السلاااااااام عليكم

سؤالي للمتزوجاااااااات فقط

وش رايكم بالرجل البيتوتي .. يعني منهي منكم زوجها كل بالبيت وما يطلع يعني من العمل الى البيت والعكس .. ما يطلع مع اصحابه ولا يزور احد ولا يطلع معاها ..

انا بقول لكم راي .. انا زوجي بيتوتي ما يحب يطلع بس مرات يجيه عمل اضافي وارتاح شوي حتى شغل البيت ما اعرف اسويه اذا كان جالس بالبيت والطبخ يصير حوسه .. ما اعرف اسوي شي الا لين طلع من البيت .. وبالنسبة اذا طلعنا مع بعض ما يحب يطول ولا يسهر برى البيت وانا هالشي مو عاجبني لاني عكسه ..

__________________

	ادعوا لي ان الله يرزقني بالذرية الصالحة

اختي هلا

انا زوجي من تزوجته و هو بتوووووووووووووتي جدا من الشغل للبيت ومن البيت للشغل

لا وابشرك بعد الان له ثلاث سنوات متقااااااااااااعد

هو صحيح عنده شغله الخاص ...لكن ما يكون الا مساء

يعني طول النهار عندي بالبيت

صحيح..الرجل في البيت يعيق المراة

يعني ما تعرفين تاخذين راحتك في ماكلمة تليفون ...او مشاهده برنامج على كيفك ..او انك تعملين زيارة او احد يجي يزورك

لكن الشهادة لله ..زوجي مريح جدا ...ما يدخل في شغلي ابدا ..يعني ما يقول لي تركي شغلك وتعالي جلسي جنبي

اعطية الشاي والفواكة واروح اشوف شغلي ..واذا كان شغلي راح يطول ... اطل عليه كل ربع ساعة اقول له كلمتين او اجيب له كاسة عصير ...

يفضل انه يشغل نفسة بشي ...بجريده او كتاب او تلفزيون ..او اخليه يصلح شي خربان

ونااااااااااااااااااااادر ما يحب يطلعنا ..يقول وين اوديكم في هذه البلد اللي كل شي ممنوع

و تعودنا

يا ريت انا زوجي مثلك .. انا زوجي من النوع اللي يتدخل بكل شي ما يحب يجلس لوحده يجي يلاحقني وش سويتي وش ما سويتي .. كم مرة اهون ما اسوي شي بسببه لانه يطفشني !!!!!!!!!!!!!!!!!!!!

__________________

	ادعوا لي ان الله يرزقني بالذرية الصالحة

وعليكم السلام ورحمة الله وبركاته

أنا في بداية زواجي والحمدلله زوجي وسط

يعني مرات يكون بيتوتي .. وانتهز فرصة خروجه

عشان أقوم بأعمال المنزل

لكن عندما يبقى معي فالبيت مستحيل اسوي شي

إلا إذا كان نايم أو مشغول بشغل يخصه

لازم أضل جنبه

انا زوجي بيتوتي من وظيفته للبيت واصدقاءه قليل وعاجبني جدا وما ابيه يتغير

والله الرجل البيتوتي احس انه ملل يعني الزوجه تبي تشوف روحها شوي ومرات تبي تغير جو تطلع تشوف الناس والعالم

خير الامور الوسط

السلام عليكم
انا مشكلتي على العكس تماما زوجي كثير الانشغال لا يأتي للبيت الا قليل دائما عنده شغل وحتى لو قعد في البيت عنده دراسة بالمراسلة والحمد لله على كل شيء اول فترة زواج كا فيه مشاكل كثيره بيني وبينه بس بعدين عودت نفسي على غيابة الطويل لأن الزوجة تتعود على طبيعة زوجها وعلى هذا الاساس تنظم حياتها

__________________

"رب هب لي من لدنك ذرية طيبة انك سميع الدعاء"

أنا ماني متزوجه

بس بتلقف وأرد


علما بأني كنت متزوجه



بصراحه أنا ما أحب الرجل اللي جالس في البيت على طول


يعني 24ساعه

بس اذا فكرنا فيها يا الحريم

هذا افضل من اللي زوجها


راعي سهر واستراحات


أنا عارفه بتقولين ابي وسط بينهم


لكن ما فيه شي كامل يا اختي


وتعودي على كذا

__________________

الزوج البيتوتي مشكلة
والزوج الي راعي طلعات وسهرات وفلله بعد مشكلة

فـ خير الأمور الوسط .


يعني مرة في البيت , ومرة طالع طلعة خفيفة
ومرة طلعة عائلية ..

__________________

سبحان الله مافيه شي يرضينا

انا زوجي من قبل صلاة العشا الى الساعة 11 يطلع
يعني استحالة اطلب منه طلب هالوقت تصوري!!

ساعات اتضايق وساعات اقول لو يكون عندي ماقدر انظف البيت

بس انا موظفة يعني مانلحق نشوف بعض
ننام بعد الدوام وبعدها نتغدى الا نص ساعة ويمشي وماشوفه الا بالليل
تشوفيني هالوقت دايم عند اهلي

__________________
اللهم لك الحمد والشكر
"ولئن شكرتم لأزيدنكم"