السلام عليكم
ماتوقعت بيوم اسجل لجل اطرح مشكلة خاصة
لكن قسم ان الضيقة والزعل والهم مسيطر عليا وابي افضفض لاحد يمكن القي حل
ومستحي افضفض لخوياني
انا مملك تقريبا مالي شهرين ومكالمات تقريبا بالساعات زوجتي عمرها 22 وتقريبا فيها نفسية لو ضربت الله يعيين طبعا طلبت الطلاق قبل هالمرة بس نسوالف وتشتكي خواتها ويفهمونها وترجع هلمرة غير هالمره مصممه
مابيك افهم
انا عفتك
انا ماحبيتك كنت اضحك ع نفسي معاك
ترضي تعيش مع وحده ماتتبيك ياخي فكني منك
تصرفاتك وكلامك ماهضمتهم مرررة
هذا كلامها لي
واخوكم دمه يفور ودي افكها وماودي افكها لاني حاسس هالمره نفسية شينه معها
وحظرتني من الواتس وقلت اصبر
قسم ان النفسية عندي مضروووبة ونا حاليا شفت ليلي ومالي خلق اخلص اي ورقة
المشكلة ان اختها الكبيرة قبل فترة نصحتني وقالت هدي واصبر عليها
واخوها الكبيرر قبل فترة يوم طلبت الطلاق قاللت له انا عفت فلان وخاصمها وهزء فيها ونصحها وحنن قلبها ورجعنا
اخوها شايل فكرة الط.... مابي اكتبها حتي
اخوها شاريني بالذهب برغم اني جلست معه مرتين فقط
كلامي للبنات والشباب المتزوجين هل واجهتهم مشكلة مثل حالتي
ريحوني قسم اني ابي اختنق وودي اروح واعلقها بالمروحة لين تقول توبة

اخوي ابو الفزعه

ابعطيك نصيحة من خبرتي البسيطة بالحياة ... انا قبلك خطبت و ملكت و تزوجت ولي 3 سنين .. خل الامور تهدا شوي و كلم البنت عن طريق احد يمون عليها من اهلها وقل لها انا موافق اطلقك بس بشرط ... حاول تقابلها في بيتها و يكون الوضع ريلاكس و مريح لكم كلكم ... حاول تسولف معاها و تكسر الجمود و اسألها بصراحة ايش السبب وخلك محترم جدا ولبق في كلامك وكن مستعد لسماع اي شي ... بعض البنات يخافون من الزواج ويسوون حركات غبيه لانهم ما يعرفون يتصرفون ... لكن اهم شئ تأكد انها ما تحب غيرك او عندها مشاعر تجاه غيرك او انها فعلا غير مرتاحه لك... لأنها ممكن تكون تعرف غيرك وما تبي تظلمك فتقول لك بطريقة غير مباشرة اطلع من حياتي .... انا اسف علي كتابة هذا الكلام بس هذا اللي صار في حالتي وللاسف تعبت كثير مع العلم ان طريقة التعامل كانت تختلف ما بين كلام حلو الي ملل و حظر بالواتس الي ان صرت مسوي حظر لمدة شهرين حتي صارت تدق و انا ما ارد ...
مهما صار معاك الزم الاستغفار و صلي استخاره ولا تشتكي لاخوياك همك او اقاربك ( استر علي بيتك ) ولاتعلم احد ... اكتب هنا بإسم متسعار و فضفض مو مشكلة ...

اعرف والله اللي تمر فيه و تحس بالضبط .. انا خسرت صحه و تجاره و مال و دين بسبب الي حصل لي وما ودي تصير مثلي بس بعد لاتظلم بنت الناس ابدا خلك صبور ولاتضغط كثير بس اهم شي توصل للمصارحه و كلمها كأنك صديق وليس زوج .. خلها تفتح قلبها لك و تقول كل اللي تبيه بدون اي اعتراض منك حتي لو اخطأت في الكلام لا تلومها و صدقني هي بتقول لك كل شئ حتي لو ماكان بالطريقة المباشره ... اذا احست البنت انك تتكلم بطريقة مودع راح تتكلم معاك بأسلوب مختلف ... وزي ما قلت لك تقبل اي شي لأن البنت صعب تتنبأ بكلامها ، من كثر حبها لك ممكن تقول هالكلام و يمكن لسبب ثاني ما تتوقعه ... يمكن احد كذب عليها من خوياتها وقال عنك كلام مب زين ؟؟ تري البنات يكذبون بهالامور كثير ... قدم النيه الحسنه علي السيئة في كل تفكيرك وتذكر ان اهم شئ في حياتك علاقتك بالله عزوجل وليس بأي مخلوق في هذي الدنيا ...

