لم يبررو سكوتهم
السلام عليكم ورحمة الله وبركاتة ..
انا من متابعين لهذا المنتدى الراقي منذ فتره
وحبيت افضفض لكم لأني والله خلاص طفح كيلي من جد مدري وش اسوي .. وضاقت علي الدنيا ومالي عارفه مصيري
احس بكأبه ... وضيق الله يعلم بحاالي
..
انا مخطوبه من خمس سنوات ولا كأني مخطوبه ماحددنا الملكه ولا الزواج ولا سوينا فحص .. وغير كذا سافهينا مدري وش بيون بالظبط وحتى مابررو لنا سكوتهم عن الموضوع
. قسم احس اني قلبي ينحرق من فعلتهم .. انا بنت ومثلي مثل غيري وعمري راح واللي اصغر مني جاهم نصيبهم اصغر وحده بالعايله معها ولد اللحين
عمري 28

..
كل ماجت اجازه اقول يمكن يستحون على وجيههم ويحددون او يقولو شي .. تخلص الاجازه ولاسمعنا رنة وحده منهم ..

ماكنت ابيه من البدايه وربي حاسه بتصير لي مشاكل بسببه ....بس سكتت علشان امي وابوي وافقوا وقالوا له مابغيت اكسر كلمتهم قدام الناس ....واحتسبتها عند الله
دراستي توقفت ..
حياتي تدمرت <<<< هذي الكلمه بكل معانيها لااحد يطلب تفاصيل كلن يفهمها ع تفسيره وهو الصح

مالي عارفه ايش اسوي اذا لحيت ع امي تكلمهم تعصب وتزعل وتهاوشني (( وتقول وش معجلك
وابوي مايتدخل ابد لو امي ماكلمته وامي معانده ماتسوي شيء


وانا والله مالي مستعجله ع موضوع الزواج وكرهته خلااااص امووت بالييوم ملييون مرره
خمس سنين من الهم والقهر غابت الفرحه والضحكه مني صرت انعزاليه مااقابل احد كلام الناس ونظراتهم مااترحم اببد حتى العيد مااحس فيه وماصرت اعيد مع الناس من الهم
وهو ابوه متوفي
تربيه امه مااابي اظلمها كلن يمدحها يقول مسكينه ع نياتها بس انا ماارتحت لهم ابد

كتبت مشكلتي هنا حبيت افضفض واسمع اراء واتبادل خبرات من اللي قبلي

إذا خطبك واحد غيره وطيب ويريد الزواج في أقرب وقت اسحبي على هذا وتزوجي

عن تجربة وتجارب مررت بها من واحد إلى 3


صحيح في النهاية رجع لكن بعد سنوات وقد تزوج وتوفيت زوجته وان كان مررنا بظروف
وليس لأحد أن يحجز أحدا

شوفي اختي الكريمة

خطبه خمس سنوات شي عادي فيه غيرك مخطوب اكثر من كذا

انا عندي بنت خالتي انخطبت من ولد عمها ونخطبت خطبه لمده 5 سنوات او ست على مأظن وتملكت وقعدت بعد سنتين وتزوجت شي طبيعي

انا يوم قلت قصتها عشان تعرفين انك مو الحالك فيه غيرك على هالحال

بس شوفي اختي الكريمة كلمي ابوك وقولي له من حقك وتراه زوجك يعني عادي تقولين لبوك

كلميه قولي لي 5 سنوات مخطوبه خطبه عاديه وللحين محد عطاني خبر او شي

اتمنى تكلمهم يعني انا عمري 28 سنه ولازم اشوف وش مصيري بزواجه هذي اتمنى قدرت اساعدك

الله يكون بعونك وويوفقك اختي الكريمة

ربي يسعدك ويوفقك
بالوققت هذا مو عاادي خاصه ان هو ماعنده شيء يمنعه موظف من زمااان ماناقصه شيء
وانا اشوف عمري يمشي واتعرض للحرااام ومااحد هااامه
وابوي كله مع زوجته الثانيه )) اذا اخواني ماعطوني وجه بينظر لي ابوي
فيه مشاكل ماعمري كلمت ابوي بكلمه كييف اكلمه بالموضوع هذا ؟؟؟؟

