بسم الله الرحمن الرحيم

بدخل بالموضوع علي طول ماكتبته هنا الا مالي احد اقوله ..


متزوجه لي سنتين عمري 22 و زوجي 27
و للحين مارزقنا بالاطفال .. كل شيء خيره ..


زوجي صاير له فتره متغير علي مايتحمل مني كلمه وصاير يزعل من اي كلمه واي شيء يقلبه علي واذا مزحت معه مزحه تافهه يقول منتي علي قدي تمزحين ياليت تسوي المزحه تافهه
و وصاير يتركني ببيت اهلي ويسهر علي قولته بالبر مايرجع الا الفجر وطبعا مع العيون الحمراء والريحه الخايسه اللي كان عذره ريحة القهوه كذا
المهم صبرت عليه وعلي حركاته المهم مره من المرات خلاص وصلت حدي قلت مالي الا اشوف جواله وياليت بعد اني شايفه من قبل مو اني مو شايفه وطبعي والله مااحب افتش وراء احد بس هو شككني فيه وطبعا قريت انه يحشش وانه رايح يشتري زقاره وووووو ..
ماقدرت وقتها اتكلم من الصدمه وكنت رايحه بيت اهلي لان رايح دوامه بكيت وضميته لان في بالي ماعاد اجلس مع واحد يحشش وانكتم صدري يوم رجعت لاهلي رحت اخذ بخار ولا وقتها عندي احد اقوله شيء زي كذا ماودي ادخل اهلي بهالموضوع لاني خايفه
وارسلت له ماعاد اقدر اعيش معك مااعيش مع واحد يحشش طبعا هو من الصدمه وسال قريتي محادثات بعدها قال تعيشين معي بعد الدوام امرك واقولك كل شيء طبعا ماقلت لا ابغي افهم ليه صار كذا

بعد الدوام اعترف ان صار له شهرين وانه ماقد جربها الا 3 مرات وطبعا مشيتها ولا صدقت وجلس يحلف لي انه نادم ويعتذر انا من حبي له ولا ودي افارقه واعترف بغلطه لكن قلت له و وعدته بعد انا ان لو رجع لشيء هذا ماراح اجلس معاه انا اللي كويسه معاه ولا اسوي الغلط ليه اتحمل كل هذا بعدين
مر اسبوع وامس بعد دوامه راح لخاله ونسيب خاله اللي هما معاه بهالشيء حسبي الله ونعم الوكيل فيهم اذا هما سبب انه يحشش
بعد ماخلص منهم الساعه8 الليل مرني وكان في قمة روقانه ويسوي اشياء وحركات يهز كتوفه ويضحك بغير العاده هنا شكيت وصرت اشك باي حركه يسويها وقبلها بيومين زعل مني وجلس ينافخ علي بسبب ان جواله الثاني ما اكتمل شحنه وانا ما ماكملت الشحن لان الشاحن بطيء واشحن جوالي وجوالاته 2 وقلت احمد ربك يقول منتي مشكوره حركاته صايره تكرهني فيه صدق صدق خلاصص وصلت معي ولا ادري وش اسوي واخاف احمل منه ويتمدا باللي هو فيه ابي نصايحكم لي

ناسف علي الاطاله .

اختي

اذا تحبينه واخلاقه زينه معك
لا تتركينه
وساعديه يتعالج

ماراح اتركه اذا يسمع مني لكن هو يعتبر اي نصيحه له تعتبر تحكم وانه رجال ويسوي اللي براسه

السلام عليكم ورحمة الله وبركاته

اختي في الله
زوجك داخل مع شلة سوء ، والواجب عليك انك تحمينة منهم بما انك تحبينة!!
كيف تحمينة!! في أنك تشوفين احد حكيم من اهلة وتبلغينة بالموضوع وتخلينة يتعهد ان الموضوع يكون سري!!
على اساس يتلاحقون ولدهم لا يصير مدمن على هالحشيش ومن ثم يدخل في امور اكبر من الحشيش!!
الفساد والضياع له مفاتيح واجد واسوء مفتاح لهن هو مفتاح الادمان لذلك لاتتساهلين بالموضوع

اذا ماقدرتي على هدايتة وبارت فيك كل المحاولات بلغي علية الهيئة او الشرطة وهم بيتناولون الموضوع بسرية

ينسجن ويتعالج افضل من انه يدمن ويروح فيها

الله يهدية يارب ..

