-



السلام عليكم ....


اذا سمحتولي نطلع من كل ما يكدر خاطرنا ونتمشى عكس السير الخاص بهذا القسم ....

ونرسم البسمه للقراء في هذا القسم ....

عن طريق مشاركاتكم بالمواقف والمقالب بين الزوجين حصلت لكم شخصيا ..او مع مقربين ...

شنو مقالبك مع زوجك ؟ أو شنو مقالبك مع زوجتك ؟

للاستفاده والمتعه ..



ملاحظة :

المقلب مع س من الناس قد لا ينفع مع ص من الناس....


وشكرا...

__________________
الفيلم الوثائقي : أحداث الاربعاء 16 - 11 على اليوتيوب

ببدأ انا

برمضان الماضي
دخل زوجي على آخر الليل
فبسرررعة انا وبنتي ام 4سنوات رحنا وراء الباب

طبعا هو دخل شاف السحور ع النار والبيت هاديء
راح يدور بالغرف
وصمت مطبق
وبنتي تأشر لي اووووص ههههه

وبدا ينادي
ومن غرفة لغرفة
ودخل الغرفة اللي احنا فيها وعلى بالي كشفنا طلعنا نضحك
أتاريه ماشافنا>>خسارة
لا ومطلع الجوال بيدق على امي ههههه

بس مررة استناسنا ع المقلب

حدث لي مقلب منذ سنوات غير متعمد فلست من محبي المقالب ...


كان زوجي مناوب في عمله ولن يأتي قبل اليوم الثاني ...

واتصل بي هاتفيا في الليل كالعادة قبل أن انام وقد نام الأطفال والبيت مظلم ... وتحدثنا قليلا وقمت أثناء حديثي بالخروج من غرفة النوم أريد الذهاب للمطبخ لأحضر لنفسي كأسا من الماء ( وأنا ما زلت على الخط احادثه ) ... وأثناء توجهي للمطبخ رأيت جسم رجل واقف عند المطبخ في الظلام ....

ومن شدة الهلع وقعت على الأرض بدون أي كلمة ولا صرخة حتى ( عشان ما أصحي العيال )
كان زوجي عباله مسوي مفاجاة ويكلمني بالجوال وهو جاي البيت ... وجلست ربع ساعة على الأرض لا أقوى الوقوف من الخوف ...

أكثر ما يضحك أخواتي في هذه القصة جزئية أني لم أصرخ خوفا أن يصحو العيال ....

يقولون طيب لو حرامي بتخلينهم نايمين ؟؟؟

موقف عملته لزوجي قبل تقريبا 4 سنوات
وكلما اذكره فيه اجلس اضحك عليه وهو يطالعني يبتسم وبه حره
كان زوجي جاي من صلاة العصر وطبعا جارتي المقابله شقتها لشقتي كان عندهم ضيوف
والمشكله اني نسيت من مسالة الضيوف
كان عندي في الجوال صوت قطه حقيقي
فتحت المقطع وحطيته تكرار وحطيته اسفل الباب
صوت القطه كان مسوي صدى بالدرج
دخل زوجي وضيوف جارتي البيت سوا وبدئوا يسمعون الصوت
مساكين
زوجي يدور ويحوس
والضيوف يدورون هنا وهناك
مايدرون وين هالبس اللي مسوي قلق
فتح زوجي الباب
ثم ناظر لقي الجوال عند الباب!!!!!!!!!!!!
طالع فيني كان يضحك ومقهور بنفس الوقت
واتذكر ان هالموقف عملته له
ردا لمقلب عمله لي
يستاهل:d

__________________
اللهم صلي على نبينا محمد وعلى اله وصحبه اجمعين

تذكرت
مقالب هو سواها فيني

كنا عند أهله
وعادة اخوانه مايجون قسم الحريم لما اكون موجودة
المهم
كنت بدخل المجلس وفيه امه وخواته وهو كمان موجود
فقال لاااااااااااااا فيه أحد
انا بسرعة فحطت ودخلت الحمام وانتم بالكرااامة ومااستوعبت الا لما سمعت ضحكهم


ومرة كلمني
وصوووووته حزين
قال الله يرحمه دعواتك له
انا خفت وانفجعت قلت مين؟!!
قال الله يسكنه الفردوس الاعلى كان نعم الرجل والله!!!!
وانا خلاص ماعاد فيني
بالاخير قال الملك فهد -الله يرحمه-ههههههه

