السلام عليكم ورحمة الله
اخواتي وحشتوني ..اخواني كيف حالكم
مساكم ربي برضاه ..انا الحقيقة ماني عارفة ايش هي المشكلة وفي نفس الوقت ترددت قبل لا اكتب
بس احس اني ابغى اسولف معكم ..احساس غريب فيني بعد الحادثة الاخيرة
احساس يراودني بالالم والخوف اصبحت مشاعري مشتتة ولا اعلم ماذا يحصل لي بالضبط
طبعا انا الان بعيدة عن زورجي وفي بيت اهلي..لم اعد اهتم بكل من حولي اصبح الصمت رفيقي امام الناس
وكانه جاني ارهاب اجتماعي صرت اخاف اتكلم لا اعميها
امي تكلمني احيانا ارجع نص الكلمة من فمي الكل لاحظ تغير نفسيتي صرت استغرق ساعات في الصمت بدون ماكلم احد واحيانا لا ارد على الكثير ..حاولت اجلس مع نفسي ولكن بمجرد ماتذكر ماحصل احس اني ضايعة ولا اقدر اركز بشى ..صرت استغرق ساعات طويلة بالنوم حتى اصحى واحب ارجع اكمل نوم صرت احب الهروب بعد ماكنت احب المواجهة ..
اصبحت اخاف من اتصالات زوجي علي لحدوث اي مشكلة جديدة ..صرت اخاف ماذا سيحدث بكره
ماذا تنصحوني فيه هل اسافر الي مكان هادئ مع نفسي ام ماذا افعل
اليوم ماطلعت من غرفتي ابد اقوم لاصلي وارجع وومابي اشوف احد ..انا خايفة كثير
وحتى ماني عارفة احدد الشعور الي فيني هل خوف هل قلق هل مصدومة مدري وشفيني بالضبط.

__________________

بسم الله عليك.. أختي تعوذي من الشيطان.. واذكري الله..

لا يصير كل همك خلق ربك..

الزم ماعليك نفسك.. وخليك من وصخ الدنيا ومشاكلها..

وليش كل هالشعور والقلق والخوف؟؟؟؟؟؟

قال صلى الله عليه وسلم(من بات آمنا في سربه معافى في بدنه عنده قوت يومه فكأنما حيزت له الدنيا بحذافيرها)).


شنو أخاف من مشاكل جديدة,, يا أختي انتي ما سويتي شي غلط عشان تخافين منه!!!


لا تخلين الشيطان يدخل عليك من هذا المكان..

اقري البقرة وادعي ببركتها..

قال رسول الله صلى الله عليه وسلم : ( اقرؤا سورة البقرة فان أخذها بركة وتركها حسرة ولا تستطيعها البطلة )

وربي يفرج لك كربتك.. وينورلك دربك..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

تسلمين حبيبتي كلامك زي العسل فديتك
مدري والله ياحبيبتي بس حسيت باحساس لاول مرة احسه كنت اتكلم واحاول اطلع الي فيني
الحين كلش ساكتة وماصرت اكلم حتى اهلي
حتى تجيني اتصالات من اقاربي ماصرت ارد على احد صرت اخاف من الكلام
يارب تفرج كربي وكرب المسلمين والله يجزاك الجنة على دعائك لي

__________________

والله ماعندي اي كلام اقوله الاان الله يفرج عني وعنك كربات الدنيا والاخرة
وحاولي ماتقعدين بلحالك كثير اشغلي نفسك بما يفيدك واكثري من قراءةالقران وخاصة سورة البقرة

يكفي طلتك حبيبتي
ودعائك لي والله يفرج همك وهمي وهم المسلمين ويفتح لنا ابواب الخير

__________________

تعوذي بالله من ابليس
تراه ماييئس يظل وراء ابن ادم لينكد عليه عيشته
ويوهمه باشياء لاوجود لها
غاليتي
عيشي حياتك في مايرضي الله
وانبسطي
وردديها دائما
انا انسانه سعيده ومتفائله
وحاولي تخرجي من دائرة الصمت
يعني سولفي مع الوالده ((ياليتني قريبه من امي كان كل شوي وانا عندها اهذر))
دقي على زوجك قوليله كلام حلو
اعزمي صديقاتك واستانسوا
بلاش الهم والوسوسه
خليك متفائله