__________________
استغفر الله واتوب إليه

اختي ابعدي الاهل عن الموضوع مررررررررررررررررة زوجك باين عليه من ذوي المزاج العصبي واحتمال يكون عنادي كمان لو كلمتي احد الاقارب ممكن انه يزعل ويكبر الموضوع ويعاند وتزيدي الطينة بلة لكن هناك مراكز مرعوفة لعلاج الادمان توجهي اليها رعاكي الله فهم متخصصين ومر عليهم اكثر من نوع مدمنين حشيش ودخان ومخدرات وغيرها راح يكونو افضل من الاهل والاقارب

بعد اذن الاخ دونسس
هي حرمة ماتقدر تفرض عليه علاج!! هي الاضعف!! اصلاً هو باع صحتة بسهولة وانبسط على وضعة كذا!! كيف تبغاه يستقبل امر علاجة وعافيتة بسهولة!! هو يعتقد الآن ان اللي يسوية شيء يجلب السعادة وان ماله ضرر وفيه ناس واجد كذا ومافيهم شي ومبسوطين على الاخر وعايش بوهم الله يعلم فيه!!

انا اقترح انها تقول لشخص ثقة وحكيم من اهله ويتناول الموضوع معة بذكاء إلين يوصلون لمرحلة العلاج!!
والموضوع يتم بسرية تامة وان بارت فيه كل المحاولات تبلغ عنة عشان لايوصل لمرحلة انه يبيع نفسة واهله عشان جرعة ادمان!!

__________________
استغفر الله واتوب إليه

اخي المتفائل بالله هذا الحل انا اشوفه ممكن يكون اخر المحاولات لان موضوع الاهل ممكن يتحسس منه المدمن بانها فضحته بالنسبة للرجل الشئ هذا فضيحة ولا ما كان ساتر نفسه ومداري على حاله خصوصا نفسية المحشش هذة مصيبة ساعات يكون حساس وساعات يكون عنفواني حالة عقلية مضطربة يجب التعامل معاها بحذر اذا كلمت خاله او عمه او اي احد من اقرباؤه كبير في السن وعلى قدر من العلم والاحترام وخبرة السنين ما راح يملك خبرة المراكز المتخصصة في علاج هذة الحلات لانه في مخاطرات نفسية ومخطرات سلوكية وغالبا يكون علاجهم دوائي بحيث يستمر على الحشيش لكن بتخفيض الجرعة حبة حبة الى ان ينعدم مستواه في الدم وعندهم ايضا ادوية تقوب بنفس المفعول لتلهي الجسم على مادة الادمان حتى لا ينصرع العقل بتوقف المادة المدمنة فجأة لانو في هذة الحالة الانسان بيكون متوتر ومنفعل جدا هذة جزئية بسيطة فقط مما قد توفره المراكز المختصة الاقرباء ما يقدروا يوفروا شئ من هذا القبيل كل الي يقدروا يوفره الدعم المعنوي فقط ان وجد المدمن يحتاج الى دعم دوائي ايضا.

عشان أكون صادقة معك الحياة مع محشش مستحيلة،وضعك ماينسكت عليه،
ضروري تدوري حل جذري،
أهم خطوة تسوينها امنعي الحمل.
لكن أنا ضد اللي يقولون لا تخبرين أهلك،،
الصراحة الواحدة مالها إلا أهلها بعد الله،فكيف ماتخبرهم،
اجلسي مع شخص عاقل وحكيم من أهلك وأهله ،بدون تشهير ولا فضايح وحلوا الموضوع،

دووووري حل لنفسك ترا محد متورط غيرك،ولا أحد ضايع مستقبله غيرك.

أعطي أهله خبر يمكن يرجلوه ويرجعوه لعقله ! وانتبهي تحملي هالفترة عشان ماتبلشين معاه بطفل وتبدأ سلسلة تقديم التنازلات 😑 وإذا استمر على وضعه ولا حياة لمن تنادي اتركيه، حرام تضيعين شبابك مع واحد راعي حشيش وكلام فاضي !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

فكرت لو قلت لاحد سوا من اهلي ولا اهله راح تكبر المشكله كثير اعرفه راح يقلب الموضوع علي وتصير مشاكل ما ابيها وانا والله ان نفسيتي مره تعبت لدرجة اني تعبانه واذا قمت شوي احس تعب الدنيا وهمومها كلها فيني وعادتي اذا صار مشكله بيننا اتعب وهذا عيب فيني والحين هو مايدري وش السبب لانه هذاك اليوم حلف لي انه ماعاد يعيدها ويوم سألته امس ماخذ شيء يقول لا قلت احلف يضحك يقول انا اقطع عهد علي نفسي اني ما احلف