أسأل الله عزوجل ان يكتب لكم الخيره و يوفقكم بإذن الله ... ويستر عليك وعلي بنات المسلمين ..




اخوك سليمان

مكانه الانسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

طالما أنت مادخلت عليها ولم تتزوج رسمياً الأمر سهل
صل صلاة الاستخارة واللي ترتاح له اعمله

طيب ليه ما تبيك ، شو يكون السبب ؟

حياك الله اخوي وأسأل الله تبارك وتعالى ان يريح قلبك ويزيل همك ويرزقك الحكمة والصبر
اخوي هل أنت متعلق فيها بشدة ؟

اخوي هذا زواج يعني طول العمر ماينفع فيه (اخوها شاريني ) ومجاملات على حساب سعادتك وراحة بالك
وحدة قالتلك مابيك ، ماحبيتك ، ماهظمتك ، وانت باقي ماتزوجت هل ترى نفسك مجبر تكمل ؟

اجلس مع نفسك وخلك صريح ..

طيب لو افترضنا انها عندها نفسية تظرب احيانا انت اش ذنبك تتورط مع وحدة كذا نفسيتها ؟
اخوي انت لك شهرين مملك مو سنين وفترة الخطبة والملكة كل واحد يعرف الثاني بشكل كبير يا يرتاحون ليعض ويكملون يا يفترقون ويغني الله كلا من سعته

اخوي قصص كثير مرت علينا في المنتدى وبرى بنفس الوضع البنت تكون مجبرة تتزوج بسبب ضغوط من اهلها وهي يا يكون فراسها موال او شي ويتدبس الزوج الغلبان

استخير كذا مرة هذا زواج مو لعبة وانت باقي ما دخلت في الجد بحيث بكرة ممكن تكون الخساير اكبر

والله يوفقك لكل خير

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

اقرأ المشاركة رقم 2 والمشاركة رقم 6 بتمعن شديد
ثم
قرر مع الاستخارة
ولا تجعل الأمر يطول هكذا

كيف تكلمك بالساعات وهي ما تبيك ؟!!

ليش ترد عليك وهي مو طايقتك!!!

لازم تجلس وتعرف صدق مشاعرها كانها فعلا ما تبيك خلهم يرجعون لك كل شي دفعته من المهر الى الذهب كل شي الزواج مهب لعبة اذا هي طفله ومو جاهزة انت منتب لعبة.

هذا شي مو طبيعي الله يرزقك اللي تسرك

1- شخص يحمل بحقيبة طاقاته النفسية الاجتماعية الاقتصادية إلخ ،
و يسير في طريق يعلم تماما و يرى بعينيه حفرة أمامه .
المستشار : غير مسارك تماما لطريق آخر .

2- شخص يحمل حقيبة طاقاته تلك و لكنه واقع في الحفرة سلفا ،
و جزء من حقيبته علق بها أصلا أي عند الخروج يبتر جزء من الحقيبة
أي يخرج منقوص الطاقات .
المستشار : اصبر ، و حاول أن تكيف بيئة الحفرة لصالحك ...
مادياً مثلا تهيئها كمسكن مريح ، و نفسيا مثلا تغير بعض أجوائها لتتأقلم براحة .

3- شخص يحمل الحقيبة و قد وقع و بلغ أقصى العجز التام عن التكيف و التأقلم
بعد جهد جهيد و زمن طويل ، فخرج من الحفرة مسلماً بالخسائر .
المستشار : قدر الله و ما شاء فعل .



و الله أعلم أجدك في الحالة رقم 1 ، فالتوافق و الاتفاق منطقيا هو الأساس الأصل للارتباط ..
لن أقول لك لا بأس امض الآن في الطريق بينما تعالج و تخطط كيف تتأقلم إذا
و صلت إلى الحفرة و سقطت فيها ، و كأنما أخطط لسقوطك أولا ثم علاجك !
و لا توجد خسائر بحقيبتك و لا حقيبتها ...
أعني في المرحلة 2 مثلا بعد الزواج هي ثيب تشح فرصها بالزواج أو ثيب و أم تشح فرصها
و يتشتت الطفل ، و لست في المرحلة 3 أيضاً سلم الله .

