السلام عليكم
لقد مررت بالمنتدى من فتره سبحان الله طلع لي فجأة وعلى موضوع من موضوعات ساعدني...
لكن احببت أن اطرح موضوعي بهذا القسم لكي اجد أراء اكثر ومبكرا وكذلك اتمنى الحكمة والتأني في إعطاء الرأي

وإني احاول ان اعمل ب ما خاب من استشار ...
وقد اجد من مره بمثل مشكلتي لأني وجدتها حينما تصفحت بقسم ساعدني ... ويعطيني رأيه من خلال ما مر به وكذلك بالاصول والاصول..

اخواني القصة طويلة لكن حختصرها وحقول المشكلة القائمة حاليا.. فقط

بيتي مثل أي بيت لا يخلو من المشاكل والمنقصات والحساد من القريب والبعيد وخاصة القريب من جهة ارحام واخوات زوجتي للأسف...
وقدر الله والحمدلله أن حملت زوجتي واحاول كأي حمل سابق أن اقف معها رغم ما بيننا من مناوشات
ولكن كأول حملها حملت وتوحمت علي !!! وحاولت جاهد اصبر حتى لو ما ابين لها إني عارف إنك متوحمه علي...فاصبحت كعادتها تمد يدها طبعا بعد عصبية وصراخ منها ... واحاول ان اتغاضى ولا اواجهها بالمقابل ليس عدم قدرة او عدم سيطرة انما تقدير لحالتها ولا اريد أن اصعب الامور
فكان بمره أن حاولت بالاسلاك ترمي وكعادتها ان تقطع ملابسي ولكن هالمر امام الابناء والذين كنت اشاهدهم وانصحها ان تعقل لكي لا يحدث لهم شئ نفسيا وخوفا عليهم ..لكن ما كانت بوعييها ...فخبطتها على كتفها وبما ان المرأة حساسة هدأت قليلا وقامت تبكي ولميتها وخلتيها تبكي على راحتها اهم شئ انها هديت وما مديت يدي إلا لتهدى وتحس بالواقع اللي احنا فيه وقتها وان الابناء امامنا

وزوجتي من النوع اللي تطلب الطلاق كثيير يعني كل فتره طلقني حتى لو مو منقلبها بس هالشئ يأثر في انا كزوج واحاول ان ما اكرهها بسبب تصرفها لكن وصلت لمرحله خلاص مليت فعلا من هالواقع...

وبعد هالخبطة يعني رجعت الامور هاديه بيننا مع التحفظ وعدم النوم بقرب بعض.وعلاقة رسمية
وكنا مخططين من فترة اوديها لبيت اهلها زيارة واخذها بعد اسبوع او اسبوعين لكن للأسف لما وديتها واتيتها بعد يومين وانا احمل لها الهدايا لم تسلم علي واستقبلتني كالغريب بعبائتها ..وكذلك بعدها باسبوع
بعدين كبرو المشكله اهلها رغم علمهم انها متوحمه علي ...
فاصبح الاب ينادي بالطلاق وبنتي ما تبغاك ..
فقلت نصبر لين نشوف وش يصير لان البعض قال اصبر ممكن وحام لأن برضو دخلت منتديات وقلت ممكن وحام...بس اصبر واشوف
والان لنا ثلاثة شهور لم نرى بعضنا وكنا فقط على مراسلة بدون مكالمات ابدا
المهم انها اتغيرت الان وقالت إنها تبغى ترجع الحمدلله ...ورجعت لحالتها الطبيعية ...وطبعا سالتها مو تبغي الطلاق وتقولي ... قالت متى وماقلت !!...
قلت يلا نمشيها ونقدر الحالة ..

لكن الان بعد ما اتفقت معها كان عندها شرط ورافض انا هالشرط ..وقلت خلاص على خير اكلم الوالد ويصير خير متى ماقررنا نتفاهم نتفاهم
وهذا الصباح ...ويجي ابوها يتصل على الوالد حفظه الله بعد الافطار مباشرة والوالد رجل حكيم ومحترم ويحاول دائم يحل المواضيع بحكمه وصبر لكن ابوها ما صدق لقلى ابوي لين قام يخاصم ويتكلم ومحكمه ما محكمه ..
ولحد إنه يقول بنتي ماتبغاه تبغى الطلاق !!!
تخيلو الظالم !! اعوذبالله ونسى او لم يعلم بحديث رسول الله صلى الله عليه وسلم: من خبب امراة على زوجها ليس منا
وانا ماعندي مانع اطلبها من المحكمه ووقتها يصير اللي يصير لكن تقدير لها لم الجأ لهذي الخطوة لحد الان

