مرحبا عندي مشكله من ايام الملكه وهي ان زوجي يخبر اهله بامورنا وتطور الوضع بيني وبينه يعمل نفسه المحب الطيب وعند اهله يذمني ويحش فيني اخر مره صارت مشكله بيني وبينه كبيره وبدل مانحلها بروحنا كالعاده علم اهله امه وخالاته وخواته وعماته وفضحني عندهم ولما تصالحنا وعدني انها اخر مره ينشر مشاكلنا وللعلم هذي مو اول مره يوعدني لكن هالمره اقسم ووعد انا بيني وبين نفسي ماصدقته لكن مشيت الامور الان اكتشفت انه متكلم عني عند اخته ومكلم عمته عني طبعا كلام ذم هل هذا الرجل يمثل الحب علي ؟ طيب كيف اعيش معه وهو فيه هالطبع؟

تم تعديل العنوان ليتناسب مع الموضوع

هذا ماهو رجال الي يطلع اسرار بيتة

__________________
سبحان الله وبحمده سبحان الله العظيم

الله يعوضك خير اختي

استخيري
واحسمي امرك معه

يا انك ترضينه بطبعه!
يا انك توقفين كذا

والله بيعوضك خير منه
بعدك في فترة سهلة لا تورطين نفسك معه وتندمي

أسأل الله لك الهدى والرشاد

__________________
للألم وقعٌ كبير في النفس..
لذلك قال الله تعالى { وبشر الصابرين }...

كم لكم متزوجين ؟
وايش هي طبيعة مشاكلكم ؟

يعتمد بالاساس على شخصية الرجل وتربيته ، ونظرته للامور بوعي
و بعد نظر ..

__________________

لنا ثلاث سنوات عندي منه ولد مشاكلنا بعضها سخيف وبعضها كبير لكن حتى نقله للمشكله يحرف بحيث اطلع سيئه هالفضايح خلت اهله مايحبوني مثلا قايل لهم اني اطلب منه يساعدني بالبيت ومشتكي علي عندهم وهو ماكلمني ولا قال انه رافض لما نجي نتكلم عن المساعده يتكلم بمنطقيه ولازم نتعاون ومن وراي يذمني واجتمعوا فيني امه وعمته وافتحوا هالموضوع بعدم حضوره ولما زعلت منه يتعذر واخر مره وانتي علميني وش اقول ووش مااقول قلت له اي شي يطلعني بصوره سيئه لاتقول وبكذا مارح يحبوني وعلى كلامه اقتنع بس كلام طبعا مثلا مره زعلت منه وقلت انت مقصر ماديا ومع المشكله قالي اسرق قلت ايه طبعا انا ماقصد انه يسرق لكن مع النرفزه وهالشي بينا وتصافينا اكتشف انه قايل لهم احيانا لما اواجهه غالبا ينكر ولما اقوله امك قايله لي يعترف ويقول اهم اسالوني واخر مره قالي انتي علميني وش اقول ووش مااقول طيب انا مو معاهم بالجلسه وهذا قلت له اي شي يطلعني بصوره شينه لاتقول والحين اكتشف انه متكلم عجزت فيه

معذرة

فهمت من كلامك الاول انك في الخطوبة

عشان كذا قلت سهل الامر

لكن مادام عندك ولد فكري بجدية
اذا بتتحمليه لو ماتعدل
فابدأي بتدريبه وتعليمه واجتهدي

وابتعدو عن اهله بقدر استطاعتك
حتى يتعدل

اما اذا عارفة انك ماراح تتحملي للمدى البعيد
لا تتحملي فوق طاقتك
طفل ولا ثلاث اطفال واربعة

__________________
للألم وقعٌ كبير في النفس..
لذلك قال الله تعالى { وبشر الصابرين }...

كيف ادربه واعلمه وش اسوي رجال كبير وفاهم وعرف اللي يزعلني ومااقدر ابعده عن اهله رغم اني احصل تعليقات من امي ان جلسته الكثيره عندهم مو لصالحي حتى مره صديقتي كنت افتخر فيه انه يحب اهله وبار بامه ويحب يجلس عندها وهي اقصد صديقتي ماتدري عن مشكلتي معاه قالت كلمه بما معناها حق التحريش قصدها جلسته لتعبئه راسه علي انا انصدمت من فكرتها لكن شكله صحيح طيب انا ماقدر امنعه من اهله وتسعدني علاقته بامه وخواته يحسسني ان الدنيا بخير وان في اخوان يتزوجون ومايتغيرون على اهلهم لكني زعلانه انه يفضحني ويتكلم علي عندهم يعني ماينفع يطلعوني من جلستهم هذا انا ماسولف عنهم بجلستي معاه وهو اصلا يخبي اسرارهم عني وانا مااسال ولا اجيب طاريهم

يمكن يكون بدون قصد نقله للكلام ويمكن يكون الكلام اللي جاك عنه انه يتكلم عنك غير صحيح
في حالة تأكدك من ذلك
أفضل حل انك تصارحيه وتقولي ودي تعاهدني ان أي مشكلة تصير في بيتنا انها ماتطلع ابدا
ونقل الكلام واسرارنا للناس فضيحة
و عيب على الرجال نقل الكلام
ومن هالكلام

هالنوع من البشر طيب
وتراه طبع فيه ناس اعرفهم كذا
تعرفين المثل اللي يقول :
لسانه يحكه ههههه
يعني يحب يحكي ولما يحكي يحب يبهر ويملح ، يا خيه الموضوع مايستدعي طلاق ، ولا انك تواجهينه كذا كل مرة وبس ..
شوفي مستشار نفسي ، او اقري عن مثل هالنوع من الشخصيات وحاولي تساعدينه إنه يترك هذا الطبع
بدون ما تطلبين منه مباشرة إنه يتركه
حاولي تلهينه وتبعدينه عن اهله قدر الامكان
والله الله بالدعاء .. الله يهديه ويفتح عليه ويصلح حالكم ..
وانتي تجنبي المشاكل او النقاش معه
وانتبهي تعطينه اسرارك او خصوصياتك ..

سواء بقصد او بدون قصد النتيجه وحده وكم مره اصارحه ويعاهدني ومافيه فايده