السلاااااااام عليكم اخواتي


السالفة
اني ساكنه مع اهل زوجي لكني طفشت وابي اطلع في بيت لكن ظروف زوجي الماديه ما تسمح
واانا صابره لكن ادعي كل يوم انه يفرج علي وعلى جميع المسلمات

تخيلوا
اول شي البيت فيه 3 اولاد كبار لازم جلال ومافيه راحه لا في اللبس ولا في خصوصيتنا
ثاني شي مكان غرفتي على صالتهم اللي يجلسون فيه وكل شي محسوب على لا ترفعين صوتك لا تمزحين لا ولا ولا
ثالث شي وضعهم في البيت مزعج مافيه احترام ودايم طقاق كل 25 من الشهر علشان الراتب طفشت من هالحاله
رابع شي خالتي الله يهديها لسانها طويل وعصبية وماعندها تفاهم ودايم هي الصح والناس غلط واحيانا تنطل حكي ودايم مكشره
وكل شي اسويه تنشره عند الناس وتتكلم علي من وراي واذا قلت لها تقول ماقلت هالحكي وتسوي مشكله علشان تعرف من وصل لي الحكي

وانا الشي اللي ما اسويه عندهم اني ما اطبخ وهذا الشي اللي قاهرها بس اذا قلت لها قالت كيفك
او احيانا اذا سويت شي تجي تقول خلاص خليه وتكمل هي الطبخ يعني ايش؟؟انا فهمت انها ماتبيني اطبخ لها احسن بعد اهم شي اسوي اللي يبيه زوجي هو اللي انا مسؤله عنه
كنت في رمضان لما اسوي شي ما ياكلونه وغير كذا اخوانه يتشرطون وش هذا موب زين ويفشلون الواحد ومايقدرون تعب الواحد صرت اسفههم ولا عاد اسوي شي الا اللي اشتهيه
حتى اذا جيت اسوي شي ما ارتاح لان المطبخ مو مطبخي احوس فيه ولو انكسر شي والله اني انتفض من الخوف
حشى والله ارهاب
وتخيلوا خالتي دايم تسب زوجي اللي هو ولدها عند الناس وتفشلني وغير كذا
واللي قاهرني زيادة انها كم مرة تقول اطلعوا من البيت الله يسهل عليكم خلونا نرتاح مادرت اني انا بعد ابي ارتاح واخذ راحتي في البيت
وغير كذا ما اخذ راحتي لا في اكل ولا شرب
ودايم شايله هم
والله اني استانس اذا جا عند زوجي استلام علشان اروح عند اهلي وارتاح؟؟

لا واخر شي كنت مسافره يوم طلعت من الاربعين ويوم وصلنااا ما احد فيهم قام يسلم
قلت عادي سلمت انا عليهم ولا قالت لي حتى الحمدلله على السلامه

بس انا كنت دايم احاول ارضيها واتعب نفسي وابديهم على اشغالي لكن يوم شفتها كذا والله الزم ماعلي زوجي وصرت ما اهتم في احد بس طفشت خلاص ما عاد اتحمل

بس ادعوا لي ان الله يفتحها بوجهي واتوظف ويرزقنا ربي ونطلع من هالبيت

<<<<<<<<<<<<<<<عارفه ان هذرتي كثيرة بس والله من اللي فيني
ما اقدر اتكلم لأحد الا لاهلي وانتوا

والله يغفر لي ولكم

((سبحانك اللهم وبحمدك اشهد ان لا اله الا انت استغفرك واتوب إليك))

__________________

الله يساعدك حبيبتي.... انا نفس ظروفك بس الحمدلله خالتي كثير كثير طيبة الله يرحمها توها توفت قبل شهر
ويوم توفت احس اني ضعت بس مشكلتي احسها اصعب من مشكلتك اني ساكنة في مدينة غير علشاني ادرس
وزوجي معاي وجا اخو زوجي يشتغل في مدينتنا وسكن معانا في الشقة والحين اخو الثاني جاي في الطريق
وانا ادرس وعندي ولد واطبخ وانظف وغير ملابسهم كلها علي احس اني بطفش.... والله تعب حاسة فيك
اكيد مو ماخذة راحتك لا في لبس ولا مكياج...ووو
طولت عليك بس ..ابي اواسيك اذا حسيتي ان مصيبة غيرك اكبر