المهم يا جماعه الان حتى هي تقول بس تجي انت وابوك عادي ونتفاهم احنا وطبعا شرطهم
ورقة اكتب اسم واوقع واقول اني ما اضربها مره ثانية ...
وطبعا هالورقة ينسونها ولا حوقع عليها

فما رأيكم ؟!
وانا بصراحه رافض أني اروح لهم لأن بكذا يبغى يطلعنا كمان احنا الغلطانين
وهي الله يهديها تبغى تبين لي فقط ان وراها اهل واني احسسها اني مهتم فيها وفعلا ابغاها وقلت لها ابغاك بس مو بهالطريقة ...
أبوها يكن لي الحقد والحسد والله ومن افعاله دائم ويحاول يصغرني دايم رغم إن اكثر واحد محترمه من ارحمه لكن لن يرى احترام بعد فعائله هذي ...لأن حتى حاول يعتدي علي هو وورعه اللي يصغري ب15 سنه امام بيتهم عندما اتيت باحد الابناء لأرجعه إليهم !
فحسبي الله عليهم وربي سلمهم وإن حاول مرت اخرى لن اتركه لأن المرة الاولى لأجل الخاطر اللي كان باقي لزوجتي ..
وانا لا اريد أظلم زوجتي بسبب فعائل ابوها خاصة واهلها وكذلك لا اريد أن اذهب إليهم ويكون شئ واتغير عليها بعدين وحكون جاااف معها..

اتمنى اجد المشورة والنصيحه والدعوة الطيبة على الاقل منكم ....وادعو إن الله يكفيني شر اهلها ويكفينا شر اخواتها لأنهم تقريبا 3 مرات حاول إنا نتطلق....حسبي الله ونعم الوكيل وكفاني الله شرهم

الله يوفقك اخي

انا ضد اي رجل يشكو من زوجته وسوء تصرفها معه

وضد اي رجل يذل نفسه ويصغرها من اجل امراه

احترمها واقدرها ولكن اذا لم تحشمني وترفع من قدري
عند اهلها وعند الناس الله يستر عليها وعلي

__________________

قد تـــعود المياه الى مــجاريها احياناً
ولكنها لاتعود صالحه للــشرب دائـمـاً

هل هي المرة الوحيدة اللي ضربتها أو بتعبيرك (خبطتها على كتفها)؟

ضع زوجتك يالصورة و اطلب منها تتفاهم مع ابوها

أشكر لكم الرد اخوني والتجاوب أم دانه ...لم اضربها قط او امد يدي عليها
ونما خلال سنوات زوجين ممكن 3 او 4 مرات كحد اعلى اللي رفعت يدي عليها وليس ضرب بل كله رد على ما تفعله ولأجل تصحو من غفلتها

زوجتي من النوع اللي تخاف اني اخرج وماتحب إني اخرج فجلوسي غالبا بالبيت وكذلك لم اخذ لها بيت لأجل يكون وقتي كله بره البيت ولا الاستراحات مليانه لكني لست من محبها انا من الدوام للبيت ومن المسجد للبيت مع المرور بالاهل لي طلعات لكن ليست كثيرة ...
وبالنسبة لي لست متسامحا مره بمعنى اني باوقات اقف لها وتعرف ان لها حد وارفض طلباتها ..خاصة اللي مالها داعي ..
لكن كل اللي كنت ومازلت اطلبه منها الاحترام الذي للأسف اهلها لم يعلموها قيمة الزوج ومعنى احترامه ..
رغم تشريفهم مرتين
والان يريدون أن يضعو الغلط علي ...
طبعا اليوم تطور وضعي ووضعها للأسوء واكيد بما انها ببيت اهلها بتعاند وتكابر وهذي اللي بيصير ..
احس بقلبها حقد وكره علي ..رغم تحاول تبين لي العكس لكن من اول ماتزعل تتكلم علي كلام اعوذبالله وكاني اشر الناس!!

