السلام عليكم و رحمة الله وبركاته

أخي الكريم .. بجانب مشكلتي مع زوجي .. توجد مشكلة مع أهل زوجي و بالذات أمه
وبما اني الحمدلله استقريت على حل مناسب مع زوجي و لموقف صار اليوم .. فببدأ بمشكلتي الثانية
أتمنى أن تتقبل قراءة المشكلة و توجهني للحل المناسب

http://www.66n.com/forums/showthread.php?t=257533

هالرابط لموضوع كتبته قبل فترة

سأنتظر تعليقك على المشكلة فالرابط أعلاه .ثم اكتب المواقف الأخيرة

حياك الله أختي الكريمه
قرأت الموضوع الآخر , وأفضل أن اعلق هنا بعدما تكتبين مستجداتك .

اني لاحظت اني شو ما سويت لولدها و لبنتي راح اظلي مقصرة بعينها
أول 3 سنوات من زواجي ما حملت
و كان كل الاهتمام منصب على زوجي .. ةليش ما قومتيه . قوميه ياكل
و يالله ليش يا فلان مستوي ضعيف .. اهتمي فيه
وولدي في ذمتج انتي مسؤولة عنه
وولدهم نوومه ثقييييل .. هو ينام ويؤتاح وانا اسمع الموالات .. المفروض يقوم وياكل .وانتي ماتعرفي تقوميه ......الخ

بعد ما ولدت انتقل هالاهتمام لحفيدتها
وخف الضغط علي من ناحية زوجي

شو ما سويت لبنتي ما يعجيها لااازم في شي معاكس
هي تبا تشربها حليب بالموز وانا رافضة
تبا تشربها عصير معلب وانا رافضة .. وبناتها يقنعونها انه ماي وسكر ما ينفع
اي شي ااكل الينت تبا احط فيه سكر
عادي نعطيها جبس وكاكاو وهي يادوب كملت سنة و شهرين الحين
هالاشيا اختلاف وجهات نظر
وكل مرة نعيد بهالاسطوانه .. رغم اني اجاوز احيانا واشوفها تعطيها كاكاو او عصير

و البنت ضعيفة .. اللي فعمرها ماشاء الله عليهم
و صارت تكلم زوجي بخصوص البنت وتتجنب الكلام معاي
مرة تقول .. شو هالحليب اللي تشربونها عطوها ... احسن
و ما تغطونها بالليل و تمرض البنت


المهم يااخي

خبؤتك قبل انها زعلت مني شهر لانها شافت زوجي مب متلحف .. و بعدها مرضت ومحد سوالي سالفة بالاضافة لمشاكلي مع بنتها و تغيرها علي كل شوي
و آخرها كلمة زوجي لي جدامها وسكوتها
بعد هالاشيا قررت اني اطنشها و مااسوي سالفة لاني مااتحمل مرة راضية مرة مطنشة
برد عليها واكلمها بس ببرود رغم اني مب فالحة بهالشي

صرت اذا البنت معاهم مااتكبم ولاادخل بينهم وامسك تلفوني .. وانت تعرف انه هالفترة اصلا حتى زوحي مااكلمه وامه حاسه
اجلس بالصالة و امسك تلفوني .. مالي نفس اكلم حد فيهم
واحس نفسي مراقبة ..
و كل شوي اوه لااطيح . لا تتعور .. وين راحت .
والبنت ماشاء الله حركية . انا ما بتم الاحق .. بصكر كل الابواب و تلعب
اما طول الوقت اسحب فيها ليش
الجلسة قلق وياهم

بقولك اخر موقفين صاروا
الاول قبل 3 اسابيع
كنت فالمطبخ ... و بنتي نايمة بغرفتي
حطينا الغدا و نحن نتغدا الينت قامت و مشت لعندنا واشمع صوت قراطيس
اشوف البنت ريولها متحنية
جدتها دخلت الغرفة وحنتها . انصدمت الصراحة واضايقت من تصرفها و سكت
و طنشت .. هي تمت تلاعبها وتحاول فيها تجلس عشان يتم الحنا شوي و انا ما سويت اي ساالفة و لا دخلت نفسي

اليوم اللي بعده عالغدا
بنتها تقول بنحني ايدها و امها تقول بنحطلها استكر حنا احسن ويتناقشون .. بالاساس انا مافكرت احنيها
وماله داعي غير انه حنا الصوالين يحرق
نفس الشي .. مادخلت نفسي
اذا بيحنون بكيفهم

فالليل ما حنوا . اليوم اللي بعده ب النهار تقول لي حنيها قلتلها حنا الصالون يحرق و ما بتتحمله .. المهم بالليل تحنيت .. و اعرف انه ام زوجي تنتظرني احنيها لانها تنام قبل البنت لكن طنشت بحكم انهم يقرؤوون من راسهم وانا انفذ ليش

