السلام عليكم ورحمة الله وبركاته
مو عارفه كيف أبدا .....
هل أقبل بالزواج من أجنبي ميسور الحال متزوج وزوجته ليست معه بنفس البلد أم أتزوج من سعودي راتبه قليل جدآ وكان في السجن بتهمة سرقه وأصغر مني في العمر وأنا معلمة تعرضت لحادث ولدي اعاقه بسيطه أنا خائفه ومحتاره استخرت الله في السعودي ثم بعد السؤال عرفنا انه كان مسجون وأمي تقول اذا يصلي تزوجي السعودي واختي تقول غير جنسيتك يحترمك ويقدرك وما ادري اش تنصحوني وجزاكم الله خيرآ

رأيي بكل صراحة لا هذا ولاذاك


الأول اختلاف العادات غير وممكن اذا خلص شغله هنا يشيلك معاه ومااتوقع تقدري تعيشي في بلد غير بلدك ، ولو حصلت لك مشاكل معاه وقررتي الفراق ومعاك أطفال بيآخذهم ..

الثاني له سوابق وما تدري هل تاب من فعل السرقة ام مستمر ..
ممكن بكره يسرق صرافتك ..

ذكرتي إعاقتك اذا كان خوف انه محد بيتقدم لك لذلك تبغي تقرري بين الاثنين بقولك ربي كاتب رزقك وخلي املك بالله كبير ..

لكن ممكن تكتبي سلبيات الاثنين والايجابيات وقارني وان شاءالله تصلي لحل يقنعك ..

__________________

انا مع اختك
وانا لو كنت مكانك اخذت الاجنبي من غير تفكير
والحين راح تجيك ردود ان الاجنبي راح ياخذك لمصلحه مع انه حتى الاجنبيه ماتاخذ السعودي الا للمصلحه
انا بنظري انك محظوظه لان عندك مساحه حريه اختيار ماهي موجوده عند الكثيرات
وقبل كل شي لاتنسين تستخيري

__________________
المعرف لبنت

{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ*وَمَا كَانَ اللَّهُ مُعَذِّبَهُمْ وَهُمْ*يَسْتَغْفِرُونَ (33)} .*

لو انتي اختي راخ اوافق علي السعودي بشرط انه يصلي

عفى الله عما سلف يمكن تاب

واجتماعيا مقبول اكثر من الزواج من اجنبي

نصيحة اخ السعودي افضل لك ولاهلك

الليله افرشي سجادتك وصلــــي وأشكي للــه
وأبكي وطلعي اللي بصدررررك كللللللله وهالكلام اللي قلتيه قوليه بسجودك بضعفك بدمعك بحاجتككككك

والله أن ربي لن يخذلككك ، حنا بشر ماراح نعرف ايهم الاصلح لكك

أنت تحتاجين الله ومعونته و قدرته هو اللي يعلم ما لا نعلم ،

قد يصرفهمم الله جميعا ويرزقك بخيراا منهمم ،

لاتقولين أنا ......!؟
وخياراتي محددوة بالعككس !

الله يعطيك ، و عطاء الله مو زي عطاء البشر الله يعطيك فوق ماتتمنين و يعطيك فوق ماتحتاجين

أنت تتعاملين مع ملك ومالك الدنيا بيده ...

أتجهي لله وحده ..

يسر الله امرك وشرح صدرك ... صدقيني اللجوء لله سععاااااادة وراححة بغض النظر عن الالم اللي خلانا نلجأ لله ..

سوف اعطيك اختى الكريمة امور وقواعد وانتي ابحري وابحثي عن الافضل :
1. يقول الرسول صلى الله عليه وسلم من ترضون دينة وخلقه فزوجوه .. ولا فرق بين عربي او اعجمي الا بالتقوى .
2. ابحثي عن القوانين و الانظمة في السعودية عن الزواج الاجنبي .
3. اذا كان الاجنبي مولود هنا في السعودية .. اي ما يعرف بلدة ولا عمره راحها ومصالحة وشغله هنا .. فوفقك الله
اما اذا كان مقيم فأنصحك ان تبتعدي عن المشاكل وعن الاستغلال .. وان ترفضي فورا .. لان مجرد ما تنتهي اقامته او تنتهي مصالحة هنا بعطيك ورقتك او يجبرك تذهبي الى بلده فكل الامرين صعب .
4. السعودي ابحثي عن عائلته وعن اهله هل اخوانه بنفس الحال خريجي سجون و بيت خربان ..فانصحك بالأبتعاد عنه اأذا هو فقط .. أستخيري من هو اعلم منا جميعا .