المشكلة الان اولادنا كانو عندها شهرين وكانت تقول تعال خذهم بأي وقت ولما قلت لها خلاص باخذهم قالت لا كلم ابوي واستاذن منه !!!!!! والله تحاول تقهرني وتذلني قلت محكلمه وانتي المفروض ترجعي مو بعد استاذن منه عشان عيالي قالت ايه انهم ببيته ...وهم والله عيالي جوني مسكرين وحالتهم حاله حسبي الله عليهم..
المهم والله انقهرت منها بسبب هالفعل اشد من قهري عن اي شئ سوووته لأنها دخلت ابنائنا ...وتحاول تحرمني منهم
وتركتها وانا مقهور منها وعادت بعد يومين كالعادة تطلب فلوس ومصروف وانا مو مقصر معها رغم انها عند اهلها
قلت محرسل شئ لعيالي قالت اجل تعال خذهم واتيت واخذتهم
على اساس اردهم لها بعد اسبوع اسبوعين متى ما تطلبهم رغم يعز علي فراقي عيالي وبعدهم عني حسبي الله عليهم ..وعلى ابوها خاصة والله ادعي انه يتفرق عن عياله ويتشتتو ليذوق المراره اللي موحاس فيها لكن الله فوق وحسيبه ويبتليه بإذن الله قريب غير بعيد
هي كانت تبغاهم قبل يومين وقلتلها خلاص غدا فلما اتى الغد كنت اريد ان اذهب بهم إليها لكن لم ترد علي كانت تتاخر كثيرا علي بالرد ..
حتى قلت خلاص بعد الفجر بس انها ترد عشان اعرف انها تاخذهم لما ااتي
المهم اليوم نهرج عادي مع بعض بالرسائل طبعا كله ...وكلام حلو وفي نوع من الهدوء
ودار بيننا ها الحديث ..
هي : اليوم ان شاءالله تجيبهم
أنا : أخذهم متى ..؟ ( لأن بصراحه كنت ومازلت خايف انها تسوي فيها وتعاند لأن ابغاهم بالعيد ويروح معي بإجتماعي مع عائلتي واعمامي وابنائهم )
هي: جيبهم اليوم وماراح تاخذهم بعدين وتخليهم فتره بعيدين..
(بصراحه مررره انقهرت لان ما استغرب منهم انا قلت على الاقل تحس في لكن واضح ما حست تحسبني مثل ابوها قلبه حجر جعله ينكسر حسبي الله عليه.
أنا : إذا كذا واسلوبك هذا محجيبهم لأن فعلا ما اامن شركم وغبنكم. ( انا ماكنت ابي استخدم هالاسلوب لكن من اول شاكك فيها وانهم فعلا بس يبو العيال بعدين يقولو لي مراح نعطيك هم ..
هي : حرام عليك اتقي الله فيهم وفي حتى الدين اعطاني حق الحضانة
وانت لاجل ترجعني وتذلني تاخذهم خسارة اللي وثقت فيك وسلمتك العيال
أنا : هذا إذا صار طلاق والقاضي يقرر وهم مبسوطين عندي الحمدلله ومومقصر معهم
والدين ما قلك اعصي زوجك واسمعي كلام اهلك قال اسمعي كلام زوجك..

وصار بيننا كلام بعدين اني انا اللي ابي امنعهم عنها على حد زعمها ...وقلت ماحمنعهم عنك واجيبهم متى ماتبغي ...
لكن برضو تقول راح امنعك دام بتحرمني منهم ..
وتحسب علي والله فوق ونست اللي سوو في ويبغو يسووو اخذو زوجتي كمان يبغو عيالي وش ذنبي انا

وانا ما اضمن نيتها بصراحه مدام عند اهلها ...
وهي قفلت جوالها على الصباح ولحد الان ما فتحته ؟!! فشو تفسرو تصرفها هذا ...
وهي تروح وتجي مع اهلها ولأخواتها ولا كان وراها زوج !

وما هو الحل ...انا الان متردد اودي الابناء لها ..لأن حتى بالعيد ممكن ما اشوفهم ومافي انتظر لين يبدأ دوام المحاكم وارفع القضية لأن إن ما رجعت هذا اللي بسويها إن جات اهلا وسهلا وان مارضت ...الطلاق وتتحمل اللازم واللي عليها

والله الواحد حتى لوبيفكر بزوجه ثانيه ...يخاف ينصدم ...هذي حبيتها واعطيتها قلبي لكن خسارة !! وصل لحد كرهتها بسبب تصرفاتها ووقوفها مع اهلها المستمر رغم غلطهم واهلها حسبي الله عليهم اللي يحاولو يفرقونا دائم
وبعدين بسوء تصرفاتهم يحاولو يظلموني ويحطون الخطأ علي...هذا لأني اكرمتهم بالاحترام واكرمت بنتهم بكل شئ ...
وهي كله معانده يعني ان شوف وراي اهل وتحط لي الف حساب!!