__________________
اللهم صلي على نبينا محمد وعلى اله وصحبه اجمعين

هلا حبيبتي كيف حالك..
نسيم مدري وش فيه بالضبط
بس ودي اكلم زوجي وكل شى واقول كلام حلو بس خايفة
ياحبيبتي من جد خايفة اليوم تكلمنا شوي على النت وبدينا ندخل بنقاشات الماضي ومسكت نفسي حتى كنت بطلع واخليه عشان ماتصير مشكلة
الله يخليك امك يارب ولايحرمك منها
انا ودي اكلم امي بس احس اني مكتومة ولا تبي اي كلمة تطلع مني

__________________

حبيبتي اللي فيك خوفك من الطلاق الاخير
صدقيني انتي خايفه من الطلاق نفسه مومن فراق زوجك وحبك له
تأكدي اذا ربي كتبلك الطلاق بتطلقين لوانخرستي موبس صمت -اسم الله عليك
ياأختي هذا الموت كل يوم ياخذ لنا احباب ازواج وعيال وابناء واصدقاء ومع اننا نموت فيهم ونحبهم ونحس ان الدنيا وقفت الا اننا نرجع لحياتنا ونضحك ونلبس ونتجمل وماشيه الحياة محد يموت من فراق احد ياأختي كانت الناس ماتت بعد الرسول الكريم وامنا عائشه عاشت بعد فراق الرسول مع حبها له
ووضعك هذا انتي حاطه نفسك فيه فهمه زوجك انه كل شي ولايطلقك فالرجال ماخذ راحته يجي بكيف ويروح بكيف بصراحه عيشتك مو عيشه انتي بديره وهو بديره لازم تطالبينه بالعدل طبعا بدون مشاكل انتي زوجته والاولى زوجته وبالدين مافي حقوق الزوجه الاولى واخرى للثانيه كلكم نفس الحقوق ولولاسمح الله توفى زوجك انتي وهي لكم من الورث حسب ماقسم الله
حبيبتي لازم تسكنين معاه تحت سقف واحد حتى تحصلين على معنى الزواج الحقيقي موقاعده عند اهلك بالشهور ومحطمه نفسك وهو حاكم عليك زواج مع وقف التنفيذ
ياعمري الحب موكل شي
اما حياة تسر الصديق واما ممات يغيظ العدو
خليه يسكنك انتي وزوجته الثانيه في بيت كبير كل وحده لها قسمها الخاص ويكون مجلس الرجال مشترك فاللي لها اليوم تقدر تخدمه وتخدم ضيوفه ويقدر يعدل بالمبيت واذا احتاجه بيته الثاني يلاقوه قريب عندك يقضي حاجتهم ويرجعلك والعكس مويتحج بقدوم الضيوف ويبات عندهم وبكذا تقدرين تختلطين بمجتمعه واهله وتحسي لك كيانك مثلها مو ماخدك كيف
ولو حصل وتطلقتي يمكن الله يرزقك بزوج غير معدد مافي على الله عسير
ربي يوفقك ويرزقك الذريه الصالحه

حبيبتي بنت اهلي وناسي يحعل ربي يخليك
هو يقول عنده بحث في الجامعة وقالي لا صرتي عندي مايكون عندي وقت اروح الجامعة وكل ماصارت هوشة يقولي اني اخرتيني عن البحث سنة
قلت له بخليك لبحثك ولمصالحك لين تخلصها لوقت معين بس اذا جيتك اعرف اني ادور عيشة مستقرة

__________________

اختي الفاضلة:
انتي تعتقدين حالياً زوجك مرتاح ؟؟؟

زوجك في نفس الوضع اللي انتي فيه حاليا !!

فتخيلي مايحصل بك يحصل لزوجك !!

نصيحتي لك ارجعي بيتك مالك الا زوجك وبيتك

وحاولي تغيرين الروتين الممل

وابدأي بحياة جديده ودائما اصفحي صفحة جديده حتى مهما كانت حجم المشكله !!


الله يسهل عليك ويمسح قلبك وقلبه