في مشكلتي السابقه رجعت لزوجي بشروط
وكلها نفذها بدون استثناء
وكنت عايشه ملكه تقريبا
رغم بعض المنغصات (من طرفه)
وانا حاولت اسعده قد ما اقدر
المهم
قبل اسبوع عورني ضرسي
وكان مزاجي متعكر
اخذني زوجي الطبيب
ورجع البيت يمزح وينكت
وانا قلت بجديه: لو سمحت تعبانه
ثاني يوم رجعت انا طبيعي
وهو جلس ينتقدني واني مزاجيه
مارديت
سويت له قهوه وحلا
وقمت ارتب اغراضي
جا يقول لي ماتقهويتي
لايكون للحين منفسه علي!
قلت له لا والله بس ما ابغى اشرب حار عشان ضرسي

بعدها رحت اقول للشغاله تعمل حاجه
جاء يقول ليه تعصبي عليها
قلت ماعصبت بس اطلب منها شي
انت تتخيل اني معصبه
قال انتي مو طبيعيه.. لاتنكدي علينا
وجلس ينتقد امور غريبه
وتركته

ثاني يوم ارسلت له صباح الخير
واسفه لو ضايقتك امس
وهنا غلطتي
هووووب كبر راسه

دخل البيت معصصصصب
لا كلام لا سلام وهواش
طنشت

قال الخميس انزلك لاهلك؟
قلت اوكي اللي تشوفه
ونزلني عندهم بدون ما اطلب

كلمته من عندهم
عطاني مشغول ومارجع رد
ارسلت له بالليل: تصبح على خير حبيبي
شافها ولا رد

وجا ثاني يوم اخذني
ولا سلام ولاكلام
قربت بصافحه.. صدني

وحتى العلاقه الخاصه هجرني
له تقريبا عشر ايام
قربت منه صدني

ثاني يوم جا يهاوشني على شغله
وطلع هو غلطان فاهم غلط
قال طيب ومشى
لا اعذريني ولا شي
برضو طنشته
رغم انه ظلمني بهالشغله

بعدها قلت له ابي هالمشوار
قال مالي مزاج اوديك
قلت اوكي براحتك.. وطنشته
رغم انه قال لي كلمه بذيئة
عملت نفسي ما سمعتها

اليوم اسأله تبي عشاء؟
قال (بدون نفس) ايش طابخه
قلت له الذ مكرونه (بابتسامه)
قال بعدين اكلها
وبنتي بعدها صاحت تبي اكل
رحت غرفت لي ولها
جاء يهاوش: ليه متجاهلتني؟؟
قلت له انت قلت بعدين!
قال بعدين مو بعد سنه (بعصبيه)
يعني بعد نص ساعه
قلت اسفه الحين اجيب لك
رحت غرفت له
وتركته ياكل
ودخلت غرفتي ابكي

وهو ما سأل فيني
طلعت وقلت له ممكن اتكلم معك بالغرفه (بهدوء)

عصب: ما ابي اكلمك ولا اسمع صوتك
هنا خلاص انا انفجرت
قلت له لما اطلب اتكلم معك تجي
هذا اقل شي تعمله من باب الاحترام
وتعاملك الزباله معي ما اتحمله
لك اسبوع مطين عيشتي من ولا شي
وترى شارطه عليك تعاملني باحترام
وقت ماحفيت عشان ترجعني
واذا متحسف رجعني لاهلي
عالاقل ما القى عندهم هالذل والنكد

جلس يستفزني ويضحك مع الاطفال
متجاهلني وكأني ما اكلمه
هنا انغظت زيادة
وقلت له: يا تعاملني بالحسنى يا تطلقني
انت لو عندك كرامه طلقتني
بس انت اجبن من الطلاق


ورحت وتركته وانا كارهته لابعد حد
وهو ببرود دخل ينام
وكأنه انبسط لما قدر يستفزني
لان له اسبوع ضاغطني ويدور الزله

حلت الرد 52

http://www.66n.com/forums/showpost.p...5&postcount=52

للعلم انا ماغلطت فيه بحرف
وهو اسبوع زعلان بدون سبب
ولاني بنت ذوق وراقيه
ارسلت له قبل اسبوع
اسفه حبيبي كان مزاجي متعكر
لان ضرسي يألمني
لمجرد اني ماضحكت على سخافاته
وكنت مصدعه وقتها
بس ماقلت له حرف
هذا دايركت بعد ماخف ألم ضرسي