علما إني والله ما كنت باقهرها من ناحيت الابناء... وكنت مجهزهم بس انتظر ردها لكن عندما بدأ حديثنا السابق كنت ابغى اعرف اسلوبها ودلعها معي لأجل أم لأجل الابناء..
لأن كل ما سالتها تحبيني تثقي في... انتي هالشئ عشاني ام عشان الابناء ما ترد... ترسل رمز ابتسامه وتكتفي بها رغم اقلها قولي ...لأجل كذا قلت استفزها شوي واشوف...
ولما جيت وابي اقلها اجيب لكم الابناء وحتى لو بتمنعيهم براحتك لكن لا تضحكي علي وتلعبي وتلفي وتدوري ..قيد قفلت الجوال ...
.ما ابغى اظلمها مثل ما تظلمني ..لكن الله فوق واعلم بما فالقلوب وإن كانت لي خير يسرها لي وإن لم تكن لي خير فسأل الله أن يصرفها ويخرجها من قلبي دون هم ولا حزن ولا ضيق وأن يبدلني بخير منها ومن اهلها
وحسبي الله ونعم الوكيل

ذكرها بمواقف أهلها السابقة ومحاولة تخريب بيتها

ذكرها أنه لو حصل الطلاق ؛ كل أهلها سيتركونها تعيش حياتها لوحدها وستندم حينها

وقوفهم الآن معها مؤقت وحين ينتهي كل شي سيعود كل منهم لحياته وروتينه من جديد

وتبقى هي تأكل في نفسها

-بما أن الأولاد عندك فقم بما يلي:
1) دللهم كثيراً.. واخرج معهم.. وقم بإضفاء جو المرح عليهم.. وشراء كسوة العيد لهم..
2) تريث في إرسالهم لأمهم هذين اليومين حتى ترى ما يستجد..

والدها هل يحب أبناءك ويفرح بالقيام على شؤنهم؟
إذا كان لا .. فاتركهم عنده ليظن أنك مرتاح وهو من
يخدمهم... وإن كان العكس فأطل فترة بقائهم عندك..
ولا تكثر من - المصاريف - سد احتياجهم فقط..

اخوي العقد الفريد الله يخليك ما اقدر لا تضحكني وانا ما اقدر اضحك من همي ..

والدها يكرههم ولا يقوم بهم ولا يصرف على ابنائي ...وكان كل مره يقلي تعال خذهم ماهمنا فيهم ومعاملت اخوانها الصغار لابنائي ...يضربوهم لأن الصغار يقولون لي فلان اعطاني كف او عصب ..
كذلك امها تستخدم العنف معهم ..
ابنائي ماشاءالله الله يحفظهم يحبو اللعبه والحركه وهم بيتهم ضيق وابوها متسلط ومن النوع اللي مايبي رجه حتى بناته بعيالهم يطردهم ...
وانا الحمدلله اخذلها شبه فله وبحوش كبير ماشاءالله تبارك الله ومكلف نفسي فوق طاقتي عشانهم ومشتري لهم اغلب الالعاب بالبيت .وقلت بس الله يفرجها خلال هالسنة ويخف وضعي اضبط لهم الحوش وكل شئ لكن ما ني قادر ارتاح معها بالبيت
وتبي مني سفرات اسفرها ..وقلت لها كيف اسفرك وانتي ماتريحني حتى رغبتي ماتلبيها

وابوها ازيدك من الشعر بيت لا ولن يهتم بهم .. فهو تارك احد ابنائه من زوجه ثانية سابقه له مع امه ولا يسأل فيه ولا يراه بالسنه إلا مره او مرتين بالعيد ..وإن اتى الابن للمنزل بس اعطاه مبلغ بسيط بسيط جدا ويمكن ما يقابله مايبغاه ..
فكيف تريدني أن اامن من هكذا اب على ابنائي ...

