السلام عليكم
حمستني تجربه مريوم اكتب هنا
الله يبارك لها ويتمم لها على خير
بالاضافه لتجارب اشراقه الي ماتقصر علينا بالمعلومات

بصراحه انا ناويه اعمل عده اشياء لكن خايفه
بودي تجاربكم او تجارب احد تعرفونه
ماابغى اسال في محيطي خوفا من تناقل الكلام


1- الغمازات شفتو احد عاملها وطالع شكله حلو ولا يبين فيك
2- فيلر للشفايف
3- انا دايما صراحه اعمل بوتكس انتو تعملوا وكم المده بين كل بوتكس
4- البلازما للشعر و الوجه
5- اي نوع تقشير
6- اي شي تجميلي سبق ان قمتي فيه
اذا ممكن شاركينا تجربتك
لو شي طبيعي ويكون فعلا جاب نتيجه
والي عندها حل لمشكله المسام هذي بعطيها هديه ....معقدتني هالمشكله

كل امرأه تحب الجمال وحلو الاهتمام بالنفس
لكن حبيبتي اهم شي نسأل عن حكم الشرع هل يدخل بالحرام ولا لا ؟!
لاني سمعت ان الغمازات تغيير لخلق الله غير عن اللي تعالج اللي تغير مع الوقت.

مدري ياجمانه
لعل احد يفيدنا

بالنسبة للغمازات ماعندي فكرة، بس خلقة ربي دائما حلوة، برأيي اذا عملتيها ماراح تلوق عايك..

تكبير الشفايف نفس الشي.. لا أحبذه..

الحقن عموما لازم دكتور شاااطر مش دكتور تجميل وبس.. لان هذول الي تخصصهم تجميل فقط بتكون نتائجهم مش حلوة ومصنعة.. أما اذا اخذتي دكتور جراح او اختصاص الجلد فبرأيي راح يعمل نتائج طبيعية وحلوة..

تقشير بحمض الكلايكوليك جميل وخفيف مع المداومة مرة كل شهر بتروح المسام ان شاء الله والتصبغات وبيرجعلك لون وجهك الطبيعي..

الفيلر عالخدود بحمض الهويالورونيك بيطلع جنان بس لازم يكون خفيف.. والا بتصيري متصنعة زي كل هالأشكال الي صارت تشبه بعضها..

فيه تقنية حلوة اسمها thermolifting, طريقة بتجدد الكولاجين الي بالجلد وبيصير وجهك مشدود وممتلئ ويخفي التجاعيد والترهلات الخفيفة.. باستخدام نوع من الموجات بيدخل تحت الجلد الله اعلم ايش بيسوي بالضبط..

وعندك silhouette soft, وهي تقنية رفع الوجه وشده بالخيوط.. انتبهي فيه انواع.. thread lift ماعنده نتائج الرفع فقط يساعد على زيادة الكولاجين في المناطق الي حطولك فيها الخيوط.. أما silhouette soft فهو خيوط رقيقة يحطوها في الوجه ويشدوها وتطلع النتيجة حلوة مرررة وكويسة..تصلح للسيدات في 30-45 الي ماعندهم ترهلات كبيرة بالجلد.. ومش غالي كتير..

كمان فيه micro needling بحيث يمررون مكنة على وجهك فيها ابر كثيرة صغيرة تدخل بالجلد.. بتدمر طبقة عميقة من الجلد فيلجأ الى ترميم نفسه بزيادة الكولاجين وتتجدد البشرة، بتروح الشوائب حتى الخطوط الي تطلع بسبب الحمل تروح،، النتائج جميلة جدا.. انا عندي واحد استعمله بالبيت خفيف مايطع دم لما تستعمليه، وجهك بيصي أحمر ولازم بعدين تحطي سيروم فيتامين سي، الصبح بيصير وجهك مشرق وممتلئ.. وعند الدكتور بيستعملو ابر طويلة تدخل الجلد ويطلع دم وهذا احسن بكثير..

اتمنى اكون افدتك..

