انا متابعة دائمة لمواضيع المتدى الرائع انا متزوجة من 5سنوات عندي بنتين والحمد لله مشكلتي مع زوجي انا طبعا بحبه بشكل كتير اكتشفت خيانته اكتر من مرة ومع ذلك كنت اتغاضى مشان بيتي وبناتي كنت اناقشه كان نفسي اعرف بشو انا مقصرة معه لكنه حكالي اني مو مقصرة معه بشي وهدا الي كنت استغرب منه وفي مرتين لما كنت اكتشفه طلب مني الانفصال لكني رفضت مشان بناتي ولاني بحبه وكنت احاول اغير في نفسي مشان احس داخليا بأني فعليا مو مقصرة هو حاليا منتسب لجمعية خيرية المشكلة انه هالجمعية مختلطة بنات وشباب وهو في مرة بعت لوحدة من المشرفات الي معه بالجمعية انه بحبها وانا بالصدفة قرأت المسج وحكيت معه وحكالي انها غلطة لكن انا ضليت مو مرتاحة وحكيت مع البنت وحاولت تبينلي انه ما في اي اشي طبعا هالجمعية الي هو منتسب الها هو بيحكيلي انه بيخسر اهله ومابيخسرها معطيها كل وقته حتى انا وبناتي ما النا نصيب بوقته متل هالجمعية تقريبا ما بنشوفه بيوصلني عالدوام وبيروح عالجمعية واحيانا بيجي ياخدني وبيرجع عليها وبيضل لوقت متأخر قبل كم يوم طلع رحلة لمدة 3ايام وكانت مع البنات وكان فيها كم شب حكالي اني اخد اجازة واجي معهم ولما وافقت حكالي انه كان بده يشوف ردة فعلي وانه ممنوع يروح حدا من برة الجمعية طبعا لما شفت الصور لقيت كل واحد من الشباب المتزوجين ماخد زوجته معه وهو معظم صوره كانت البنت معه حتى وهو هناك خلال ال3ايام ما حكى معي الا مكالمة وحدة ورن من رقم مو رقمه ما بعرف حاسة حالي مخنوقة حاولت احكي معه بطريقة لطيفة لكن هو بينرفز كل ما احكي كلمة حتى لو بطريقة المزح الموضوع ملخبط يمكن لانه انا داخليا ملخبطة ومخنوقة تعبت من كل شي حاولت بكل الطرق الي في الدنيا معاه حكيت بكل الوسائل والاساليب الزعل والحب والمزح والبكاء لكن بدون اي نتيجة الا زيادة تعب الي وصلت اني لقيت تذكير في موبايله لعيد ميلاد البنت وسألته بطريقة غير مباشرة بدون ما احسسه بشي انه لو واحد عمل تذكير لعيد ميلاد وحدة بيشتغل معها بيكون في اشي حكالي بدون تفكير اكيد بيكون في اشي سكتت وما ناقشت ولما عرف انا عن شو كنت بحكي حاول يغير الموضوع وحكتله انا ما كنت ناوية افتح اي موضوع لاني اخدت الجواب وانتهى انا ضايعة بعمل المستحيل مشان بيتي وبناتي لكن داخليا انا تعبانة كتير وحاسة انه هالدنيا عم تصغر في عيني شو اعمل ياريت تساعدوني

__________________

شكرا جزيلا لردك الرائع اختي طبعا انا موظفة وقتي معظمه في شغلي لكن مع ذلك مستحيل اهمل بيتي وبناتي وانا شخصيتي تعتبر قوية لكن الي بيكسرني نوعا ما هو اني مالي حدا غير رب العالمين وامي يعني مقطوعة من شجرة مشان هيك دائما بساير الامور شكرا كتير الك

عُذراً أختي ,, زوجك يحتاج ,, ردّة فعل قويّة منك ,, لكي يراك ,, ويرجع إليك ,,

وإلا فانتظري خبر ,, زواجه قريبا إن لم تستمر خياناته ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

يمكن تضحكي علي لو احكيلك اني كتير بتوقع متل هالشي انه يتزوج او حتى يكون متزوج وانا حاولت كتير بأكتر من طريقة لكن لا حياة لمن تنادي شكرا لاهتمامك

ولم لا تشتركي بجمعيتهم ؟ أطلبي من والدتك المساعدة بأمور البنات لمدة من الوقت واذهبي وتعرفي على طبيعة الوضع ...كوني شوكة في خاصرتها ودافعي عن زواجك لكن بحكمة وهدووووووء .

لست بصالح المواجهة الا في ظروف معينة وبعد أن تشتغلي على نفسك أولا ... لكن وان صدف أن صارت المواجهة فكوني قوية كما قالت الاخت في رجا الله ... لا تظهري ألمك بل أظهري خطأه كوني واثقة من نفسك ...
تقولين انه ليس لديك أحد الا أمك وهو يشعر بضعفك هذا ...لا ... وضحي له أنك أنت سند نفسك ولا تحتاجي أحدا اذا جد الجد .