تسلمون ع المقالب الحلووهـ والله وسعتوا صدري وتسلم صاحبه الموضوع

انا بقول لكم موقفي كان ايام الخطوبه قبل مازوجي يشوفني النظرة الشرعيه قال لأبوي بشوفها وهي ماتدري
يبغى يشوفني بالطبيعه المهم وافق الوالد وكل البيت كانوا عارفين إن زوجي بيشوفني اليوم إلا انا مادريت راح اخوي وناداني وجيت طابعا بالحوش وكان زوجي بالديوانيه جالس يطل مع الشباك قال لي اخوي نتسابق انا وياك قلت يلا ماعندي مانع ومتحمسه انا بسبقه المهم بالمره الاولى هو سبقني والمره الثانيه انا بعدين جلسنا نسولف انا واخوي وجاء اخوي الثاني من وراي ورمى علي قطوه واقوم انا اصارخ يممممممه ووجهي الوان من الخووف واخواني يضحكون علي وزوجي ميت من الضحك وانا مادريت فيه واقول لأخوي لو إني فاقده الذاكرة بسببك اخوي اغشي عليه من الضحك قال الذاكره مره وحده المهم بعد ماخلصنا هواش قال اخوي الكبير فلانه متى تبين فلان>>يقصدك زوجي يجي يشوفك انا صار وجهي احمر>>ياعيني ع الحياء انا ماعطيته جواب ودخلت جوا البيت واشوف العائله الكريمه تناظرني وتضحك ومدري شسالفه وبعد يومين جاء زوجي يشوفني المره هذي نظرة شرعيه صدقيه مثل الناس والعالم واجيكم انا ألبس احسن لبس عندي وأتكشخ واتكيت بالمرررهـ وادخل وانا بتقطع من الحياء واول مادخلت زوجي ضحك ضحك مو طبيعي اغشي عليه من الضحك وابوي فيه ضحكه وكاتبها بالمره وانا اقول بنفسي يمه لايصر شكلي يضحك رغم إني قبل اطلع له ناضرت روحي بالمرايه الف مره وأجتمع خوف من خجل مع قلق وماصدقت بس اطلع وانا مستغربه وش فيه يضحك واروح للمرايه مافيه شيء يضحك وش يضحك عليه..؟؟! وثاني يوم من زواجي قال تدرين ليه اضحك بالنظرة الشرعيه..؟! انا ايه لييييه..؟؟!! وكان مصور بالجوال يوم اخوي يرمي علي القطوة يوووهـ لما شفتها بغيت اصيييح والحين كل ماشفت المقطع امووت من الضحك صدق كان شكلي رهييييييب


وآسفه ع الاطاله..

عجزت انساك

موقفك صعب بالمرة ولاتحسدين عليه
بصراحة لو من اهلك مااحطك بهالموقف
الله يآلف بينكم يارب

عجزت انساك


هههههههههههههههااااااااااااااااااااااااااااي قسم بالله ضحكت من قلب

وكل شئ يهون الا موقف رسيل ياحبييييييلك مره حنونه

اظني لو مريت بموقفك مو بس عيالي اصحيهم الا الحاره كلها تصحى

اما موقفي انا

مره زوجي وصديقه قاعدين عالبحر وانا وزوجة صديقه وراهم

واطالع زوجي وافكر فيه وودي ارسله ومسكت الجوال

وقلت خلني استهبل عليه

رحت اكتب له بسرعه فيه شئ يمشي على ظهرك

والله شوي وماشوف الا اللي ينااااااااااااقز كن قارصه شئ

ويتنافض ويفسخ فنيلته ..يوم شفت الرجال كذا وانا خفت من ردة فعله والله ان طار عقلي

وبسسسسسسرعه ادق عليه قلت اضحك اضحك عليك وانا خايفه

وهو قعد يطالع فيني بنص عين كانه يقول ياويلك مني

لاني فشلته عند الرجال عالفاضي خخخخخ

..........

__________________

كل المواقف حلوه ومضحكه

بس اكثر موقف ضحكني

اميرة الرومانسيه مع زوجها ههههههه

الله يسعدكم