السلام عليكم ورحمة الله وبركاته

طبعا دخلت الموقع اطلب استشارة واتمنى ان يكون الرأي موضوعي بعيد عن العاطفة والغيرة وووووو

انا عمري 26 واتقدم لي عرسان ولا احد يصلح ..

صبرت + انو اخاف على نفسي من الحرام ...

لان الحرام سهل جدا جدا جدا .. والفتن كثيره اللي اتعرضت لها

وخلاص يكفي صبر ضاع عمري وانا جالسه استنى ..



المهم

امس اتقدم لي طبيب عمره 40 ملتزم دينيا استخرت ومرتاحه

انا عاجبني عمره لانو انا ودي بواحد اكبر مني بكثير وعاقل وعنده تجربة


بس ( اخاف زوجته الأولى تعمل لي مشاكل ؟؟؟؟؟؟؟؟؟؟ )
كمان زوجات اخواني خاصموني وقالوا جايه تفتحين علينا باب وما ادري ايش ؟؟؟

وامي قالت اللي يريحك ..


انا ما اغار انا ابغى واحد يستر علي ويخاف الله وبس


انتظر ردكم

أنا زوجه أولى


أول شئ طالما أستخرتي الله ..ربنا يوفقك وأهم شئ ياقلبي حطي في بالك خوف الله


بس الله يكون بعونك من زوجته بعدين


شوفي ياعمري


أنا أول ماأتزوج زوجي طبعاً زعلت وحزنت ومت قهر..لأنه زوجي فاجأني بهذه الزيجه


وكمان زوجي ماهو من الرجال اللى يبغى الجنس على طول


فهو مقصرمعايا من أول ولمن أتزوج بيقصرأكتر وأنا ماني مهمله هو أخذ الزيجه على إنها متعه له ( أنانيه منه )


المهم دحين زوجته هي بتعمل لي مشاكل وكلام وسب


كانت ساكنه بعيده عني ...لكن لمن قربت مني في نفس البيت صارت مشاكل كتيره معها .غيره ..وطولة


لسان وتصرفات الحمدلله


وحتى زوجي بيفكرفي طلاقي ولكن خايف على الأولاد


صاريميل لها ونسي عشرته معايا

__________________

اختي اهم شي السؤال جيد عنه إذا كان اهلك يعرفونه اوقاربك و طلع انسان جيد وملتزم اتوكلي على الله وافقي
بس نصيحة اكثري من الأستخارة
الله يوفقك
اختك
مهااااوي

__________________
[blink]اللهم هب لي من لدنك ولياً نصيرا[/blink]

اختي روعه الله يسعدك ويرد لك زوجك
انا ما ابغى مشاكل بالعكس
بس يا ناس ابغى اتستر وهذا الزوج افضل من تقدم لي ..

معقول ارفض واضيع عمري على امل يجي احسن ويمكن ما يجي احسن ..

طيب انا انسانه بتعرض للفتن الكثيره وما احد داري عني غير ربنا ..

ارفض واستنى .؟؟؟؟

استخيري وتوكلي على الله

وتذكري انك مو صغيره

ومسأله انه متزوج مو عيب

صدق ان الزوجه الأولى راح تتأثر كثير وانتي عارفه الشي هذا

انا متزوجه ومجرد تفكير انه زوجي يتزوج علي احس اني بنجن

لكن هذا شرع الله وله سبحانه حكمه بالتشريع هذا

الله يعينك ويوفقك

__________________






دعوه للتسامح .. بعد القطيعه .. سجل نداءك..
هواجس عانس... كابوس اسود .. هل يمكن ان يتحول الى حلم وردي ؟؟؟
حائره .. بين مطرقه ((تقدمي واقبلي)).. وسندان (( تراجعي واحذري ))
للمتزوجين والمتزوجات .. ابنك على ماربيتيه .. وزوجك على ماعودتيه ؟؟؟
للمتزوجين والمتزوجات .. هل واجهتك مفاجأه بعد الزواج ... وماهي ؟؟؟

شوفي ياقلبي سماح من ناحية إن زوجته تعمل لك مشاكل فتوقعي دا الشئ منها بسبب الغيره...


