السلام عليكم

انا قررت بيني وبين نفسي
ان اخرج من بيت اهلي واشتري لي بيت لوحدي
لكن جالسه اجمع فلوس البيت
يعني مسألة وقت
يمكن اكون جاهزه بعد سنه او سنتين بالكثير

لكن انا غير متزوجه
ولا مطلقه
فهل يتقبل المجتمع انفصال البنت
عن بيت اهلها؟؟
علما ان عمري الان 48 سنه!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

__________________

هلا فيك لماذا نتزوج
من زماااان عنك

ايجابيات انفصالي ببيت مستقل
1- تحقيق رغبة التملك
يكون لي بيت انسقه على مزاجي
ويصير لي حمامي الخاص اللي محد يدخله غيري
( لحد يضحك على احلامي التافهه والصغيره)
2- ارتاح من الوضع الراهن في بيت اهلي ( ضغط نفسي)

السلبيات:
1- بكون وحيده
2- اتوقع مقاطعة اهلي لي
( لاني وانا معهم الحين شبه مقاطعيني لاني سقت السياره بدون رضاهم😅
كيف اذا طلعت عنهم🤷‍♀
3- نظرة الناس لي (ليش تترك بيت اهلها يمكن مسويه شي وطردوها🌚
4- يمكن محد يتزوجني لظنهم ان فيه عيب ولا بلا اجل ليش تاركه اهلها😅
وصدقا ما عاد يهمني هالموضوع ( اقصد الزواج)

يمكن اتذكر غيرهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

فين المشكلة افي السكن لوحدك ؟
هل عندك دخل ؟
اتمنى تفيديني

هلا فيك الخانم

مدري انتي من اي بلد
بس انا من السعوديه
وعندنا شوي تزمت وتشدد من ناحية سكن المرأه
(خاصه اللي باقي ما تزوجت) لوحدها
صح صار عندنا نوع من الانفتاح
بس مو عند الجميع

هذي هي المشكله عادات وتقاليد لا اكثر
وانا ذكرت سلبيات الموضوع فوق

نعم عندي دخل شهري ولله الحمد
انا موظفه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

والله في معظم المجتمعات الاسلامية مرفوض تعيش المرأة لوحدها خاصة التي ليس عندها اولاد الا عند العوائل المتسيبة

والله تغضبي والدينك و تخسري علاقتك الاسرية من اجل حمام و تنسيق بيت اشوف ما يستاهل اما المشاكل فلا تخافي السكن لوحدك راح يزيد المشاكل و الضغط و الوحدة واكيد ما حد بيتقدم لوحدة عندها اهل وعيلة وعايشة لوحدها و الطامة اذا سافرتي بدون محرم
حاولي تقنعيهم انك تبني جناح تابع معهم او تغيري في غرفتك مثلا اذا واسعة تعملي اصلاحات فيها
والله ماتسوى الدنيا كلها بغضب الوالدين
الدنيا مانو زواج ولا بيت الدنيا عبادة لله و بعدها يجي عيش الاخرة

ليش انا باقي ما خسرت علاقتي الاسريه؟!!
وانا ليش بطلع؟!
الا لان ما عاد فيه شي اخسره!!!

اما الزواج وكلام الناس
ف اللي يده في المويه مو زي اللي يده في النار

انا اشوف ما له دخل بر الوالدين
من حق اي شخص يستقل حتى بدون رضا والديه
ترى معطين رضا الوالدين فوق حجمه اللي عطاه ربي
يضل الواحد طول عمره مربط برضا والدينه!!
بكل خطوه يخطوها!!!
ترى هذا الكلام مو صحيح
مجرد اعتقاد رسخ بروسنا وقاعدين نورثه للاجيال
ربي كلفنا بالبر والاحسان
وانتوا كلفتونا بالطاعه وتعطيل امورنا لين يرضون!!

عموما انا من قبل كلامك متردده
عشان كذا حطيت موضوعي
ترددي سببه هو انو غير مستساغ
عندي بيت اهلي واطلع ببيت لوحدي
هذا سبب ترددي
ولا بالنظره العامه ما اشوف فيها شي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اكيد بر الوالدين لازم يكون له حجمه
مثلا اذا امرانا الوالدين بمعصية لا طاعة لهما
او امر فيه ضرر علينا
انت لما ذكرتي سبب خروجك من بيت اهلك كانت اسباب مثل حمام و تنسيق البيت على كيفك و ضغوطات ممكن لا ترتقي ان تكون سبب في معصية الوالدين واغضابهما كانه لما تعيشين بروحك ماراح يكون ضغوط

انا قصدي انه لو تحاولي تجمعي بين الخيرين بر الوالدين و اشباع رغبتك في يكون عندك غرفتك و حمامك المستقل
او اذا هناك امور قاهرة تبحثين عن بيت بجنب اهلك فتكونين قريبة منهم

ما يبغون مني شي ابشرك😂
يبغون اجلس تحت الضغط وعلى حساب صحتي النفسيه
المهم الناس لا تفشلينا قدامهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

حاسه فيك
اسال الله ان يفرج همك ويدبرك احسن التدبير يارب
الاهل مايفهمون ان البنت الي ماتتزوج ماهي مراهقه تعشش بغرفة الطفوله
من حقها جناح ومطبخ وغرفه ملابس حالها حال ولدهم الي يتزوج ويقسمون له دور وشقه
وان طلعت زعلوا وان قعدت تقعد بضيم وضيق
بصراحه مسوين مثل الي حبست قطه لا اهي عاملتها زين ولا هي سرحتها تشوف حالها