لا أ علم الغيب و ليس لي من مشكلة أحد إلا ما أظهرها هو فالله أعلم و نسبة العلم له أسلم ، لذا من هذا المنطلق القاصر للحكم أتعجب و أتساءل وحسب في وقفات ...
من المحتمل هي تعاني حقا من سوء معاملة أسرتها بطريقة يعجز تفكيرها عن التملص من الجو الخانق ، و من المحتمل أنها لا تعاني ..
فأعجب في حال ذلك (أنها لا تعاني ) أتعجب بأنها خلال فترة وجيزة هي أول شهرين من تعارف شخصين على أساس زوجين ارتباط و صحبة و عاطفة و وجدان إلخ ، هنا ؟
من المحتمل أن تدور الأحاديث حول تساؤلات و معلومات عن مهنة الآخر مجال هوايته معرفته إلخ !
و من المحتمل أن لا يفعل كذلك من فكرة كراهية أن يبدو الحديث تحقيقا أو تقليلا من قدر الآخر إنما ...
فإذا كان الأمر هكذا ؟ مع عدم وجود ضغط أسري عليها فهنا أستغرب هل نفدت كل أحاديث الدنيا اللطيفة غير تلك التظلمات و الاشتكاءات المازوخية ،
أما إذا اجتمع عليها الأمران معا ؟ صدقا خجلها من اجراء أحاديث السؤال عن المهنة و الهواية و فحص الآخر مع ضغط أسري من إساءة أفراد العائلة لها حقا و صدقا ..
هنا ربما أجد تصرفها طبيعيا و لا أستغرب .

لاتطيعها ابد ولاتطلق ولاشيء
اذا جتها الحاله وقالت طلقني وووو
قل انا احبك وابيك ومستحيل اطلقك ونجوم السماء
اقرب لك وخلهااااااا لاتتواصل معها أبد بعد ماتطمنها انك تحبها ومستحيل تتخلى عنها
اخسرهاااا عقب وطنشها وعش حياتك يومين بالكثير
وبتتواصل معك هي ولاكأنه صار شيء
البنات تتقلب امزجتهن كثيرا مره تحت ومره فوق
اذا صار المزاج تحت ابعد واذا صار فوق قرب
بس لاتطللللللق
تدري ليش لانها قد تكون
تمر بإضطراب الدورة الشهريه وهذه تحتاج كم يوم وترجع فل الفل وتحبك اكثر
تختبر حبك لها وتمسكك فيها
تدلل عليك وتشوف غلاها ولاتثمن عظم هالكلمه ع زوجها
مضغوطه بدراسته او ظروف أسريه فتحس انها لما تنفصل عنك بترتاح ويخف عنها الضغط
وساوس من الشيطان ومخاوف غير طبيعيه بعدم قدرتها ع الزواج وتحمل مسؤوليته وأنها ستفشل وووو

لذا لو كل زوجه او مملكه طلبت الطلاق وزوجها لبى هالطلب ماكانت بيوت
ولو العصمه بيد المره كان تطلق بعد عدة ساعات فقط والعاقله بعد اسبوع بالكثير هههه
لكن الله جعل العصمه بيدك لأنك وبعلم الله بمن خلق اقدر منها ع التحكم لذا لاتتواصل معها كثير
كثر المكالمات والخروج ووو يطيح الميانه بينكم ويوقعكم بمشاكل انتم في غنى عنها
اقطع التواصل الا في الأسبوع مره رسالة واتس
كيفك محتاجه شي وبس
وانصحك للمره المليون لاتطلللللق
لأنك ان طلقتها اول من سيلومك هي
بعض البنات كالأطفال
عاملها كما تعامل الطفله
خذها ع قد عقلها مررره
وسايسها
ولاتصدق انها فعلا تبي الطلاق او ماتحبك او تكرهك

الا تمووووت فيك وتعشق ترابك

هالنوعيه حلها تعاملها كما تعامل الأطفال بالمسايسه ولاتأخذ بخاطرك ابد من كلامها او حتى تصدقه لانها تقوله بساعة غضب وبس

الله يوفقكم ويسعدكم ويهدي سركم 🙏🏻🙌🏻