موضوعي يا إخوان بإختصار ، أنا زوجتي تحبني وأجدها بالفعل تحترمني وتحاول قدر المستطاع ماتسئ لي ، راح تقولون بعد شوية إش هذا التناقض ، كيف تحبك و ...!!! ...

زوجتي لما تعصب تنسى نفسها . ونا بصراحه مكبّر عقلي وأحاول كثير إني أطنّش ! الموضوع : إذا عصبت أسمعها وهي ماشية يعني ماتقولها بجرأة ووجه لوجه ودليل على عدم قدرتها على كذا !!

المهم إش تقول .. مثلاً وهي ماشية ومعصبة علي : الله يشيلك إن شاء الله - الله ياخذك - حقير - عمى في شكلك - الحياة معك تقرف. بس بس بس راح تقولوا الله كل ذا وتقول انها تحترمك وتحبك !!

صدقوني انها تحبني بشدّة وتقول كذا لأنها تفقد أعصابها . ونا أسوي نفسي ماسمعت عشان أحفظ كرامتي وشخصيتي . الرجل لازم يقدم تنازلات ويكبّر عقله شويتين - بس مرات أزعل ويطفح الكيل ولما تجي تصالحني وترتمي بحضني وهي تبكي من غلطها وأقولها ترى أنا مو ضعيف لأني أطنش ولا إني مهزوز الشخصية لا بس لأني صاحب شخصية متفهمة وعندي حكمة في أمور كثيرة أسكت وأسوي نفسي ما سمعت ويمكن تتعدلين .

بصراحة هي تقول أنت تستفزني وما تتفاهم ! بالفعل أنا في أمور ماعندي فيها رمادي يا أبيض يا أسود وفهتمها هذا الشئ وكررت عليها اش هي الأشياء هذي ولا عاد تعيدينها وتزيدينها معي . وتقول أبشر . ولكن ترجع مع مرور الوقت وتزيد وتعيد .

ويا إني سمعت كلام أمس .. ول ول ول بس سويت نفسي ماسمعت برظة ونايم . لكن مسكت في راسي وطفشت بصراحة ، أنا رجل أحب أعيش في هدوء وما أحب الحرمة تعاند وتصارخ . ولو ما أعرف طيبتها ونها تعاني من العصبية كان بالفعل ضربتها .. لكن مو حل للمشكلة ..

بصراحة صرنا كثير كثير ايام من الشهر متخاصمين ،، يعني كل اسبوع ناخذ لنا يومين ، وتركها لين ترجع وتبكي وسط حضني تطلب العفو . بس أنا ملليت وقلتلها ترى أنا أحب الهدوء فخفي علي الله يرضى عليكي . تقول انت خلليك متفاهم معي انت اللي تستفزني وماتعيريني اهتمام ،، ليش انته من دون الرجال شوف فلانه وفلانه ليش انا تمنعني بس عن هالشئ ولا ترضاه شوفهم كيف مع زوجاتهم ليش تخليني أظهر اني ضعيفة ومتحكم فيه .

قلتلها انا رجل وشخصيتي مستقلة عن غيري . يعني مو مثل فلان وعلان لازم أنا أكون ، أنا لي مبادئ خاصة وقوانين معينة أسير عليها في حياتي الزوجية .

قتلها أمس والله ترى أبدور الراحة مع غيرك وبتزوج ، ونتي الظاهر ما بتتعدلين . وحنا صار لنا قرابة 5 سنين متزوجين لكن مافي فايدة والي مأخرني من أول إنها بالفعل ضعيفة وتموت فيني لكن عصبية وألفاظها بصراحة تجرحني لكن أسوي نفسي

لا تقولون إنته ضعيف الشخصية تراني كنت ألعب حديد

لكن بالفعل بديت أفكر جدياً بالزواج من أخرى وهل تعتبرونه حل ؟ وهل معي حق لمثل هذا السبب أني أتزوج ؟

والله ودّي أرتاح ،، ملليت من الخصام والزعل وطولة الصوت ، بس تدروا ممكن أنا عودتها وكانت نظرتي التحليلية خاطئة لما قلت عصبية ،، ونا كذا تركتها تتمادى، بس فهتمها لكن مافي فايدة

سلام عليكم ..

لا ياخي ليش تتزوج بوحده ثانيه

شدعوه؟؟

ترى زوجتك لسانها متبري منها بس اكيد انها تحبك

انا مثلها احيانا اقط كلمات على زوجي ورب الكعبه ماقصدها بس بعدين اروح اتأسف منه ومثل ماتسوي زوجتك ابكي وارمي نفسي في حضنه واسمعه من الكلام السنع

لاني عصبيييه حدي
الظاهر ان زوجتك مثلي

مب معقوله يكون هذا سبب عشان تتزوج على الحرمه ياخي قول انك مشتهي الثانيه وتبي عذر !!!!؟

والله يا أخي اهنيك على طول بالك يعني خمس سنوات و انتا متحمل
يعني كلنا نحب ازواجنا و لا ممكن نغلط عليهم ولا في سرنا لانو عندها لا فرق بيننا و بين من يكرهنا
الصحيح انو اذا كان الوضع كما ذكرت فزوجتك بحاجة لقرصة حامية حتى ما تكررها
واذا بعد هالقرصة ما انصلحت عندها حلال تجيبلها ضرة تعلمها كيف احترام الزوج و عن جد
ول ول ول مش عارفة كيف ساكت؟؟؟؟؟؟

