السلام عليكم ورحمة الله









تحيه طيبه وبعد







الموضوع واضح من العنوان


ماذا انجزتم من امنيات مع شريك الحياه؟





اتمنى يكون الموضوع لطيف وخفيف عليكم



لأن صارت لي سالفه قبل يومين







رحنا مجمع نتمشى ... دخل زوجي مكتب الاتصالات عنده شغله .. وفي هذه الأثناء وللإبتعاد عن الرجال بقدر الإمكان ...دخلت مكتبة جرير ... واشتريت علبة الوان باستيل للمحترفين تجي 3 ادوار

ب 400 وشوي بعد التخفيض

حاسبت وخليتها بالكيس ودخلنا مقهى وانبسطنا وطلعنا



لما رحت البيت .. طلعت العلبه و جبت اللوحه اللي هي مشروعي مترين في مترين



وصلحت الجلسه وبدأت الون بكامل تركيزي


دخل زوجي وانصدم



اول مره يشوف اللوحه .. لأنها كانت ملفوفه على جنب في المخزن


وانصدم لما شاف العلبه



قال وين رايحه ؟ خلاص قررتي تقلعين ! ..( كنايه عن الجنون )


ضحكت قلت اشفيك؟



قال هالصندوق هذا من وين ؟ ومتى؟ وشلون ؟ وش له؟ تعرفين لها ؟


سرعة الأسئله 100 كيلو في الساعه


قلت اشفيك ياقلبي ... هذي الوان ... عاديه .. الون .. ماتعرفني !!!! اللوحه جبتها من بيت اهلي حقت امي ماتبيها شفتها قلت اخذها اسويها...

قال مو مبالغه في العلبه ؟


قلت له يا حياتي انت هذي امنيتي من عرفت نفسي اني اقتني هالعلبه ...ولو فيه اكبر كان اخذت



طالعني ... قال يعني انا حققت امنيتك !
وش بعد حقققت لك؟( عجبه الموضوع )


قلت له كانت امنيتي اتزوج او اجيب ولد واسميه بإسمك ( الى الآن مو راضي يصدق هالنقطه )

وتحققت لي وجيت انت بهذا الإسم

كنت اتمنى تبطل افكار سودا والحمد لله بطلت

بيتي كنت اتمناه بهذا الشكل والحمد لله جا

سيارتنا ( كان نفسي في هالنوعيه واللون ... ولما جا وقت تغيير السياره قال زي ماتبييييييييين فديته )

ماكنت اتمنى عيال كثير .. والحمد لله ماجانا الا ولد ..و انت مو حريص على هالنقطه مع اني اتعالج

اكمل دراستي وحققت لي هالأمنيه

لاب توب خاص لي

سفريه محترمه على دبي وحققتها لي ..

كم مره اتمنى اروح السينما وتوديني ولو مالك خاطر ( يعترف عند باب المجمع ان ماله خلق بس عشاني فديته )

خليتني اطلع حرتي في اقتناء نوع معين من الإكسسوارات ... ( كله برضاه )

قال بس بس خلااااااااااااااااص


شوي واموت من الغرور .. بتخربيني كذا


قلت وانا صادقه ... يطلع لك حبيبي



ها وش حقق لكم النصف الآخر .. او انتو وش حققتوا له؟

__________________
[/IMG]

حققت لي ما كنت استبعد الحصول عليه من اي انثى

وهو الحــب

أختي المميزة مشكلتي أصدق
حقيقة أستمتعت بحوارك مع زوجك
والأجمل من ذالك هو إخراجك لكلمات الحب في ثنايا حديثك
رائع أن تخرج المرأة كلمات الحب بسهوله وبدون تكلف


أما عن الأمنية
فأنا كان أمنيتي أن أوفق بزوجة طيبة تحب الناس وتحب تكرمهم في بيتها بكل شوق ومودة
تحب أهلي مثل حبها لأهلها أو أشد
لاتحقد ولاتزعل
وإن زعلت تنسى أنها زعلت (قمة الطيبة)
وبفضل الله أجد كل هذه المواصفات في زوجتي حفظها الله ورعاها

أما عن تحقيقي لها فلا أريد أن أمدح نفسي

ولك الشكر على هذا الطرح الجميل

__________________

بعد عمري عمــره
اكتفي بهذا القدر !!

__________________
اللهم احفظ لي زوجي وسخره لي واحفظ لي اولادي

اجمل امنيه حققها لي انني اصبحت ام ههههههه

استقلاليتنا وخصوصيتنا في بيت لحالنا اجمل هديه منه

اما انا حققت له اماني لاتعد ولاتحصى اخرها من شهر شرائه سيارهـ كان يحلم فيها

وارض حتى نبني فيها بيت العمر عارفه راح تقولون كيف حققت له امنيته

بوقوفي معه وتحملي لديونه الله يوفقه......

__________________
حققت حلمي ...ولازلت انثى طموحه ....

ماشاء الله لاقوة إلا بالله ..

ربي يهنيكم أجمعين ,,

أتمنى أن يأتي اليوم الذي أخبركم فيه بما حققه لي شريك حياتي ..

وأرجوا أن يكون في القريب العاجل ,,

دعواتكم لأختكم بالتوفيق ولجميع بنيات المسلمين ..

وأن يرزقنا الله أزواج صالحين كما نتمنى ,,

أختكم / مشكلة والله !



!

__________________

كنت داخله اكتب نفس ردك

الله يوفقكم جميعا يارب مع زواجتكم وازواجكم وعقبال مانشرف عندكم في القسم:14:

__________________
ياررب ارح قلبي وعوضني خير

موضوعك اكثر من رائع تسلمي يارب وتفرحينا بمواضيع تفتح النفس دايما
انا زوجي حبيبي حقق لي اهم ماكنت اتمناه هو الاستقرار والحنان والحب والتقدير والتسامح والتهاون والحياة الزوجية الناجحة
اما انا ولله الحمد بشهادة منه موناقصه شيئ ومبسوط معايا والحمد لله طبعا انا سالته قبل ماينام انا ايش حققت لك من يوم ماتزوجنا قال معطياني الحب والاستقرار والله رزقني منك باحلى بنت وولد ومو نكدية هذا اللي كنت بتمناه دايما وقلبك ابيض وخلاص صراحة كان نفسي يسترسل بس قاللي خلاص نعسان بس اللي قاله كفاية ربي مايحرمني منه ويرزق البنات ازواج اولاد حلال يارب

مشكلتي اصدق

ربي يسعدك يارب

امنياتك واحلامك بسيطة وحلوة هذا يعبر قد ايه انتي ما تتمني من هالدنيا شي كبير ولا فوق القدرة العادية عشان كده ربنا يعطيك لان اللي الدنيا ماهي بباله تجي تركض لعنده

ربي يسعدكم ويوفقكم

واتمنى زي مشكلة والله وبنت مكة ان يرزقني الله بانسان رائع نجد كل ماحلمنا به وتمنيناه في بعض اي يكمل كل واحد فينا التاني ويلاقي فيه كل احلامه وامنياته اللي كان يتمناها في شريك حياته يارب