اليوم اللي يعده كان العرس .. و بنتي بعد عناااء نامت جريب العصر و حنتها بحنا الصالون .. واشوف عمتي معصصصبة و ساكته و تقول لبنتهاالصيح ليش ما حنيتوها قابت لها نحن كنا متحنيات ومافي وقت

10 دقايق و قامت البنت تصيييح واصيييح و بناتها يقولون لها هو يحرقها غسليلها و تقول لهم عادي .. هي مضايجة و انا ساكته لاني عارفة عمتي ما تتقبل مني
ؤحت غرفتي شوي الا بنتها تناديني و شالة البنت تغسلها وتحاول اسكتها.. و ام زوجي تصاؤخ ولو لنتس حؤمة سنعه جان حنيتيها بالليل
و قلتلها انتا اللي تريدون تحنون
كررت الكلمة مرتين و اضااايقت
ودخلت لزوجي وتوه راد من الدوام و قلتله ... و اقوله مابا منك حل بس افضفض و اريح اعصابي عشان اروح العرس وانا مزاجي صافي

الموقف الثاني صار امس

البنت صارت من حافة الغنفة و توقف فوق و تنقز لمكان الجلوس زز مااعرف لو فهمت

امس الكل يطالع التلفزيون وهي نقزت ومسكتها .. جلست فجاة البنت طاحت.. تبا تركب من طرف الغنفة بس طاحت للارض و مالحقت امسكها
صارخت و عمتي يت و تدعي علي .. الله لا يرحمج خوفتينا شو فيهااا
فيه دم .. انكسر ضرسها .. اقولهم طاحت مااعرف بالضبط وين تعورت
جسمي كله يرجف
و شفنا الضربة بجبهتها انتفخت بس ما طلع دم
و اابنت اصيييح و عمتي قاعدة وتصاارخ ا.. وطاحت وانتي عدالها
ما قدرتي تنتبهين لها .. ولو صار فيها شي
لو انتي محد نقول .. بس اطيح وانتي قاعده

اقولها .. بنت وطاحت ومالحقت امسكها .. يعنس اول مرة اطيح .. ما تشوفونها بابسط حركة تطيح
وكملت انتي مهملة طول وقتج بالتلقون وانااشوفج كل يوم ما تهتمين فيها

و تمت قاعده
وانا اسكت الينت و تطرش بنتها نسويلها ماي دافي .. وما سويت
ودخلت الغرقة

اليوم الصبح .. سألتها عن الغدا .. ما ردت علي و لا شافتني حتى

و طول اليوم حاطة بنتي عندي . حتى وقت الطبخ دخلتها معاي المطبخ.. تقدر تقول غياظا فيها .. فوق انها تدعي علي و تسمعني كلام .. بعد اطنش

تعبت والله من هالوضع
مقتنعه تماااما .. انها ما بترضى .ولا شي بيعجبها مني

لما كان عمر بنتي تقريبا 8 شهور وفوق كنت اسلق لها خضؤاوات مع العيش واخلطهم بالخلاط وااكلها
و شووو التعليقات
شوي شو هالطعم .. حطيلها سكر
شوي .. وانتي ما عندج غير هالاكل تعطينها .. اكليها من اكل البيت . خله تتعود
...الخ

قمت مااسويلها و ناكلها من اكلنا .. الحين يعد ما كملت عمرسنة .. عمتي من نفسها تقوم تسوي نفس الشي
وتحطه فالمرضعه و مع سكر و تقول عطيها
وانا اصلا تجاوزت مرحلة اني ااعطي اكل بالمرضعه .. صارت تعرف تاكل


مليت من تلقي الاوامر و سياسة الامر الواقع
هي تسوي الخلطة وتحطها باامرضعه وعطيها
تحطلها اكل بالصحن وتخليه بالمطبخ .. و تقول للبنت اووه ياا جوعانه
اكليها .. قومي غدها .. انا اسمع . اهزلها راسس واقول يلا بغديها بس بضراحة اكمل اللي بايدي بعدين اقوم ومن دون نفس بعد
اكل بنتي باكلها
وهم يعرفون اني باكلها و بساسيها لين تاكل
فليش كثة الاوامر
وشوي غسليلها .. و بدليلها حفاظتها ودهنيها قبل لتنام وكل يوم نفس الاسطوانه .. خلاااص يعني بنوم البنت بدون ماانظفها

شي يعور الراس

وبالاخير هم اللي يزعلون

زعلها اكيد نفس زعلها بسبب ولدها .. اني مااهتم فيها

يعاملها ببؤوج .. وهي ما تبا تكبمني براحتها .. اصلا مب اول مرة .
واقدر ارد الحؤكات واغيظها .. لكن بحاول امسك نفسي

بس من ضمن اللي بسويه اني بوقت ما هي بترد من اظحلقة التحفيظ بالمسجد .. انا بشل بنتي واؤوح و برجع بعد المغرب .. يعني احاول اقلل احتكاكي فسهم اضافة اني بقضي وقت اطول واطول مع بنتي داخل الغرفة

