بسم الله الرحمن الرحيم



كيــتف حالكم اعزائي الكرام
الحقيقه سجلت في المنتدى لاجل اعرض مشكلتي الي اعانيها من تقريبا ست شهور من بداية

زواجي بأختصار
انا بالرياض واهل زوجتي بالخبر ومشكلتي الوحيده مع والد زوجتي انسان طيب وحبيب
لكن لا يحترمني رغم اخترامي له الكبير ويتدخل في امور كثيره وتفكيره مثل تفكير الحريم
القيل والقال ولسانه بذي وسبق تسلف مني ولا رجع وحنا بفترة الملكه يعني ميااانه زايده
من البدايه احيانا اقول زوجته هي الي تساعده على فعل هذا الشي واحيانا اقول هو طبيعته كذا
المهم انا خايف انه يفسد علاقتي مع زوجتي الي ولله الحمد من احسن ما يكون
اعطيكم بعض الامثله الي يسويها :
مره مدحت تصليحهم لشاهي في بيتهم تفاجاءت يوم جاني البيت جاي معه بريق ولبتن ويخلي بنته تصلح
وزوجته تقول انه يحسك تنقد طبخها
ومره شافني أكلمها قــال ايه وعدها اذا طلعنا يقصد اني اخاف منهم واذا طلعو اهاوشها
ولايغلتي لقول لبنته ولا شي حتى نقد

ومره يدور اغراض لزوجتي مضيعتها في بيتي
وكل ما دخل ليه هذا كذا وليه اللمبات ما هي كويسه وليه ما تسويلها وليه وليه وانتقادات
ومره هاوش يقول شل صحن كان ثقيل عنها يقصد زوجتي بطريقه همجيه ورديت عليه ورميت
ا قلت فيه شي اسمه احترام انا بشيله بدون كلامك
المهم صرت اكرهه احسه عله
رغم ان عمتي تدافع عنه وتشوفه هو الكامل
انا محترمهم حاط بنتهم بماء وزوجتي تحبني كثير وتكره تصرفات ابوها لكن انا ما ابين لها اني
متضايق واجد ولا احاول اقولها شي لان ما لها ذمب

المهم وآسف على العجله لاني بالعمل

أبـــي طـــريقه لتعـامل معه انا انســان صرت ماعاد أطيقه/SIZE]

أبـي اسحب زوجتـي من توجيهـــاته السقيمه ويعتقد ان اهينها اول يوم بالملكه وراني اخوانها قال هذولا معها لو تلمسها ما يخلونك بدايه سيئه يحب الهواش

أنا انســـان مسالم ومحترم واقدر الناس ومحبوب من العالم وشخصيتي قويه ولله الحمد
ساعات افســـرها انها غيره

واذكركم ان زوجتي وحيده اهلها والبقيه اولاد
وللعلم ما عمري امرتها كل الي تسويه لي احترام وتقدير
ولا عمري رفعت صوتي عليها
ولا عمري رديت لها طلب

الله يسعدكم ويوفقكم امين
وأرجو الي عنده مشكله مثل مشكلتي يعلمني كيف تعامل معها


[SIZE="5"الله يسعدكم ابي ردود استفيد منها
الله لا يحرمكم الاجر

ابو سعود

حالتك مثل حالتي تقريبا مع اختلاف بعض التفاصيل

تصدق انه يجي بعض الاحيان يفتح الثلاجه

ليه ما فيه كذا وكذا

اول كنت اتنرفز ويبان علي واذا شافني كذا سكت

بعد كذا صرت اتجنبه حتى لو كان بيجيني البيت اطلع

واخليه يحوس براحته قللت من زياراتي له كثير

ولاحظت انه قلل من الميانه الزايده ويقول لبنته

احس اني ضايقت الرجال بتدخلاتي

وانا الحين مريح راسي الي بيني وبينه حق رب العالمين

لكن روحات وجيات وطلعات عائليه ما فيه

اشتر راحة راسك مثلي وارتاح

كفوو يالذيب اخيرا لقيت واحد مثل الحاله

وهذا النظام الجديد حتى السفر معهم بكنسله
طيب سوال ؟ ماقد صارت لك ردة فعل قويه معه ؟


وش اكثر موقف تجرا عليك فيه غير فتحت الثلاجه ؟

انا انسان بطبعي بارد ولا احب اتعابط معه عشان ما تكبر السوالف وتوصل للشايب الله يطول بعمره

غالبا انهي النقاش معه وانا محيره ولا ياخذ مني لا حق ولا باطل وقتها ياكل في نفسه

اكثر موقف تجرء فيه سالفة الشغاله وقتها قررت اجيب شغاله من نفسي وام العيال ما طلبت

هو درى بالسالفه وكل اسبوع مشغلني وين الشغاله وين الشغاله البنت تعبت البنت تعبت

عاد تدري لحد من سنه لحد الحين يسأل وين الشغاله وين الشغاله , الله يعين بس

حتى الحين ناوي اطلع سياره وناشب لبنته قولي له يبعد عن السياره الفلانيه واللون الفلاني

لو تشوف عياله كل واحد مسوي الي يبي على مزاجه لكن انا بالنسبه لي اطنش ولا كني اسمع شي