مافيه اباء هذا الوقت الا مارحم ربي
كلن همه نفسه

لا مو عادي مع احترامي لك

هادا الكلام لا بشرع ولا بقانون

اذا كنتي قبيليه الله يعينك لازم تكوني جريئه وقويه عشان تقاومي الكل وتنتزعي حقك
لأنو في عرفنا احنا البدو كبيره لو تكلمتي بهادا الشي
انا خطبني ابويا لولد عمي بدون رضايا وقفني عشانه 8 سنوات
وزي مابدأو خطوبتهم الوهميه همه انهوها

تكلمي لاتسكتي لأنو الحق معاك

كلمي ابوك مباشره وبكل هدوء مع الحرص على اختيار الفاظ مناسبه

الله ييسر لك امرك

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

من وين يجي خطيييب
كل الناس صارت عارفه انا مخطوبين
حتى قريبنا البعيد بالمناسبات يسالون امي ايش صار ع موضوعنا
تقولهم ماادري <<<<<ياليتني يتيمه والا عندي امي تحسسني اني بنتها وتخاف عليها حتى من نظره الناس وكلامهم

اهلي اهم شيء عندهم ان الناس راضين عنهم لو ع مصلحه انفسهم

الله يذكر خالتي بالخير يوم خطبنا بنتها لاخوي
كسرت الجوال مكالمات يوميا كانت بمنطقه ثانيه سوت لبنتها الفحص وخلت اخوي يرسل اوراق فحصه بالفاكس لها
>>>>>شتااان بين الاختين

مدري ليش تكرر مأسأأأتي وأنا مثلك تماما سابقا واحد من الأهل وآخر شيء ذهب لحياته هذه نهايتها وكل العالم يعرف ومن أين بنخطب وأصلا ممنوع انخطب من خارج ايطارهم وان كان عذره معه ولما تزوج تكررت الحالة انخطبت ولثلاث سنوات وذهب ادراجه وآخر انخطبت وقال انتظروا لخمس سنوات وهذا قبل سنة تقريبا في حين انه يخطب وهذا الخبر مؤكد وهذا الشيء طالعين فيه بعض الشباب هذه الايام موضة إلا من رحم ربي \\

المهم من طرفك وعند صديقاتك ومن طرف اخوانك لا أحد يعرف انك مخطوبة وإذا جاء احد من طرفكم بشرط انه فترة أقل اقبلي واستخيري واستشيري

كم هذا الموضوع مؤلم والله ما ألومك والله يسهل أمرك

خمس سنوات خطبة!!!
ياساتر
الخطبة إذا تعدت أشهر تعتبر سماجة ولعب ببنات الناس
إذا جاك خاطب غيرهم طنشيهم
وبصراحة الزوج الجاد هو من لايؤخر زواجه بدون عذر حقيقي
هؤلاء خطاب بالمزاج ممكن يجيك بعدين وممكن يسحب عليك

الله يسهل لك ويوفقك بقولك قصه وحده اعرفها ملكت وع18 مش مخطوبه لا كتبت كتابه وهو ولد عمها مادخل عليها لا لماصار ع30 سسسسنه صبرت صبررر ودخلت التحفيظ القران وجلست 6شهور بس سبحان الله فتحها الله عليها والحين حامل الخلاصه اذا تقدرين تصبرين اصبري واذا لا والله شوفي حالك تكلمي تصرفي وانتي ادرى بوضعك وادعي ربك كثيررر واستغفري وان شاء الله الله يفتحها عليك دعواتك لي

__________________
[

لا طبعا مو عادي خمس سنوات ومستمرين بالصمت
الغلط من اهلك ليه يسكتون