والسارق ما يسرق الا للأسبب نفسية او مادية ..

اغلب الاخوة والاخوات يتسرعون في طرح أرائهم وأراء متسرعه ليس في محله فالاخوة جميعا تمهلوا بارائكم وضعوا انفسكم محل طارح المشكلة ..

اتمنى تعطينا التفاصيل اكثر عن الشخصين حتى نتمكن في مساندتك للأتخاذ القرار المناسب لك ..

سكر2
ضيقوصدري
بدوي حساس
صمت الكتابة
التاجر المهاجر
جزاكم الله خيرآ ,,,,,,,,,,
أستخرت الله ودعوت الله أن يكتب لي الخير ولكل مسلم ومسلمه
التفاصيل عن الشخصين ما اعرفها سأذكر ما اعرفه
الاجنبي هو مقيم في السعوديه له 7 سنين يعمل اعمال حره له عدة محلات وأكبر مني في العمر متدين( وهذه الله أعلم )
ومتزوج وزوجته في بلده أنا في البدايه رفضته ولم أستخير لاني أعلم انه سيذهب لبلده ونظرة المجتمع للأجنبي غير برغم انهم فيه منهم الدكتور والمهندس واللي يخاف الله ويكون أحسن من اهلي لكن انا رفضته لاني اعرف انه أعمامي وخوالي وأولادهم يرفضوو راح تكون فيه مشاكل لكن أختي تقنعني فيه انه ما راح يجرحك أو يعايرك لانه اكيد يكون تحت كفالتك وهذا الشئ مؤلم لي
السعودي أبوه مطلق أمه وأمه متزوجه من عمه ولهم خلافات مع أبناء عمومتهم وكمان يشرب دخان وصغير في العمر لكن علاقته بأمه كويسه انه بار فيها لانه كان يشتغل بمدينه أخرى وراتبها أفضل لكنه ترك الوظيفه عشان أمه وهو يعيش مع أمه اخواته واخوانه متزوجين وغير مستقر بوظيفه معينه الان على قول قريب له انه استقر وزوجة أبوه علاقتها بأمه ممتازه وهي التي تريدني انه ارتبط فيه ..........
وكلاهما مصلحه الاول يرديني للكفاله والثاني لاني معلمه وأنا اريد الاستقرار
وأسال الله العظيم أن يكتب لي ولكل مسلم ومسلمه الخير

اسأل الله ان يختار لك الزوج الصالح المصلح ..

رأئي المتواضع ان تستخير الله أولا ثم ان تتعمقي في سيرتهما و مدى استقامتهما و ان تفكري بكل تأني فلستي ملزومه بالرد مبكرا خذي وقتك الكافي في التفكيير .. ركزي في ايجابيات الشخص ...
ثم ركزي في سلبياته الشخص ... ان كان سلبياته تتقبليها وتعتبرينها لا تؤثر في حياتك ولا تؤدي الى مشاكل مستقبلا فحي هلا ..

اعطيك خيوط وتلميحات وانتي تأخذي قرارك بما يناسب مجتمعك وضعك المالي والصحي ..

لمحه من حفظ وادى حقوق من سكن برحم امه ، فسوف يحفظ فتاة تدخل قلبه ..

القرار قرارك ونحن نساعدك في اتخاذ قرارك .

آميين يارب ولكل المسلمين ......... جزاك الله خيرآ والله بأفكر مثل ما قلت وأمي الله يحفظها مستعجله تقول كم واحد واحد وتقولي لا وميين يقبل فيك واحمدي ربك ومن هالكلام وانا ابي واحد احس بالامان ومشكلة السرقه هذه ماني قادره أتقبلها واخوي بيسأل عنه ويقول لسه اصبروو لا تردوو وخالته تبغى الرد عاد اذا فيه خيير الله يكتبه واذا شر ربي يصرفه عني ويرزقه باللي تسعده .......... نسيت اقول تختلف لهجته عن لهجتي ومستواه التعليمي وبيئته كثيير نختلف

والله يا اختي اسخيري الله عزوجل فهو الميسر سبحانه