قبل كنت احاتي زعلهم .. لكن الحين ما عندي اي اشكااالية اني اتعمد تصرفاات
و اسحب بنتي من عنجهم ولو عطوها جبس و حلاة اسحبه منها
وكنت اتجاوز مؤاعاة لهم

بعد زعلها مني عشان ولدها

و للحين ... اذا حطوا العشا وبالعادة يا بناتها يا هي تحطه نيابة عنهم . وتقعد .. وفلانة و فلانه اللي هم بناتها يلا عشت
انا ما اتيب طاريا ابدا .. و اسير اتعشا بس اتخيل موقفي
عالاقل تقول يلا عشا ولا تحدد

محسستني اني مب موجودة .. و بصراحة كل مرة احلسها واتعامل عاادي لين يطيح اللي براسها
الحين ريد اكون صاحبة القرار و اللي بطنش على طول الخط ..

ارتاااح لما تزعل مني .. لان تعليقاااتها تخف و قريب من التلاشي بعد
تم سااكته

داايما مااوقف تفكير بضغط اهله ومواقفهم . حتى لو كلام منهم خصووووووصا امه

و كل ما صار موقف .يزيد الوضع و حتى النوم يطير
مرة افكرر باالي صار . وكؤة اتخيل شو بيصير
واحس نفسي منكتمة ومختنقة

اعرف انه عمتي عندها نفس الاحساس
خصوصا بعد ما استويت بتردة حتى بافعاالي و ان قالت لي شي ماا رد عليها باهتمام . كمت اباها تمل وتترك الاوامر

ياليت تعطيني نقاط عشان اهدى نفسيا .. كل هدفي من الاستشارة هي اني استقر
و انفض الغبار والتراكمات اللي فوقي اريد انظف مخي و ماافكر بشي

اعرف ان شخصيتي قلقة و عمتي بتعاملها تزيديني .. وزوجي من جهه ما يقصر
كل حد نايم ومرتاح .. وانا مب قادرة انام


عاهدت نفسي قبل عرسي . اني مااقول جملة .. ياليتني ما تزوجت

وصح اني ما بقولها لحد و لا بخوف حد فيها .. لكني احيانا بقرارة نفسي تمر علي هالكلمة . ياليتني ما تزوجت زوجي ولا دخلت هالبيت
من دخلت وكله مشاااكل
بس الفرق اني كنت على نياتي وخبله .. الحين استويت احسن شوي و اطمح للافضل بعد
بس هم بعد طيبين وعلى نياتهم

باختصار ما عدت اعرف انا طيبة والا شريرة

الله يعين.

احيانا افكر اني محتاجة طبيب نفسي .. مب قادرة اسيطر عالوضع ةلااعرف نقاط الخلل
ولا شو يرضي عمتي ..... وما في شي يرضيها اعرف
شو مشكلتها بالضبط مااعرف ..

اقتباس:

شو مشكلتها بالضبط مااعرف ..

مشكلتها هي المشكلة الأزلية بين أم الزوج وزوجة الإبن , حيث تكون النفوس مشحونة غالبا من لا شيء .
أين والد زوجك عن كل هذا , لا يتدخل ولا رأي له ؟

حسب وضعك الحالي .. إذا كنت تريدين حلا جذريا , فهو الاستقلال ببيت خاص بك
وما عدا ذلك فهي مسكنات مؤقتة لوضع ملتهب , ما لم يتغير التعامل جذريا .
المسايسة والمداراة والمجاملة , تنفع معها فيما لو كان التعامل يخصك أنت شخصيا
بعيدا عن طفلتك , فوجود أطفال يجعل جميع أهل البيت مربين بل خبراء تربية لأطفال البيت
وحتى لو كان هناك إخوة آخرون لزوجك وأنجبوا , ستعاني زوجاتهم نفس المعاناة .

التعامل الرسمي والقيام بالواجب يفيد بين الزوجين , كما هو حالك مع زوجك
لأن خصوصية العلاقة بين الزوجين لديها قدرة فائقة وسحر عجيب على تجاوز الماضي
والبدء من جديد عندما تصفو النفوس ويكون بمقدور الزوجين نسيان ما كان
ولكن مع أم الزوج لا يفيد هذا الإسلوب , لأنه من الصعب أن تصفو نفسها يوما على أثره
وفي حال وجود أطفال يصبح الوضع أشد صعوبة , لأن الأمر لو كان يخصك وحدك
سيكون بإمكانك النأي بنفسك عن مواطن الإشكالات , ولكن ما العمل مع طفل جاهل
يخالط جدته وعماته , وقد يفعلن له ما يضره بدون أن يكون لديه القدرة للدفاع عن نفسه ؟
ثم يأتي دور الأم للدفاع عن طفلها فتعلو الأصوات وتُتبادل الاتهامات .

ما الذي ترينه أقرب للتحقق ..
تدخل أحد ما لإصلاح الوضع , أو الاستقلال ببيت خاص بك ؟

لسهولة الفهم .. فضلا آمل منك مراعاة الإملاء والتقليل من العاميه .