مشكوره اختي احلى دلع

لاطولتي ولا شي حياك عيوني

والله يفرجها عليك ويعطيك على قد نيتك والله لا يضيع تعبك ويوفقك بدراستك ويسخر لك زوجك

والله يكتب لنا اللي فيه الخير والله يصبرني عليهم

__________________

والله اختي الله يعينك ....
بس ماقلتي وش قال زوجك وش موقفه من كل هالكلام؟؟؟
المشكله ان الايجارات اللحين نار ماراح تقدرون تعيشون عيشه زينه مع هالغلا ....
طيب مافي احد يساعدكم ماديا عشان تطلعون ... وان كان مافيه مالك الاتتحملي وتدعي ربك انه يفرجها من عنده.
وان شاء الله تتوظفي وتحطي ايدك بايد زوجك وتتساعدون.

مشكورة اختي والله يوفقك ويرزقك بالخير ويسخر لك زوجك ويريحك بالك

وبالنسبة لزوجي انا ما احب اشكي له من اهله علشان ما اسبب فجوة بينهم انا اتحمل علشان خاطره واحتسب الاجر لكن ما ابي اشتته وازيد همه هو وده يطلع من البيت اليوم قبل بكره
بس الله يرزقني بالوظيفه ويسهل لنا امورنا

__________________

حقيقة لا أجد من الكلمات ولا من الحلول ما أواسيكى به فأنا قد عشت تجربتك منذ سنوات طوال ولا زالت ذكرياتها المؤلمة تزعجنى حتى يومنا هذا ولكن ما عليكى الا الصبر والجد فى ايجاد عمل يوسع رزقكم ولو ممكن تلجأوا لأهلك ليساعدوكم فليس بعيب على ان تردوا لهم مساعدتهم بعدما يتوسع رزقكم
وطمنينا عنكى ربنا يزيل همك وغمك ويسعدك

__________________

http://www.66n.com/forums/showthread.php?t=194675

اختي الله يعافيك ردك على واساني وانا من زمان اواسي نفسي وادعي الله ليل نهار وان شاء الله اهلي راح يساعدوني ان شاء الله الين يخلص دينه وبعدين ندفع لهم اجار والله يخليهم لنا

والله يرزقك بالخير ويوفقك ويتقبل دعواتك

__________________

الله يساعدج حببتي نفس الحالة بس اني مو ام زوجي هي تكون طيبة اذا ماكانوا بناتها في البيت لما يجون الله تتغير 180درجة ومثل ما قلتي بعد غرفتي وياباب الصالة الله يعينا ان شاء الله وبصراحة مو ماخدة راحتى بالمرة لان بناتها سبب المشاكل ويغارون منى على كل شيء حتى لما احاول اتقرب لهم احس بالنفاق تارسهم

الله يكون في عوننا وان شاء الله يعرفون قدرنا

بس متى لما تجيهم اللي تطلع عيونهم

الله يفرج علي وعليك والله يشغلهم في انفسهم باللي فيه خير لهم ويخلون بنات الناس في حالهم

نورتي بردك عيوني

__________________

ربنا يفرجها عليكِ

اختي و ازاي تقعدي مع رجلين ليسوا محارمك في شقة ؟
أم تقصدين بيت عائلي و انت في مكان منفصل عنهم ؟
ان كنتِ تقصدين شقة عادية فيجب أن تخبري زوجك بإن هذا غير مقبول دينيا أو اجتماعيا و تحاولي تقنعيه
مليون مصيبة حصلت من ورى حكايات مقاربة لحكايتك , حبيبتي ما تسكتيش و تضيعي نفسك

__________________