واذا اردتي شي مايكلفك ابدا،، لا تضحكو بنات.. قومي بصفع وجهك يوميا حتى يحمر،، بتشوفي النتائج، لان الصفح بيخلي الدم وبيطلع عليه بكل المكونات الي تحتاحها بشرتك، فبيتغذا زين وسبحان الله مع المدة بيشد الوجه..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

هلا مسك
ياحلوك وياحلو مشاركاتك
شكرا للمعلومات المفيده
عجبتني تقنيه micro needling هي نفسها derma roller صح
بالنسبه للصفع هههه ارخص علاج ولو كل وحده تخلي زوجها يصفعها وهي تضحك لا انحلت كمان المشكلات العائليه

صراحة سويت فيلر للوجه والشعر
وسويت تكميم
وسويت عملية شفط السيلوليت وشد طبعا بنج كامل وتنويم يوم كامل وبعدها سويت جلسات ال بي جي

هلا ملكه
مبروك النيوًلوك
التكميم غير ناس كثير
بس فيه ناس حافظت على نفسها من الشحوب والترهل وتساقط الشعر
وناس لا
شفط السليولوت هل كان عمليه ولا جهاز
وهل فادك فعلا
وجلسات الي جي بي هل لها نتيجه ولا تجاره بس

الله يسعدك
اي كان عمليه تشفط الافخاذ من السيلوليت وتشدها بتقنية الليزر تقنية جديده
بنج كامل وتسع فتحات ع مقاس ابرة الشفط وبعدها بكل فتحة غرزه
ولبست المشد شهرين
بعد الشهرين سويت الجلسات الي بي جي طلعت النتايج خيااااااال
طبعا سويت برضوه جلسات ليزر للجسم كله وخلصت طلعت النتايج رووعه
بس من اول ايام حملي طلع لي شعر

سويت فيلر جميل لكن بس لشفه اللى فوق
لان اللى تحت طبيعي ^_^
فعلا يحتاج طبيبه شاطره ..

سويت تجميل للاسنان بردتها و قريبا ان شاء الله اركب لها عدسات الفيينر
بس مكلفه صراحه و متعبه جدا عملية البرد و مولمه و جلساتها طويله ..

نفسي بتان للجسم بس افكر للان خاصه ان ماعندى وقت ..
لكن مقتنعه فيه بسمر نفسي شوى ^_^

بخصوص الغمازات ضحكتينى ههه
متعقده منها من طفولتى الله يسامحهم اخوانى خلوها معاير لي فتعقدت نفسيا جد والله
استشرت طبيبه تحميل المانيه فقالت ما تنشال و انها موضه مع انها في الحقيقة تعتبر عيب !
لانها قصر في عظمة الخدين فتطلع الغمازه او الحفره ^_^ اسميها حفره ..
واغلب عملياتها فاشله شفتى شيماء علي مسويتها و مو ضابطه لانها لابد تكون طبيعيه ..
مع انى ما اشوف فيها جمال ..

حاجة ثانيه سويتها ليزر للوجه و ضبط
فرحت سويت للجسم مو كله ولكن مناطق محدده لان البشره بعده تصير حساسه للحراره
لكن مريح جدا ونعومه و نظافه و تلبسين براحتك ..

وسويت شي وندمت عليه لكن مدرى ايش جانى وقتها ^_^
سويت وشم على كتفى من ورى " ادرى حرام " بس جداااا ندمت
لان ما استفدت منه و يعطي انطباع مو حلو عن الشخصيه
وسوا لى مشاكل بالشغل و اشراف وحطونى تحت المجهر ..
و لازم اغطيه بالملابس بحكم انى معلمه قدوه و مرحله ثانوى ومتوسط ومراهقات
وبيقلدون و يسالون فين سويتيه وهو حرام او لا ^_^
فحاليا احاول اشيله ..

بس حبيت الموضوع ...

فليكا تعجبني الوشمة الصغيرة عالكتف من ورا بس حرام 😟

يعني البنات الي ندموك أو هي ماطلعت حلوة؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم