمنى لك التوفيق اختي كوني قوية وقابلي كل شيء صادر منهم بكل صبر وثبات فهم يبقون اهلك عزوتك وسندك ستتجاوزين المحنة باذن الله لما يصير لكما بيت مستقل فعلى زوجك فعل المستحيل لتوفير عش الزوجية لك في اقرب وقت

ولا تحدثي زوجك ابدا عن كلامهم بخصوصه كل شيء يفوت لكن الكلام الجارح للقلب يبقى مغروسا في الصدر انتبهي وكوني ذكية حتى ترسي الى بر الامان