جزيتم خيرا اختي سماء واخي البليغ
اختي هي مقتنعه وعارفه لكن تبي توريني العكس إن اهلها معاهم حق وهي معها حق ..هم حقدين علي ...إني ما ابغى اقول السبب لكن خذوه ...اختها كانت تدق علي وتقولي طلق اختي ...وتزوجني والله إن هالاخت من يم دخلت بيتنا زيارة وانا حسيت بغصة وبعد حسيت بشئ بيني وبين زوجتي وكانه في شئ يمنعنا من بعض ...
وطبعا في اشياء كثيرة وحاولت استر ..ولمحت لزوجتي ولامها لكن زوجتي ما عندها قناعة كانت وتبي تطلعني انا الغلطان دائم رغم معرفتها لاختها ..وبعدين لأني كنت ارفض جميع طلبات هالاخت الله ياخذها ويكفينا شرها راحت سوت مشكلة بالاتفاق مع واحد من قرايبها على انه يكون بيني وبينها شئ .وعرف الكل وانا ارتحت لأن كل شئ انكشف لكن مع ذلك كنت غبي وحاولت استر عليها ولم اخبرهم بمحاولاتها
وتخيلو بهالمشكله وزوجتي عندي وكنت احاول اصالح زوجتي هي تدق علي من جولات اهلها ولسه تقول طلقها...
المهم تركتها ولا لبيتلها شئ وكل مره تطلع لنا مشكله ...تزوجت طلعت مشكله مع زوجها علي ..ولدت نفس الشئ يطلعو إني انا اتصل عليها واراسل لها وانا والله مالي فيها كل اللي كان زمان بيني وبينها إن شفت بلاويها بجهازي اللي اخذته مني ...
كلام وحده صايعه وتبغى تقابل واحد وبلاوي ..فبس نصحتها وعلمت اختها وامها لكن !!

فهم يبون يقنعون نفسهم إني انا الغلطان وبنتهم مرره برئيه رغم اكتشفوها كثير ويعرفونها اهلها
ولم استر إلا لأجل العوض من ربي لا احد من البشر والسالفة مضت عليها سنوات لكن ابوها يحاول دايم باي مشكله يرجع السالفة وانا لو صار واتكلم حرد عليه بكل شئ ...وباشياء لم اذكرها هنا ...وخله يصدق او مايصدق بكيفه ..

واتخيلوو الحقيرة يم زوجتي عندهم كانت تقلها وتقول لاخواتها إن من تعرفت على بنات من منطقة... واني اروح واجي معهم حسبي الله ...

فيا اختي سماء ...اهلها الان معطينها الامان ويبنون لها كم غرفة يعني ابوها مكبر راسها ...وممكن ينتظرونها تتوظف ولاجل يتقاسمو مال وظيفتها

انا ماعاد صار يهمني هي كثر مايهمني عيالي الان ياناس ...

اخي البليغ بارك الله فيك ..
سأعمل بنصيحتك ..وسأحاول ابسط ابنائي رغم إنهم اكيد يحنو لأمهم ويريدونها لكن ماباليد حيله

وإن استجد شئ سأخبركم وعسى الله ييسر الامور ويكتب مافيه الخير ..

ودعواتكم ياجماعة المواضيع معقدة فوالله إني احببت زوجتي ولم ارد بيوم أن اظلمها او اتكلم عليها لكن اهلها حسدونا بكل شئ
حتى اخواتها ...لدرجة مثل ماقلت لكم اخت تقول طلق اختي وكانت تتكلم وماتبي تبين لي قهرها على اختها بس مره من قهرهاارسلت حتى اهلي كانو يفضلونها علي وابوي يعتبرها ...\فعلمت فعلا انها تريد خراب بيتي فالتجات لربي والحمدلله تيسرت الامور ...رغم أني طلبت العون من زوجتي على اختها لكن كانت تدير لي ظهرها على السرير وتقول لا اريد أن اعلم شئ فحاولت وكررت المحاولات مع زوجتي وهي تصدني ...لحد قلت خلاص ححل الموضوع لحالي ...واللي كاتبه ربي ييسرها ..لين صار ماصار ..

وطبعا من عيوب زوجتي ...العصبية عدم التفاهم ...عدم التقدير والاحترام... العناااد الزائد ومنه العصيان والهجران على السرير تصل للأسابيع وحتى شهر واكثر ...
وانا اعرف إن في اشياء منها وفي اشياء ممكن من نفسها واشياء غصب عنا بسبب الحسد وممكن حتى عمل
ولم ارد الفراق بيننا لأجل الابناء لكن هي مازالت تختار هذا الطريق وتمشي مع طريق اهلها...
وترديني بعد الرجوع أن اكون الانسان السابق الطيب الملبي لكل الطلبات المساعد ..

دعواتكم لي حتى لو ارادة الطلاق أن يحكم لي بالابناء ..يااارب..حسبي انت على كل ظالم