لكن أهم شئ مايكون موقف زوجك سلبي ويسمع كلامها وتساومه ويطلقك ؟


ويشهد علي الله من فوق سبع سماوات إن زوجي بالأول كم مره كان يبغى يطلقها وكنت أمنعه من كدا


وأقوله بنات الناس مو لعبه لاتطلقها


ودحين بأدفع التمن غالي زوجي بيعاملني معامله سيئه وغيرالسب منه والشتم وزي ماقلت لك


بجد بيفكرفي طلاقي وأحياناً بيقولي إنتي هنا منتى زوجه لي إنتي خدامه لأولادك وبس


والحمدلله ..برضي بأستغفرالله كتيروأدعي الله يفرج همي وكربي

__________________

أكثري من الدعاء والإستخارة ..
إذا اتسهلت امورك .. اعرفي في الأمر خير بإذن الله
وإذا لا .. لا سمح الله .. يكون شر والله صرفه عنك
الله يوفقك


الله يسعدك ياروعة
إنت بجد واحده رائعة .. ماشاء الله .. إستمري بعطائك .. والله ما يكسر ظهر الرجل إلا الطيبة والكلمات المعسولة والتعامل الراقي الطيب .. صدقيني راح يجي اليوم اللي تحصدين فيه كل خير ..
بسسسسسس الصبر وهدوء البال
لا تندمي على نصيحة زوجك .. إنت نصحتي لوجه الله .. رغم إن الأمر كان صعب عليك .. لكن
ارفعي يدك للسماء واشكي الحال لله وقولي يارب يا علام الغيوب إنت أعلم إن زوجي جاء يشكي من زوجته وأنا نصحته بعدم طلاقها إبتغااااااء لوجهك .. وطلب لرضاك .. يارب إنت ادري إني ما كنت اقصد من نصيحتي مصلحة دنيوية .. يارب اسألك بعملي هذا تكفيني شرها وتحنن قلب زوجي علي وعلى أولادي ..... وادعي الدعوات اللي تناسبك .. لله معك ..

__________________
Hug

اقتباس:

المشاركة الأصلية كتبت بواسطة ^فرح^ أكثري من الدعاء والإستخارة .. إذا اتسهلت امورك .. اعرفي في الأمر خير بإذن الله وإذا لا .. لا سمح الله .. يكون شر والله صرفه عنك الله يوفقك الله يسعدك ياروعة إنت بجد واحده رائعة .. ماشاء الله .. إستمري بعطائك .. والله ما يكسر ظهر الرجل إلا الطيبة والكلمات المعسولة والتعامل الراقي الطيب .. صدقيني راح يجي اليوم اللي تحصدين فيه كل خير .. بسسسسسس الصبر وهدوء البال لا تندمي على نصيحة زوجك .. إنت نصحتي لوجه الله .. رغم إن الأمر كان صعب عليك .. لكن ارفعي يدك للسماء واشكي الحال لله وقولي يارب يا علام الغيوب إنت أعلم إن زوجي جاء يشكي من زوجته وأنا نصحته بعدم طلاقها إبتغااااااء لوجهك .. وطلب لرضاك .. يارب إنت ادري إني ما كنت اقصد من نصيحتي مصلحة دنيوية .. يارب اسألك بعملي هذا تكفيني شرها وتحنن قلب زوجي علي وعلى أولادي ..... وادعي الدعوات اللي تناسبك .. لله معك ..

الله يسعدعمرك حبيبتي فرح


ويجعل كل أيامك فرح وسرور


كلامك حلو ودعاءك أحلى


الله يجزاك خيرويجعل الجنه مقرك ومستقرك يارب


تسلمي ياعمري

__________________

__________________

الله يسعدك يارب يا روعه

طيب انا خايفه انا ما بضرها أبدا ولا بعمل لها مشاكل ..

لكن اخاف منها ..


طيب ايش اعمل يا ناس والله رفضت صعب وقبلت صعب ؟؟؟!!!