وانت مش الي براسك وهدي الاوضاع لا تكسر كلمتك ولا تكسر خاطره

مالي الا كذا اطنش ولا ياخذ مني لاحق ولا باطل
وما اعطيه وجه



الله لا يحرمك الاجر

الســلام عليكم ورحمة الله وبركاته

أحبــتي اعضاء المنتدى تذكرون الموضوع الي كلمتكم فيه إلي هو عن والد زوجتي وتعامله معي
وعدم احترامه لي الموضوع موجود في الصفحه الثانيه من المنتدى

أشكر كل الي شاركوني استفدت منكم كثير الله لا يحرمكم الاجر

الي ابي اقوله كيف اقدر احسن علاقتي معه وهو كذا

يعــني واجد الي نصحوني وقالو خل تعاملك معه رسمي ولا تكثر جلسات معهم وطنش
المشكله انهم في مكان وانا مكان مضطر اجلس عندهم
المشكله انه انا نفسيا صرت ماعاد اتقبله ولا اطيقه واكره الروحه لهم
حتى ارفع السماعه عليه اسلم ماعاد اقدر انسان لا يحترمني نفسيا ما اقدر
رغم تلميحات زوجتي تبيني اكلمه الا اني مابي اكلمه ابي افتكـ من لقافته
من ضمن الردود ان والد الزوجه ليس من الرحم الواجب وصلهم
هل يعني اقطع العلاقه واخليها رسميه مره

الحــاله مزريه ما اقدر اكلمه ولا ابي اقابله ماعاد اهضمه
طفح الكيل مليت من السكوت والمجامله والابتسامات

وش الحل
عاشقة الغالي عايشه نفس التجربه وش الحل برائيك
ماريا لغتي صمتي ؟ الجميع ردو الي يعيش نفس التجربه

إذا كان ولا بد
اختصر.. وفي حدود الواجب والمجاملات ولو على حساب نفسك حفاظاً على مشاعر زوجتك

السؤال: لماذا يعاملك بهذه الطريقة..؟؟؟

انا مندهش والله ما ادري ليه ما ادري حب سييطره عموما هو اخلا قه تعبانه مع الناس كلها يعني
بس معي مما ادري
احيانا افسرها غيره افسرها نه يحس اني اخذت منه بنته وصارت تتعلق فيني اكثر منهم

وشلون اختصر اذا رحت لهم ما اجلس عندهم كثير ما انام عندهم لا نهم بعيد مضطر اجلس عندهم يومين اقل شي
يعني ما اعاد اكلمهم لي اسبوعين ما كلمت مالي نفس
قبل كنت اكلم اسبوعيا أرجع للموضوع الي قبل وشف كيف تعامله وشف تفسيرك لتصرفاته

اخوي مااقدر يمكن افيدك كثير لان انا عكس حالتك يعنتي انا مكاني بمثل مكان زوجتك اهلي الي احياناااااااا يدايقو زوجي مو اهل زوجي الي يدايقوني
بابا من النوع الي يحبني مرة بس مايعبر ولو عبرررر خرب الدنيا بطريقة التعبير يعني احيانا يكلم زوجي بطريقة غلط ممكن تجرحه بس هو ابدا مو بباله انو يدايق زوجي ولو انا مثلا قلت لماما زوجي حسيته تدايق من تصرف بابا وهي كلمت بابا قلها انا ماقصدت شي بس انا كنت ابغى اوصله شي معين
والحمدلله زوجي من النوع الي ناااااادر لو تدايق من شي او من اهلي يجي يقولي الا لما يكون واصل حده
وهالشي مريحني شوي بس انا اعف زوجي واعرف متى يدايق
وهو بطبيعته حاطط حدود لكل الناس الي يتععامل معهم يعني يمزح وكل شي بس بحدود
فبطريقته اجبر والدي كمان انو مايتعدى الحدود معاه
وصار الكل يقول قدام والدي اذا والد البنت دايق زوج بنته اكيد النسبب او الصهر رح يطلع قهره بزوجته فهنا بابا صار يعمل حساب
ادري طولت عليك بس جالسه احاول اساعادك
جرب شي انو قول مثلا مرة لزوجتك او حسسها انكك تدايقت من فعل والدها او كلامه وخليها توصل هالشي لامها وتقولها خلي بابا ينتبه شوي زوجي تدايق وعصب ممكن امها لو عندها اسلوب حلو توصل لزوجها انو يصير يعرف كيف يتعامل معك...
هذا الي ببالي حاليا ولي عودة ان شاء الله
ربي يوفقك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

قبل قلت وهي اصلن تحس يعني العميان يدري ان هذه التصرفات غلط بس ما تغير شي

ام زوجتي همها نفسها وانها تكسب زوجها والله ما فكرت فيني بالعكس تجاريه ولا تشوف انه غلط
هذا الي اشوفه من تصرفاتها يعني غبيه ما تخاف على بنتها ولا فكرت فيها

والدك يمكنه محترم يحترم الناس بس هذا همجي في تصرفاته مع الناس كلها
يعني يحب التصادمات والهواش