زوجتي متينه وانا رجل رياضي واحب الرشاقه حاولت معاها تغير من وضعها وتدخل نادي صحي رفضت



وانا اجامل واحاول بس خلاص مليت وش الدبره رغم اني يوم تزوجتها كانت نحيله بس والله من الدبغ وكثر الاكل


تم تعديل العنوان //الاشراف

مرحبا ......

باين ثقتك في نفسك زايدة .......ومغرور حبتين .......

وزوجتك محصلة دلع .....تلاقيها 24 ساعة عند التلفزيون واكل شكولاتة ومكسرات

احرمها من اكل المطاعم اتركها تشتغل في البيت ....والله راح تكون زي عود الخيزران.....

تقبل مروري ......

__________________
حققت حلمي ...ولازلت انثى طموحه ....

وش احرم وش اخلي كلامك صحيح مستحيل تجلس جلسه الا وتاكل صحيح هي ونيسه ودمها خفيف لكن مو كفايه الرجل لازم يشوف شي يسره من زوجته وبعدين تزعل اذا رحت معاها السوق وجلست اطالع هنا وهناك في الرشيقات غصب عني

يكون في معلومك زوجتك تطالعك زي ماأنت تطالعها موشرط تكون متين بس أكيد فيك شيء مايعجبها....
وبعدين أنت قلتها يوم تزوجها كانت نحيفة يعني أنت السبب

__________________

حرم المعلم وش قصدك يعني ارضى واقبل بالوضع ذا طيب انا رجل وتعرفي قصدي صعب اقبل بكذا بعدين وش دخلني في زيادة وزنها هي تحب الاكل

بصراحة أسلوبك يقهر الا يبط الكبد
ليه تتكلم عن جسمها بها الطريقة والله لو تقرأ ذا الكلام اللي أنت كاتب عنها والا الوصف وما أتوقع أنها راح تعديها على خير

يعني هذي الزيادة بسببك يوم كانت في بيت أهلها كانت غير .. عاد أنت فكر هل نظام أكل.. النوم ..
كلمها أضغط عليها شوي بس موتتكلم عنها كذا ...

__________________

والله ما شفتي الي اشوفه كان رحمتيني بعدين انتي انثى مثلها لازم توقفي في صفها

بغض النظر أنا أنثى والا ذكر بس حط نفسك مكانها وتخيل أنها تكتب عبارة عنك في منتدى وتدور حل ....

عندي لك سؤال /// عندك عيال؟؟؟
يعني سبق وحملت زوجتك ؟؟
أو هل هي تتعالج؟؟

__________________

ما عندي عيال بسبب زياده الوزن ما حملت زوجتي لنا 7 سنوات زواج

شوف ياأمير نفسك زيادة الوزن أكيد بسبب أخذها للمنشطات لأن المنشطات سموم تدخل الجسم وماتنفع الا في شيء واحد اللي هو الحمل ومضارها كثيرة تكيسات زيادة وزن نفسيه زفت ....الخ

وأنا ماسألتك الا اني متوقعة أنها تأخذ دواء وصعب تنحف منه الا مع الوقت
أصبر عليها شوي .. وأقنعها بالنادي وخلها تسوي نظام غذائي مع طبيبه وأنت ساعدها ...

وكانكم تتابعون مع طبيبه خلها تقنعها أنها تنحف...

بس أبغى أنبهك : إذا تفكرون تسوون أطفال أنابيب ماتنفع الا اذا نحفت لانه مع زياده الوزن نسبه الفشل كبيرة جداً بس المستشفيات الاهليه مايهمها ولاتنبه المريض على هالنقطة

__________________