السلام عليكم ورحمة الله وبركاته


أسعد الله جميع أوقاتكم حبايبنا أعضاء المنتدى الراقي


راح ادخل في الموضوع على طول ..


طبعاً قربت الإجازه الصيفية والزواجات وصار لابد أن كل زوجه تنزل السوق وتبهذل زوجها وتمرمطه في الاسواق والفرفره بين المحلات ..


طبعاً صاير لي ثلاثة أسابيع تقريباً وانا وزوجتي في الاسواق وبهذله وتعب ورفعة ضغط وما نرجع الا وتعبانين وزود على المصاريف العشاء من برا << ما بنكسر صابر تهي تهي , المهم اننا تقريباً خلصنا امممممم ما بقى الا جزمه وكريم اساس ماكس فاكتور خخخخخخ << تهي تهي حفظت الاغراض من زود ما فريت معها يالله تصبرني



المهم وزبدة الموضوع ، جات اليوم وهي جالسه جنبي وطلعت جوالها وفتحت الصور وقالت شوف ، طبعاً كانت الصوره لقطعة قماش ، المهم انا اقول في بالي يا ربييييي انا وين شفت هالقطعه ، المهم قالت وش رايك فيها ، قلت انا يعني حليوه لا باس فيها ومو ذاك الزود ، قالت يعني ما اعجبتك ، قلت يعني حليوه بس ما هيب احلى من قطعة القماش اللي شريتيها هههههههههه


طبعاً هنا الكارثه ، على طول ابتسمت وقالت انت حرامي ( من باب مزح طبعاً ) قلت : ليه حرام عليك ، قالت : لانها هي القطعه اللي شريتها من محل القماش وانت في المحل تقول حلوه وتجنن وجلست تمدحها لين شريتها هههههههههههههه


قلت انا يؤ يؤ والله ما كأنها هي ، المهم جلسنا نضحك وانا قلت لها انها في الجوال تختلف ما كأنها هي وان قطعتها تهبل وهي فعلا القطعه حلوه مره وعاجبتني حيل ..



المهم ، حتى لو كنت اكذب في موقف مثل كذا ، هل يعتبر اسلوبي مو كويس؟ مع العلم اني ما اكذب ولا اعتبر هالامر كذب ، يعني مثلا لو لبست هي لبس مو يجنن مره ومدحته ، ما اعتقد انه يعتبر كذب ، او مثلاً لو طبخت وجبه ومو ذاك الزود فالواجب اني امدح شغلها مو اذمه ، لكن لو طبق الازواج هذه الطريقه فهل يعتبرون كذابين ؟؟



المهم هذا موقف خفيف وحبيت اناقشكم فيه ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

الله يهديها حركتها مره مو حلوه

__________________
[/IMG]

هلا بك أختي شرفتي الموضوع

مدري يمكن انك تنظرين لحركتها بالطريقه هذي ، لكن انا اشوف انه ومن باب الميانه انها قالتها مع ان الوضع بيني وبينها ميانه ووناسه ولله الحمد ولا يتعدى حدود الادب ..


شاكر ومقدر تواجدك في متصفحي

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

يعني مجاملة عادي
أحيانا الصراحة تجلط
خصوصا ان هالشيء مو لك ولا قدامك

شاكر مرورك وتشريفك الموضوع

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

هههه أخي الراسي والله موقف عايدي وأسلوب عايدي مافي شي بيضايق وبعدين أنت ماكذبت قلت أناالقماش حلو وبعدين شفته بالجوال وماعجبك شودريك أنه قماش زوجتك *ياحرامي *عم بمزح من باب الدعابه

أميره شاكر لك ردك وشاكر لك المزحه

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

موضوع خفيف

جات الاجازه وجات المصااريف

نتسوق قبل لانسافر واذا سافرنا نتسوق واذا رجعنا نتسوق

الله يعين ها الرجال علينا

__________________
لااله الا انت سبحانك اني كنت من الظالمين

والله يصبرنا يالرجال


عموماً اشكر لك تشريفك وردك واعترافك الرائع بمعاناتنا مع النصف الآخر :14:

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

ما أحب اسلوب المجاملاات أبد ..

إذا مو حلو قول عااااادي ,, لكن طبعاً بإسلوب مؤدب ..

لكن أبداً لا تكـــــــــــــــــذب وتقول حلوه وأنت تشوف العكس ..

" أكرررررررررره هذا الشيء جداً "