السلام عليكم ورحمة الله وبركاتة

عيد سعيد كل عام وانتم بخير حبايبي

المشكلة زي مو في الموضوع

انا متزوج من 5 سنوات وعمري 33 سنة الان وزوجتي عمرها 27 سنة وعندي بنت وولد حفظهم الله المهم ابو زوجتي هداه الله يغار على بنته الي هي زوجتي غيرة مو طبيعية المشكلة انه كبير في السن في نهاية الستين على ما اتوقع المهم زي ماقلت يغار عليها كل شوي اكبر مثال قبل امس

طبعا رحنا بيتهم نعيد وهكذا حصل على زوجتي جرح بسيط جدا في خشمها قاعد يصيح وش ذا من سوى فيك كذا اكيد ماغيره هو ( الي هو انا ) والمشكلة مو انا ولا كنت ادري ابدا عن الجرح الا يوم قالها ابو زوجتي المشكلة عياله الي هم اولادة طيبين وهو لا والله والذي لا اله الا هو كل مانجي لهم او هو يجينا يشوفي اسولف اضحك معاها يقاطع بالكلام ويناظر فيني نظرة حقد المشكلة ان الاخرين عادي مايغار منهم يخليهم يكلموها وانا لا ليش جني انا ؟ واذا طلعنا لازم هو يكون مع زوجتي وجنبها مستحيل يفارقها ابدا انا اعرف ابوها ويحبها لكن ذي غيرة مو طبيعية واذا رحنا سوق مكان بعض الاحيان يكونون معنا لازم اي مكان ندخله انا وزوحتي يجي ور انا واذا قلت ذا حلو يقول لا ذا مو حلو ويختار لها هو من ذوقه واشياء كثيرة للاسف والله انا فكرت بالطلاق والله انتو لو شفتو حركاته وربي حركات اطفال 6 سنوات الى 15 سنة المشكلة ان عندي عيال وما ابيهم يتعبون وتعرفون الطلاق راح ياثر على نفسيتهم لكن لو ماعندي عيال والله لا اطلقها من يوم ماكان يغار عليها

والله ياجماعة الخير انتم لو تشوفونة ليجيكم كل الامراض انا تعبت خصوصا ان عندي القولون العصبي واخاف يوم اعصب وامد يدي على ذا الشايب ................. انا ما اقدر استحمل ابدا تعبت 5 سنين غيرة وكل شوي يزداد غيرة حتى بعض الاحيان اخلي زوجتي تروح بس وانا اروح عند اخويايي لكن عييب وش بيقولون عني اكيد فشيلة

فا اتمنى انكم تساعدوني حبايبي

انتظركم

حرام تفكر بالطلاق وعندك خيار ثاني أسهل وماتأثم عليه ،

أهل الزوج أو الزوجة مو من ذوي الأرحام يعني ماتأثم إذا قطعت علاقتك فيهم !

أما بخصوص أبو زوجتك لاتكبر الموضوع خذه على قد عقله وحاول ماتحتك فيه

يعني مثلا جيت تعايد سلم وأطلع مباشرة وإعتذر عن مناسباتهم أفضل لك ولحياتك الزوجية

الله يهدي الأمور

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

لاحول ولاقوة الا بالله ،، دائما بمشاكلكم يالرجال ينطرح موضوع الطلاق! انزين ابوها عمل هي شذنبها تصرخ عليه لو تهزئه ؟! ماعليه اخوي احسها هي بين نارين ومو ذنبها !

ابوو زوجتك ليش ماتقعد معاه بروحكم وتصارحه باللي زاعجك باسلوب مناسب ومايحرجه او يحسسه انك تعني السيطرة عليه ،،، بهالعمر بعض كبار السن يكونون كالاطفال فعلا فالحل السهل جدا هو التطنيش ! ،، حاول تفهمه باسلوبك انك رافض الشي اللي اختاره مثلا اوو تخلي زوجتك هي اللي ترفض بطريقه هادئة وتبين له انزعاجك ورايك .. يعني خلها هي تدافع عنك وهي اللي تختار الشي اللي انت اخترته لها ومع ذلك لا تمحي راي والدها ويظل له مقامه ...

وكالعادة هكذا الرجال افكر بالطلاق
على ايش طلاق
الميثاق الغليظ هذا وش قيمته عندكم


الحلول كثير ما لقيت من بينها الا الطلاق !!!

تكلم مع زوجتك بهلا والدك ماعجبني بكذا
خل نقلل طلعات معاهم
ولا تطول عندهم
انتهت السالفه

اما مره وحده صراحة افكر بالطلاق
اتقو الله في بنات الناس

حرام عليك ياخي موضوعك ان شاء الله بسيط.

اذا راحت عند اهلها مولازم تجلس عندهم, خلها عندهم وابوها يشبع منها.
اذا فيه امكانية تنقل من المدينة اللي هم فيها كويس, لاجل تكون زيارتها لاهلها متباعده

لاتتحسس من الموضوع .........................................
.................................................. ................................ز

السلام عليكم ,,

أخي الكريم ,

قد يكون الخطأ مُشتركا , وقد تكون غيرة والد زوجتك بدأت تظهر عندما رأى بعض تعاملك مع زوجتك أمامه , أو سمع من بعض أهله عن حياتكم شيئا , فأحس بأن ابنته بدأت تبتعد عن عالمها الذي كانت فيه تحت عينه , وهكذا ( لابد لتلك الغيرة من سبب ) , والغيرة في هذا النوع من المشاكل غيرة مُؤثرة على البيوت , لذلك عليك أن تتناقش مع والد زوجتك بهذا الخصوص أو تتناقش مع أكبر أبناءه ليوصلها لأبيه , وأنا مع الرأي الثاني طبعا .
وإن لم يحصل أي تحسن لتعامل والد زوجتك , ابدأ بتقليل المواجهات معه شيئا فشيئا , وتخفيف الزيارات , وأتوقع أن والد زوجتك سيبدأ بتقليل الغيرة عندما تعامله كوالد لك وتزيل أنت كل الحواجز النفسية التي بينكما وتقوي علاقتك به أكثر , فتهديه كل فترة هدية تعبر فيها عن محبتك له , وإشعاره دائما أنه بمنزلة الوالد لك , و نصيحة أخرى ( اعمل كنترول على القولون العصبي )

تعامل مع والد زوجتك على أنه ليس شرطا أن تفوز اليد القاسية على اليد الناعمة

ملاحظة / الطلاق لا دخل له في الموضوع , لذلك لن أعلق عليه , وفكر جيدا في سبب زيادة غيرته لأنها قد تكون مرتبطة بك ,

موفق خير

انتهى

__________________

مو لازم تجلس معه بنفس الجلسه..


حول زوجتك لبيت ابوها وانت رح شف لك شغله

لاتشوف ابوها الا من عيد لعيد>> بالعكس راح يرتاح منك اساسا

__________________
استغفر الله العظيم واتوب اليه..اللهم اغفر لي ذنوبي وارفع عني البلاء

ابو عبدالاله

ايش ذنب زوجتك اذا ابوها ...................
الحل انك تفاتح اخوانها بالموضوع يوصلون لأبوهم تضايقك الشديد من حركاته
وانك تفكر بقطع الصلة به نهائياً تفادياً للمشاكل

زوجتك ليس لها يد في الذي يحدث
الحل بأن تقلل من تواصلك معه و تعيش حياتك مع زوجتك بمزيداً من السرية و الكتمان

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

مع الاخ امين