السلام عليكم ورحمة الله وبركاته
الحمد لله على كل حال
والله إني بحاله ما يعلمها إلا الله..
أبدأ كلامي علشان ما أطول عليكم
السالفه إني الحمد لله إني تزوجت، زوجتي من أول زواجنا وهي تعبانه الضعيفه يعني مافيه ذاك النشاط والخدمه، وقدر الله إن زوجتي حملت بالشهر الثالث من زواجنا الحمد لله، المشاكل لازم اول الحياة بس زادة مع الحمل لقلة خدمتها لي وتوحمت فيني وكرهت كل شي، المهم زادة المشاكل ونحاول نصلحها وتصلح الحمد لله وترجع المشاكل، ومره في بيتي ومره عند أهلها، ألمهم جاء الشهر الخامس وطلبت الطلاق وحاولنا نهدي الوضع والحمد لله هدى، صار أغلب وقتها عن أهلها بدينا نقرأ عليها قالوا مس قالوا سحر تفرقه قالو اكتئاب ونفسية الحامل لأن زوجتك من النوع الخوافه، ثم قالت لي ما فيه مشكله ارسلي رسائل في هذي الفتره لأني أكرهك جاء الشهر السابع قالت لا رسائل ولا اتصال حتى لو جيت عندهم في البيت تطردني وانا والله إني أخاف عليها وأشفق عليها لأنها مهب بوعيها لأن النفسية مأثره عليها وآلام الحمل وخلوها على ربكم بس، وطلبوا الطلاق، الحين هي يمكن بوسط الشهر الثامن لأني من زمان ما كلمتها وناسي صوتها بس أرسلها رسائل، حتى أبوها كل فتره يقولها روحي لبيت زوجك ترفظ، قبل أمس يقولها روحي لبيت زوجك قالت أموت ولا أروحله..
الحين انا قررت إني أصبر إلى الولاده حتى ناخذ من عقلها والصراحه إني ودي أنا وياها نربي اللي في بطنها، حتى ما تعطيني وجه وقبل فتره أرسلت لها هديه غاليه الصراحه ولا عبرتني وأرسلها مسجات غراميه ولا عبرتني..
الصراحه والله ودي ما أطلقها ودي ما ننفصل عن بعض وودي أحاول أقربها لي هذي الفتره عسى الله أن يهديها ويسخرها لي ويوعي قلبها
وش تنصحوني الله يجزاكم خير لأني والله ما أستقريت إلى الحين ولا كملت سنه على الزواج..
ودي تعطوني طرق لإرجاع الأمور إلى مجاريها على الأقل ودي هي لو تعبرني برساله أو بإتصال (متزوج بلا زوجه)، لأني والله إن بي استفهام براسي ما أدري وش أسوي والواقع في المشكله يعجز يفكر، اتمنى لو ترشدوني بطرق رمانسيه وجذابه لإرجاع زوجتي وودي أوديها للمستشفى للولاده يارب يسهل عليها ويطلعه بالسلامه والعافيه

ولاتنسوني من الدعاء الله يفرج همكم وينفس كربتكم يــــــــارب العالمين
كره وبغض ونفسية وحمل قطيعه وهجر وساحبه علي
مع إني والله مكرمها إكرام هي ما أنكرته وقالته بلسانها

والمعذرة على الإطاله لأني والله بحاله ما يعلمها إلا ربي

تم تعديل العنوان ليتضح المضمون/الاشراف

مشكورين على الردود
يعني ما أكلمها ولا أحاول يعني "لكن والله صعبه متزوج بلا زوجه لي الحين أكثر من شهر ما أعرفها"
انتظر ولا احاول مرررره إلى أن تضع المولود بإذن الله؟؟
الله يطلعه بالسلامه والعافية..