ما هي مواطن ضعفه أو سبل التأثير عليه ؟؟؟ كيف يفكر ... دين ؟؟...منطق ؟؟ ... حقوق انسان وعدالة ؟؟
اعرفي ما السبيل للتأثير على أفكاره واستعمليها

كيف شعوره تجاه البنات ؟؟

اشتغلي على نفسك .. كيف كنت حينما خطبك وأحبك ؟؟ ما الذي تغير فيكي ؟؟
إسألي عنها وحاولي أن تعرفي ما يعجبه فيها ...أنا متيقنه بأنك تعلمين ما يجذبه لها وتعلمين ما يفتن زوجك في المرأة ... المسألة ليست سهلة وتحتاج تعب منك ... حاولي تكسبيه ... بيوم عزومة منك للعشاء.. بيوم جلسة رومانسية ...بيوم طلعة مع البنات وذكريه بطريقة غير مباشرة بمحبة بناته له وحاجتهم له ..

وبالنهاية ..أول عن اخر ..هو كله على بعضه رجل لا أكثر هو جزء من الحياة وليس الحياة بذاتها ..
نعم أنا معك بأن تحاولي أن تكسبيه مرة أخرى وأن تحاولي أن تحتفظي به لنفسك لكن لا تجعليه أقصى اهتماماتك ... ما من رجل يستحق أن تبذلي كل حياتك له وأن تذوبي بشخصه إلا إذا هو بذل حياته لكم .

__________________

عزيزتي حاولت الاشتراك معه في الجمعية لكنه رفض بحجة انه ما في وقت والبنات وين بدي اروح فيهم زائد انه والدتي ساكنة في منطقة بعيدة عني يعني صعب تساعدني في بناتي هي البنت متحررة زيادة عن اللزوم وحلوة كتير انا شفتها وقعدت معها انابالشكل مو كتير حلوة والبنت جميلة جدا فممكن يكون هدا الي شده لكن انا بحاول قدر الامكان اني اهتم في نفسي بحاول دائما اذكره في بناته وانه الانسان لازم يتذكر انه عنده بنات واخوات وممكن ينرد غلطه عليه بأي طريقة لكن انا بحكي معه بطريقة غير مباشرة شكرا كتير لمشاركتك

الجمال يشد الرجل مؤقتا ...انتي زوجته ..وانتي أم بناته ... كويس تهتمي بنفسك أكثر لكن ما يهمك انها أجمل منك ... هي جميلة لكن تذكري وذكريه دائما بطريقة غير مباشرة انه أدبها على قدها ,, وانها معروضه بضاعة للجميع بلبسها وبتحررها بالتعامل ... وانها ممكن تكون بتغزل على غيره مثل ما بتغزل عليه ...خلي الشك يدخل قلبه ..
لكن لا تهاجميها بخصوص أي أمر ثاني مثل كفاءتها مثلا ..لا تخليه يشعر بعدائك تجاهها .


لا تنسي الدعاء ... صدقيني وعن تجربة .. الدعاء بحرقة وبقلب فيها فرج كبير ..
عند خروجه من البيت اقرئي عليه " وجعلنا من بين ايديهم سدا ومن خلفهم سدا فأغشيناهم فهم لا يبصرون"
وادعي ربنا يبعدها عنكم ويفرق بين قلبه وقلبها ويجعله قرة عين لك ويحببه فيكي ويجعل عيوبك بنظره صغيره وحسناتك كبيرة . تصدقي بنية الوفاق بينكم .

حاولي تشبعيه عواطف كأنكم مراهقين ... مسجات غرام ... رسائل قصيرة مكتوبة على ورقة صغيرة وتضعيها بجيبه ...
وكوني جريئة بفراشه ....

ربي يفرجها عليكي ويوفقك بينكم

__________________

الحمد لله حبيبتي انا ما في طبع التقليد للغير لانه فرق شاسع بين حياتها وحياتي وطريقتها وطيقتي لكن انا بحاول كتير اغير من نفسي بطريقتي الخاصة وكل الي بتحكي انا بعمله واكتر من مسجات وحركات الله يهديه ويهدي الجميع بشكرك كتير على اهتمامك الرائع

حبيبتي باختصار الحكي
سكوتك وخضوعك له هو السبب
يعني سامحتيه على اول خيانة وعاشر خيانة
على مسجات وش بقى؟
هو تعود انه يخون بسماحتك له
يانك بتتغيرين وتصيرين صارمة معه وحتى لو وصلت للطلاق شنو بتقعدين حياتك كلها مع خاين؟
لازم تكون عندك ردة فعل قوية
وهذا لا يعني اني اخرب بيتك
بس ابي تكون عندك شخصية قدام زوجك
لانه تعود انك تسامحيه على كل شى
استغرب من تقولين قالك ننفصل وقلتي له لا
يعني هو مايبغاك وانتي جالسة معه غصب عنه ولا كيف
عزي نفسك ياختي ترى الدنيا ماتسوى احد يخليها تتوطى ببطنه

__________________