السلام عليكم
اني مره كتبت لكم موضوع كنت مخطوبه والحين تزوجت من اول الايام ربيع الاول
الحين مشكلتي اني حااولت اقترب من زوجي بس بدون فائده حتى في ليلة دخله ماقدرت اخليه يلمسني طلبت منكم نصحيه كيف انسى شخص للي اني احبه من فتره طوويله ولحد الحين مستمره معاه برغم ذلك غلط وحرام بس عقلي مسيطر علي أحب شخص كثير والمشكله ان زوجي يحااول يسعدني يحبني ايضا بجنون تعبت وربي حرام للي يصير معي حتى خربت عليه في ليلة دخله والحين ماادري ويش اسووي ابغي احب زوجي وانسى شخص للي احبه ساعدوني
والمشكله الثانية أن زوجي حاول ان يلمسني مره لليلة الثانيه بس اني رفضت بديت احس انه بدأ يتضايق كثير سالني ليه سبب ماتبغي ؟ مارديت عليه

ارجووكم اعطوني مساعدتكم ابغي نصحيه من الجميع

تقرون ماتعطوني نصحيه

تم تعديل العنوان

اخيتي المتى الغلط خـــــــــــــــــــــــــــــــــــــــــــــــــ ـــــــــــــــــــــــــــلاص اتق الله في نفسك وزوجك

__________________

حرام عليك الي تسوينه بزوجك الخيره فيما اختاره الله يمكن حياتك مع زوجك افضل واسعد من حياتك مع الشخص الاخر حاولي تحبين زوجك اسمحي له بلمسك احس انك خلاص مو ممكن تغيرين وضعك الى الان وانت مستمره معاه انت مقتنعه انه مو ممكن تحبين زوجك لانه في شخص ثاني حاولي تتقربين منه والمحبه تتولد بالعشره اغلب المتزوجين ماكانوا يعرفون ازواجهم قبل الزواج والان يسون ازواجهم عندهم الدنيا وما فيها ادعي ربك ان ينزل محبته في قلبك ويسخركم لبعض انه قادر على كل شي حل مشكلتك بيدك انت بس يبغالها وقت وجهاد الله يوفقك ويعينك

إتركي الشخص الثاني حالا.. ترى هذا مش حب هذه معصية لله وخيانة للزوج واسترخاص للنفس..
أتقي الله في زوجك وسترين انك ستحبينه شيئا فشيئا لأنك تركت المعصية..

ياأختي إتقي الله في زوجك
وانسي مامضى ولاتظلمي زوجك
اسأل الله العلي القدير أن يجمع فيما بينكم بالخير والمحبة والسعادة

الحب الي تتكلمين عنه مجرب اوهام و فوق هذا معصية لله و ظلم لزوجك تصرفي كزوجة مع زوجك حتعرفي ان كلام الاعضاء صح. افعلي ما نقوله سوف تحبين زوجك و الماضي سراب

كيف لنا أن نساعدك وأنت ترفضين مساعدة نفسك !!

اتقِ الله في نفسك وفي زوجك وخافي الله. واعلمي أنك تخونين زوجك بمجرد التفكير في الحبيب المزعوم. صدقيني ، لن ينتظر زوجك طويلا على وضعك هذا ، فإما أن تعودي إلى رشدك أو يكون الطلاق مصيرك ، وعندئذ لن ينفعك أحد.

اتق الله ، اتق الله واجعلي مخافته بين عينيك.

والله حرااااااااااااام عليك اتقي الله في نفسك وزوجك

خلاص انسي الماضي وعيشي حياتك الحب اللي تتكلمين عنه انا اتفق عليك يمكن ما تنسينه بس مو تتخذينه اله علشان تهدمين به حياتك

انتي قاعده تظلمين معاك نفس بريئه والله حرام

انا اكثر شيء كسر خاطري زوجك الغلبان...الله يكون بعونهويهديك ويفتح عليك

شوفي حبيبتي,, فكرة انك دشيتي المنتدى وطرحتي مشكلتك ماله غير معنى واحد انك من جواك حاسة بان الي تسوينة غلط ومو راضية عنه.. وهذي خطوة زينة اختي معناه ان فيك الخير ان شاء الله. لكن علشان تكمل كل الخطوات ابي منك الاتي:
1- اقتنعي اقتناع تام ان مو كل الي يتمناه الانسان بدنياه يحصله.. علشان كذا صار فيه اخرة علشان الواحد يحتسب ويرجو العوض من رب كريم
2- زواجك من زوجك الحالي مقدر ومكتوب وانتي نطفة ضعيفة لاحول لك ولا قوة .. فهو نصيبك من هذة الدنيا واحسبه نصيب السعد والهناء
غاليتي,, تخيلي معي لو كان الوضع بالمقلوب وان زوجك هو من يعيش في خفايا قلبه حب فتاة اخرى غيرك,, وقد تزوجك انتي لعله ينساها,, فلا حب لك ولا دلال العروس الذي تحبين... اوا تسعدين معه ان علمتي بذلك؟؟
ابنتي الحبيبة,, رفقا بزوجا طيب يمسكك بالمعروف ويحنو عليك ويعاملك احسن المعاملة ( كما ذكرت انفا) فتذكري انه هو وحده جنتك ونارك .... ليس والدك الذي رباك ولا والدتك الي احتضنتك سنوات عمرك الماضية ,, ولا حبيب غائب ,, بل هو وحده رفيق العمر هو وحده من يعود اليه برك واحسانك.. فادحري الشيطان غاليتي ولا تجعلي له الى قلبك الصافي طريقا.. فانتي قوية ... قوية بايمانك,, بخوفك من الله في السر والعلانية,, قوية باصول التربية الصالحة التي غرسها والداك وهما واثقين بحسن تصرفك..
ان شاء الله ماكون طولت عليك ولكن اخر وصاياي لك حين تياسين من كل شيء ((((سهاااااااااااااااااام الليل))))) فوالله ماسالته جلت قدرته في شيء في جوف الليل الا واستجيب
فسال الله لك ولكل مكروب ان لايدع لكم هما الا فرجه ولا صعبا الا يسره


ولك تحياتي

اختي بقولج نصيحه وسويها
انا ماكنت أطيق زوجي بس طبعا مو في بالي أحد لا بس حسيت مو اللي كنت أتمناه
تصدقين مجرد لمسني ليلة الدخله حسيت اني أعرفه من سنين
وسوري على الكلمه حتى بعد ماخلص حسيت بحب كبير اتجاه
حاولي وقولي في نفسج ان ريلج اهو حبيبج اللي تنتظرين انج تعيشين معاه على طول
بس لاتفكرين بالحب القديم صدقيني لو 1% يحبج على الاقل تقدملج خلاص انسي كل شي
وعيشي حياتج صدقيني عندي وحده من صديقاتي نفسج
نصحتها وقلت لها نفس الكلام
تصدقين خلته يقرب منها واهي حاطه في بالها ان اهو اللي كانت تحبه من سنين والحين تعالي شوفي حياتها
تقول لو اني أخذت اللي يحبني ما أتوقع راح يسعدني مثل هذا
أبي بكره تيين تقولين ان خلاص نسيتي كل شي وبديتي حياة حلوة مع ريلج
وربي يوفقج إن شاء الله

__________________