ماني عارفه
ليه لما احطه فوق الراس
واداري خاطره
واتعامل معه برقي
يدوسني دوس

ولما امسح فيه البلط
يتأدب ويلزم حده

ياام روان هل انتي مستغربه تصرفه!! هذا المتوقع وهذا طبعه من قبل وقلتلك لما رجعتي انه بيبقى بطبعه الاستفزاز والتنكيد ويدور الزلات ومااخفيك يااختي كنت متوقعه بتطلعي بهالموضوع لان نفس مواضيعه السابقه لاجديدد .. الحل اصبري وتأقلمي وطنشيي كل تصرف منه ضرب ماعد يقدر يضربكك تأددب اما الباقي تحمليه مممكن عنده خلل بنفسيته او تجاهك بس طنشيه واعتبري كلامه ماصار ربي يكتب لك السعاده ويهديه لك

__________________
مضى مامضى والله على المقبلات يعين ..! وعسى الله يزينها على القلب لاشانت~

انا كتبت الموضوع بقمه الغضب
ولازلت احس بخفقان بصدري

لقيته صاحي ببرود
ويقول ان فيه عاصفه وغبار
وما اعرف ايش
وتأكدي من الشباييك


ما رديت عليه
وطنشته


مو طبيعي
مابرد الا لما شافني بقمه غضبي
من زمان ماتكلم معي بهدوء


حسبي الله ونعم الوكيل

عندي تعليق ع موقف المكرونه اتوقع لو صرفتيله معكم وقلت تفضل كل معنا كان عصب عليك وقالك انا قلتلك بعدين مو الحين لان هدفه التنفيس عليك فيه نوعيات كدا

__________________
مضى مامضى والله على المقبلات يعين ..! وعسى الله يزينها على القلب لاشانت~

عاد اذا تكلم ببروود مشيها وتكلمي معه وانسي او تناسي لاتوقفي ع هالمواقف ارجوك يعني لاتخليه يستفزك بمواقف تافهه ردي عليه وتكلمي عادي وبيني انك مروقه كمانن انتي ذكيه وحتتجاوزي الموقف بسهوله

__________________
مضى مامضى والله على المقبلات يعين ..! وعسى الله يزينها على القلب لاشانت~

لا خلاص
انا انحسبت علي جمله:
انت اجبن من انك تطلقني

بيجلس يمسكها علي ليوم الدين
كل ماتورط بيطلعها
رغم انه قايل لي اللي اردى من كذا


وهو يفهم الطيبه ضعف
فلازم استمر شاده معه
يا ينعدل يا يطلق

الله يعين على هالنوع من الرجال لما تلينين له وتعاملينه بحب واحترام يشوف حاله ويصير جاف ولما تبعدين عنه يجي ماكأنه صار شي ، توم وجيري مو حياة زوجية ، جربي التطنيش ووقت غضبه وف اي وقت لاتذكرين الطلاق ابداً لانه شي مستفز ومايجوز وتلعنك الملائكة وتنطردين من رحمة ربي ----

سفيه ولا هو كفو احترام وتقدير
يلومني ليه قبل اسبوع
قلت له حبيبي تعبانه
لما قال نكته سامجه وماضحكت

يقول طيحتي وجهي
ماكان بيضرك لو ضحكتي
وانو كان قصده يخفف عني
وكلام تاااافه
ما كاني كنت شايله عصب وقالعه ضرس

المصيبه انه خلال هالاسبوع تجاوز حده
من ولا شي يعصب ولسانه يفلت
كأني ذابحه احد من اهله
كل هذا عشان ماضحكت عالنكته
وقايل لي كلام بذيء
وداعي علي بالامراض
وانا عامله نفسي ماسمعت
وياكل وينقد كل شي
ويرمي الاغراض علي
تعامل زباله بمعنى الكلمة
لحد ما انفجرت فيه قبل شوي


شياطين الدنيا نطت قدامي
لاني كاتمه مني
ويمكن لو طلقني رقصت وقتها

للأسف كل واحد منكم ساكن في قصرة العاجي و و ماعندكم استعداد تفهموا بعض

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية