السلام عليكم

انا طيار عمري 24 سنة افكر بالزواج من اخت صديقي طبيبة امتياز باقي لها شهرين وتتخرج ان شاء الله وهي اكبر مني بحدود السنة
احيانا اقول ان عملها وعملي راح يدمران بيت الزوجية وبنفس الوقت اقول اذا تزوجت وحدة عاطلة بتطفش من طول دوامي
وايضا انا احد اسباب زواجي من الاساس هو اني مليت من العزوبية ومليت من المطاعم . البعض يقول هذا ليس سبب مقنع للزواج وتزوج لما تكون مستعد للزواج مش عشانك طفشت من العزوبية فما رأيكم ؟

استخير في التقدم و الزواج بها ، والله يهني سعيد بسعيده ان شاء الله

اهلا وسهلا فيك عزيزي،
بحكم عملي طبيبا استطيع ان اجيبك..
لا تنس طول فترات عملك لأن اخوي طيار وكان يغيب كثيير عن البيت ... فاذا اخذت ربة بيت حط بحسابك انها راح تطفش كثيير من جلستها بالبيت بدونك..
الشيء الثاني بالنسبة للطبيبة ما هو تخصصها ؟ لأن التخصصات تفرق برضو فيه تخصصات الطبيبة يكون دوامها مريح جدا ومناسب لها زوجة وبيت بدون مناوبات مثل طب الاسرة . وفيه تخصصات لا تصلح ابدا للزوجات.. مثل التخصصات الجراحية ذات الدوام الطويل والوقوف الطويل على الارجل والمناوبات الكثيرة..

عموما الطبيبة لديها خيارات واسعة في العمل وتستطيع ان تغير عملها . يعني لو عاقت مرة تقدر تشتغل طبيبة عامة في مركز صحي الحي.. وهناك دوامها خفيف ومريح ومافيه مناوبات..
اضافة الى ان اجازة الامومة 3 سنوات من المميزات لدى الموظفات في الحكومة بشكل عام
عادي تفاهم معها وقولها ادخلي التخصص المريح .. وحاول ترتبو جدولك يعني شوف جدول رحلاتك وخليها ترتب جدول مناوباتها بما يتناسب مع رحلاتك عشان لا تجي البيت وتكون هي مناوبة برا وتمل من الوضع...
وعادي تتزوج عشانك طفشت من العزوبية هذا من حقكك .. ومتى يعني المفترض تتزوج !!! الآن لديك راتب ودخل مستقل وامورك راح تكون زينة وراح تعيش على مستوى عالي..

السؤال هل فيه احد راح ينتبه لعيالك وقت غيابكم؟؟ الوالدة او والدتها هل قريبة منكم.. لأن راح تكون ايام كثييرة راح تكونو الاثنين غايبين عن المنزل.
انا ارفض ولا اؤيد ابدا ان الشغالات ينتبهون للعيال.

لازم تكونون على اقصى درجات التفاهم

اذا كانت طبيبة امتياز وشارفت على الانتهاء فالغالب ان تخصصها مقرر مسبقا وتم قبولها فيه

بس تبي رايي؟

اختار وحدة لاتعمل بالمجال الطبي.. لانها ستكون اكثر مرونة بموضوع ترك العمل او التنازل عنه لاحقا

__________________

اختلافي عنك لا يعني اختلافي معك

البنت بتتخصص طوارئ باحد المستشفيات بالرياض وحسب فهمي لكلام اخوها ان التخصص هذا يتيح لها انها تختار جدولها شهريا يعني موعد الشفت متى
امي وامها موجودات الله يطيل باعمارهم .
بالنسبة للخادمة لابد منها سواء للاطفال ولا لشغل البيت بحكم عملي وعملها .
شكرا لمشاركتك اخوي ياسر
الود ودي اخذ وحدة مدرسة لكن محد حولي ههه

اخوي تخصص الطوارئ من اصعب التخصصات من ناحية الحياة الخاصة

صحيح الدوام 8 ساعات و20 يوم بالشهر

اقدر اقول لك انه قد يكون مناسب لو كانت مهنتك مختلفة.. لكن اثنيناتكم بتكونون غايبين باغلب الاوقات الحرجة الله لايقدر شر

وهو يتطلب شخص يهتم بالبيت بوقت غيابها ويقلب النوم اسبوعيا

لان وقت الشفت اذا كان ليلي وصادف وقت تواجدك وانت وراك رحلة باليوم التالي جدا صعب.. ممكن ماتلتقيها!

اتكلم عن وضع مستمر مو مؤقت ولا محدود بوقت دراستها!

في حالة صار عندك اطفال وحطتهم بالليل عند امها وانت مانت موجود.. من الصعب جدا جدتهم تداريهم لو واحد فيهم حرارته ارتفعت او مرض او حصل اي طارئ

وقت النهار يختلف

__________________

اختلافي عنك لا يعني اختلافي معك

لاحول اغلقتوها بوجهي هههه

انا اكلمك عن الواقع ومن اللي اشوفه.. اذا فعلا ودك محد يغلقها بوجهك لاتقدم الا وانت عارف الوضع من الالف الى الياء وعن رضا تام وقناعة

لانك قادر تتجنب او تبعد عن مشاكل بمجرد معرفة ماقد يحدث مسبقا بعيدا عن عنصر المفاجاة

كنا نتناقش انا وزميلاتي مع ان تخصص الطوارئ بالنسبة لهن فكرة غير مطروحة "نادر يتخصصون فيه نساء اصلا"

خاطب وحدة منهن كان طيار ورفضته هي لهذا السبب وصعوبته عليها كطبيبة مش لانه مو كويس بل لانه اللايف ستايل ملخبط وكثير اتفقوا معها

وكذلك كان بالنسبة للعسكري في عليه تحفظات من هذا النوع

انتو الشباب بالبداية تكونون متحمسين ومندفعين لكن بمجرد مايصير الموضوع واقع ينفذ الصبر

واذا تحملت اليوم ماراح تتحمل بكرا

هذا مجرد راي تقدر تاخذ فيه او تتركه

الله يوفقك ويكتبها من نصيبك ان كانت خيرا لك 🌹

__________________

اختلافي عنك لا يعني اختلافي معك

هي تعطيك الحقائق اللي ممكن صاحبك ما خبرك عنها
و الاختيار يعود لك بالاخير
هو من اسمها باين انه صعب من كل النواحي "طوارئ"
استخير اولا
و شوف قرابتك او اللي حولك
و اسال الله التوفيق اولا و اخيرا في ايجاد الزوجة الصالحة

مبروك ياعريس اتوكل على الله