السلام عليكم ورحمة الله وبركاته

انا اول مره اكتب بمنتدى وطالما قرأت مواضيعكم وردودكم وانا ابحث عن مشكله تشبه مشكلتي بس للأسف لابد

من (الإحراج ) وكتابة موضوعي

انا معقود قراني وزواجي سيكون بعد فتره قصيره تقريبا 60 يوم وزوجي زارني في بيت اهلي تقريبا ثلاث زيارات

وبحضور اخواني المهم في الموضوع انه بيننا مكالمات هاتفيه وانا احب زوجي بكل ما تحمل الكلمه من معنى

لدرجة اتمنى الله يمن علي بنظره منه او كلمة حب اللي ما يقصر معي فيها وبعدها يصير فيني اي شي لو اموت عشان لا

اصدمه فيني واخيب آمآله

وبنفس الوقت ما اشوف منه نظرة نفور او كره او احتقار انا مشكلتي اني حلوه من برا ومن الداخل عكس الخارج تماما

اعاني من مشاكل كثيره في بشرتي وسمنه في مناطق معينه وسيلوليت وسواد ......... اعذروني بس من جد محتاجه حل

وفي مره سألني سؤال محرج واضطريت اكذب عليه واقله عكس الحقيقه احيانا افكر اطلب اللطلاق مع اني شديدة التعلق

به واحبه بكل مافيني وهو طيب معي وما يستاهل ينصدم فيني


اتمنى تلقون حل لمشكلتي واعذروني على الاسلوب اول مره اكتب في المنتدى

كوني صادقه معه لأن الشئ اللي سأل عنه إذا ما عرفه الحين .. بالتأكيد راح يكتشفه بعد الزواج .. وقتها راح يلومك ويعتب عليك ومو بعيده تدخلي معه في متاهات ومشاكل .. إنتي في غنى عنها..لو كنتي صادقه

فالصدق منجاة !


أما المشكلات اللي تعاني منها في البشرة
إن شاء الله تلقين حلول لها في قسم المرأة في المنتدى

__________________
Hug

اختي عادي كل مشكلة ولها حل
اعتني بنفسك وجسمك ادخلي نادي رياضي
اعملي برنامج غذائي
احضري كريمات مبيضه واعملي خلطات طبيعيه في بيتك لبشرتك
والان تطور العلم واصبح في ليزر للتجميل

وتبغي نصيحتي
الرجال اذا حبك خلاص انسي الوضع لانه ماراح ينظر لهذي الاشياء
بس المشكله انتي ثقتك بنفسك مهزوزة
قوي ثقتك واهتمي بنفسك ولاتهتمي للافكار السوداويه الي تخطر ببالك لانه من عمل الشيطان لانه احب ماعليه انه يفرق بين الزوجين

تحييياتي

froto كلام 10\10
اهتمي بنفسك ولا داعي للأفكار السوداء ..
والله يتمم بخير

__________________

اتركي وساوس الشيطان عنك

فرح يعطيك العافيه على الرد بس انت خوفتيني اكثر يعني ممكن يحاسبني على كذبتي؟؟؟ مع العلم انه حس اني كنت منحرجه اجاوبه وانا والله ما قصدت اكذب لاني عارفه انها كذبه مكشوفه مصيره يشوف بنفسه بس من الارتباك والاحراج طبيعي ما في بنت تقول عن نفسها انها .....( شي محرج )

froto
يعطيك العافيه على الرد بس ما ظنتي ان في خلطات او كريمات تنفع والوقت ما يسعف وفعلا ثقتي بنفسي صارت مهزوزه بس مو من فراغ وهو فعلا يحبني بس اكيد يتمنى يشوف قدامه زوجه تفتح النفس

قيثارة الحب يعطيك العافيه

بارك الله لكما وبارك عليكما وجمع بينكم على خير

لا تزعلي نفسك وتشيلي هم ،،الرجال إذا وقع في الحب خلاااص ما ينتبه للأمور الصغيرة

بس برضو حاولي تعدلي في جسمك بشرتك قد ما تقدري من غير قلق وتوتر..

وانصحك لا تكذبي أبداً أبداً ..وأوعدينفسك إنها آخر كذبة لأنه مصير الأمور انها تنكشف

وبعدين انتي تبغي ربنا يباركلك زواجك فلا تعصيه

وادعي دائما:

اللهم وفقني وزوجي واستر عنه عيوبي واستر عني عيوبه ..اللهم وبيّن له محاسني وبيّن له محاسنه

وموفقة إن شالله

قلب سحابه يعطيك العافيه على الرد وان شاء الله آآآآآآآخر كذبه وعجبني دعائك لنا والدعاء اللي بآخر مشاركتك

الله يجزاك خير ويجعله في موازين حسناتك انت وكل من تجاوب معي في موضوعي

هذي المشكله مره بسيطه شويه رياضه وخلاص واحب اقوللك اني انا كنت اعاني من نفس المشكله تخلصت منها بفتره بسيطه بالنسبه للسمنه مافي احسن من المشي وطلوع ونزول الدرج
وبالنسبه للسواد انا تخلصت منه في شهر باربع جلسات حمام مغربي بالبيت هذا اللي تشتريه من محلات التجميل

وعندي انا جهار البخار حق الوجه اشعله في الحمام لمده 10 دقائق يصير الحمام بعدها كله بخار
ويدي نتائج مذهله

اما بالنسبه للسؤال المحرج احب اناشد كل رجال المنتدي انه ما يسألو اسئله محرجه نهائيا عشان
لانهم مايعرفو قد ايش هذي الاسئله تكون جدا جدا محرجه لدرجه انها ممكن تكذب عليك

وشكرا