السلام عليكم اعضاء المنتدى الكرام
احلفكم بالله كلكم تشاركوني بالحل ياناس انا تعبت زوجي بتضيع مني بالشك تشك بكل شيء بنظراتي حركاتي-اه يالعذاب والله اني احبها ولا ابي افقدها بس احس ان النهاية على وشك تخلص-كل ماتطلبه مني اسويه افتح لها الجوال بالعمل ادق عليها جوالي ما اشيله من عندها حتى ترتاح- واذا صار عندي اي شي مثلا موعد اقرباء تقول لا شكلك رايح مكان ثاني-احلف لها باليوم اللف مرة ويمكن اكثر تصدق وقتها وترجع تقوول هاه وش عندك-صح انه كان لي اخطاء بالماضي وقبل لا اتزوجها وطيش والحمد الله الان استقمت بس مالقيت راحة -فتشت بايميلي ووجت بعض المحادثات قديمة وقالت انت شكلك راعي بنات لا مااصدق - صحيح اني غلطت بس والله قبل لا اتزوجها-احيانا اطنشها واسكت وتجلس تبكي وتنهار قلبي يتقطع عليها بس ماني عارف ايش اسوي حتى ترتاح-طلقتها مرتين ولم تعد الا مرة وحدة -خايف افقد صوابي واخسرها للابد-لها ميزات كثرة طيبة القلب وحنونة جدا وتحبني بجنون وتداريني بكل شي ماهي مقصرة معي ابدا- نظيفة انيقة تستجيب لي بكل وقت-والله تقبل يدي وقدمي كل يوم واذا شفت تصرفاتها وهي هادية اقول كيف اخسر انسانة مثلها تكون ملاك-واذا حل عليها الشك تتحول الي وحش لا يعرف سوى الجرح والتلفظ بكلمات غير لائقة-موسوسة بشكل غير طبيعي - تشك بكل شي -اذا دق علي احد من اصحابي تقول هذا يبي يزوجك اخته لا تكلمه ولا تطلع معه -ايش الحل ياجماعة الخير انا تعبان شديت معها مانفع هجرتها مانفع ضربتها مانفع طلقت مرتين مانفع - انا ماعندي مشكلة احلف بس ياليتها ترتاح
مابي اخسرها خايف اطلقها واندم وخاصا هذه اخر فرصة-والله وانا نايم تتمسك فيني بشكل غير طبيعي حتى اذا قمت الحمام الله يكركم تقوم معي -اذا نمت تنام واذا صحيت تصحى-اشياء بسيطة تسعدها حتى لو اطلعها بر وانكت معها تضحك وتنبسط واشياء تافهة تحزنها-اذا طالعت بالاخبار تقول انت شفيك تناظر المذيعة اقوم اغير القناة - اتمنى من الجميع يساعدني بما فيهم الاستشارة النفسية والشرعية- البنت بتضيع مني وانا خايف عليها تخيلو حتى الموت تقول يجعلني اموت معك حتى ماتعيش بعدي ولا اعيش بعدك
تجلس تصارخ وترفع صوتها واذا سكت تقول انت تحتقرني وتطنشني ولا تحبني- كيف اثبت لها حبي واني ابيها وشرايها ماهي راضية تستوعب-

هذا ماسبب لزوجتك الفوبيا..عندي قاعدة بحياتي انه لا دخان بدون نار ومافي شيء يجي من العدم..مثل ماهو هالكون ماخلق من عدم..راجع حساباتك التزامك بشكل صحيح هو الي راح يريح زوجتك بشكل تدريجي وليس سريع
سؤال:هل انت حريص على صلاة الفجر بشكل دائم وتصلي مع الجماعة؟؟

__________________

الله يكون بعونك اخوي والله الحالة صعبة مالك الا الدعاء والله يريح بالكم ! حاول تكسب ثقتها مثلا تقوم انت واياها بعمل خيري , بحيث يكون يشغل وقت فراغها ويقربها منك اكثر وتعرف مدى صدقك في التوبة ان شاء الله تنفرج كربتكم !

أخي الكريم ,, زوجتك تعرّضت ,, لصدمة عاطفيّة قويّة ,, بسبب ماضيك ,,

الذي إحتفظت به ,, لما بعد الزواج ,, فإذا كنت ,, وكما قلت قد (استقمت) ,,

فينبغي عليك ,, أن تُثبت لها ذلك ,, وقد يستغرق من الوقت ,, والجهد كثيراً ..