الا الغلط الي تحترم زوجها حتى في غيبته ما تتكلم عليه بالغلط

اتوقع انت شوية سلبي يعني بعد ما تسمعها مرة ثانية صارخ وقول لها ايش قلتي وازعل كم يوم زعل قوي وهددها بالزواج (مو تسويها ما تسوة) صدقني هي بتخاف و تنعدل على طول

سلام عليكم اخ جواب
اولا احب اشكرك على طرح موضوعك هذا لان العصبية باتت مشكلة كل بيت ... وللاسف صارت شماعة نعلق عليها كل غلط وسوء تصرف
شوف يا الطيب انا انسانة وبكل صراحة كنت اعاني من مشكلة زوجتك بالضبط وياكثر ما زعلت زوجي بعصبيتي الفارغة ( والحمد الله اقول كنت) وزوجي فعلا كان شرواك طويل بال .. وياكثر ما قالي ( وبكل هدووووووء) ان العصبية ما تضر غيري انا بس اما هو فبيسوي الي في راسه وكلامه هو الي بيمشي سواء عصبت او لا.. طبعا عصبيتي ما وصلت لحد التلفظ بسوء او اني ادعي عليه مثلا... بس كنت اعتمد على اسلوب رفع الصوت في اي نقاش يدور بينا متبة المثل الي يقول ( خذوهم بالصوت لا يغلبوكم)..
ماتسنعت الا لما اتبع معي زوجي طريقة جديدة الا وهي انها كان طول الوقت موهمني( الحمد الله انه وهم) انه غير سعيد معي وان السعادة والهناء ما يجيه الا اذا فارقني... يعني مثلا يتكلم مع اي شخص بالتليفون اشوفه يسولف مبسوط واول ما يسكر وابدا انا اكلمه يرد علي ببرود ومجرد كلامات كذا على الطاير...كل شيء في البيت مو عاجبه لدرجة اني بت شبه متاكدة انه تعيس معي... ومن بعدها ققررت اغير نفسي علشان ما فقد انسان مثله وافقد سعادتي معاه... والحمد الله نحن الان في افضل حال
اما عن موضوع زواجك الثاني ... فتعوذ من الشيطان لان هذة الفكرة فعلا ليست حل لاي مشكلة.. وما ادراك قد تتعسك الثانية اكثر من الاولى ... كله في علم الغيب
الله يسخرلك ويسعدك

والله انتو يالرجال ادا مالقتوا حل والا واجهتوا مشكله على طول الزواج بالثانيه واااااااالم

يعني جاهز

ما حاولت انك تفهم منها وش سبب هالمشاكل

وش مطالبها

وش ناقصها

تغزل فيها عطها كلام حلو

امدح لبسها وقصتها وشعرها

اشتر لها هديه

سافر انت وياها

مو تفكر بالزواج على طول

والله هدا الهرووووووووووب بعينه

ووصح لها ان الكلام اللي يطلع منها لازم تبعد عنه

وانك ما ترصى فيه ابدا

والا اعرف ان كثير من الرجال بعد ان عصبوا مو بس كلام

يطلع الا توصل لمده اليد

ليش هدي ما نعتبرها اهانه للمراه

وشويه فصفصه بين الحرمه ونفسها من قهرها منك تعتبرها اهانه

الصراحه اتوقع انها مقهوره منك بس ما ادري وش السبب

وانت ابخص فيه

صارحوا بعد وارتااااااااااحوا

__________________
اللهم ألبسني العافية حتى تهنّيني بالمعيشة ,وتختم لي

بالمغفرة حتى لا تضرني بالذنوب, واكفني كل هول دون الجنة

حتى تبلغنيها,برحمتك ياارحم الراحمين

اللهم أعطني من الدنيا ما تقيني بها من فتنتها,وتغنيني بها عن ا

أهلها, ويكون بلاغا لي إلى ما هو خير منها, فانه لأحول

ولا قوه إلا بك,,,,

انت عليك جزء من الخطأ لو من البدايه اتخذت موقف كان ما وصلتو لهالحال مسألة انها ترجع لاحضانك وتبكي وتقول انها تحبك مو حل
كان المفروض اتخذت موقف جدي حتى لو توصل انك توديها لبيت اهلها كم يوم عشان تعرف ان الله حق وتتأدب وتصير تفكر الف مرة قبل تنطق كلمة زي كذا ولا تتهاون ابدا ابدا لانك لو تهاونت مرة رح ترجع زي الاول وانصحك تتخذ موقف الحين ولا ترا الحاله بتستفحل وبتصير كل ما عصبت هزأتك كانك اصغر بزر عندها

وإن كانت زوجتك مخطأه خطأ فادحا ..

لكن أعتقد أنك تمتلك فكر تقليدي متحجر ضد المرأة..!!

وتعاملها على أساسه ..!!

--------

الله يعينك على زوجتك ويعين زوجتك عليك ..كلاكما مخطئان ..

أنت حاول تتلمس حاجتها ، رفهها ، نفذ طلباتها مادامت في حدود المعقول ..

لاتحسسها بالحرمان وإنها أقل من غيرها مادام في قدرتك المادية والعاطفية تسعدها ..

ترى المرأة لو كانت تمووووووت في زوجها ، بس إكتشفت إنه يعاملها على أساس هو رجل وهي امرأة ستكرهه يوما ما حتما ..

أنا ماأقول فك القوامة ، لا..
الله يقويك ..
بس رفقا رفقا بالقوارير !

__________________
أحب جبالك يالجنوب وأحبك لأنك أنتي الجنوب

__________________

__________________