لذلك عليك بالصّبر أولاً ,, المحافظة على الصّلوات الخمس في المسجد ,,

وأهمّها صلاة الفجر ,, ابتعد عن مواطن الشّبهات ,, سواء داخل المنزل أو خارجه ,,

أغدقها بكلمات الحب والشوق والثّناء ,, إتّصل بها ,, عندما تكون خارج المنزل ,, لتطمئنّ على حالها وأحوالها ,,

كن واضحا شفّافاً ,, في التّعامل معها ,, ولاتجعل من تصرّفاتك ,, مايدعي مجالاً للشّك ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

كان المفروض تكون واضح معها من ايام الخطوبة و قبل الارتباط
حتى ما تتزوجك و بعدين تكشتف انه كان لك علاقات بالماضي
لكن الآن الحل ..
انك تكون واضح أمامها بدون لف و دوران و تحكي لها كل شي عندك بدون تردد
و تريها الحزم و القوة ، أشعرها انك رجل لا تخاف إلا الله !
لو شعرت و وثقت انك انسان لا تخاف إلا ربك الذي خلقت لن تشك بأن لك اي علاقة
و لما تناقش و تخوض بمواضيع التعدد لا تجادلها
قل لها التعدد رب العالمين أباحه لكني لا أريد ان أطبقه و ارجوكي حبيبتي لا تناقشيني بهالمواضيع ابدا
و لو أصرت اقلب الموضوع مزاح وما تتكلم بجدية على الاطلاق
لكن اعود لأركز على اهم نقطة تعطي زوجتك الثقة فيك و هي أن تريها انك خايف فقط من رب العالمين
ولا يهمك اي أحد آخر حتى هي !
و لو سألت و عملت مشاكل من أجل أمور تافهة طنش فقط
و اتبع اسلوب الحزم بدون تجريح
و اذا تمادت و ما نفع معها اي علاج ممكن تعرضها على طبيب نفسي

__________________
.
.

استودعتك أهلي في سوريا يا من لا تضيع ودائعه

اشكركم كلكم اختي دانة المغرب كلامك صحيح لكن اقسم بالله اني لم اخونها من يوم تزوجتها
فيها كل مايتمناه الرجل ليش ادور غيرها بس كيف اثبت لها هذا عجزت-اخوي تعاندني والله احسها مصدومة بس وش الحل بنظرك ربما مقصر من ناحية تادية صلاة الفجر بالمسجد- والله المستعان
الحين اكتب لكم وهي نايمة وخايف تصحى تقول جالس تكلم وحدة على النت-تشك بكل شيء-كيف اثبت لها حبي كيف
حتى اذا كنت مضايق بسبب ضغوطات بالعمل تقول عندك شي برى اكيد مسوي شيء
اه يالقهر وياعذابي مع هذه المراة تعبتني -هل هذا ماجينيت من علاقاتي السابقة؟
عقاب الله حل علي ولا ايش احيانا افكر اني انتحر عشان تتاكد انه مالي غيرها - هي الحين تعبانة ونامت وتبكي لين اغمى عليها بس ماقدرت اروح لها اخاف تقوم تدخلني بمشكلة ثانية-وفي نفس الوقت كاسرة خاطري احسها بتموت

أنت جربت معظم الطرق لكن الطريقة الوحيدة اللي ممكن تقنع زوجتك هي قناعتها من داخلها ... كيف ممكن تكون من داخلها مقتنعه وواثقة فيك ؟؟

باختصار شديد أمرين مافي أبسط منهم لكن تحتاج تواضب عليهم الى أن تقتنع زوجتك أنك فعلا تغيرت وداخلك مثل خارجك .

1- تزيد من عباداتك وارتباطك بالمسجد والدين . فاذا شعرت انك كشخص تغيرت للأفضل أكيد بتثق فيك أكثر وتعاملك على أساس انك شخص غير اللي شافت منه أول زواجها.

2- تزيد من كلام الحب والتقدير لها بشكل واضح وتكرر على سمعها مقدار حبك وانها الوحيدة بقلبك الى أن يصير مثل غسيل الدماغ وتقتنع .. تتواصل معها دائما وتشاركها بكل شي .

__________________

عداك العيب بصراحة

زوجتك بحاجة ماسة الي طبيب نفسي

__________________
اللهم ارحم والدي واغفر له

أخي ,, لا تولول ,, ولا تضرب أخماس بأسداس ,, وأنت في مكانك سر ,,

إبدأ بالتغيير من الآن ,, فمشوار الألف ميل ,, يبدأ بخطوة ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

أخوي أكثر من الدعاء و الصدقة ... مابي الومك و اقول هذه اخرة اللي يلعب ببنات الناس ... بس يا خوي ما تدري يمكن كسرت قلوب و انت ما تدري لما كنت مستهتر
توب توبة نصوحه و ادعي ربك يغفر لك ... اعطي صدقة ....و خلي نيتك انك مستحيل تطلقها
لما تعصب امسك نفسك و ابد لا تفكر في الطلاق عشان الكلمة ما تطلع منك
حاول تفهمها انها حبك الوحيد و انك مستحيل حتي تطالع غيرها
ربي لا يحرمك منها و من حبها و يهدي بالها آمين