السلام عليكم

بصراحه انــــــــــا احب زوجي موت يعني حـــــــــــــــــــــــــب ماله مثيل ودائما افكر فيه لكن احس انه مايحبني لذيك الدرجه يعني حب واحتـــــــــــــــــــــــــــرام لكن دائما مايتكلم يعني على الصامت وبخيل جدا في كلمات الحب والكلمات العاطفيه واذا بغيته يتكلم معاي يقول انه طبعه الصمت مايحب يحكي قولوا لي شلون اطلع كلمات الحب منه واطلعه من صمته ابيه يمون علي انا امون عليه واسراري كلها عند 0000(الله منزين عاد الاسرار ) ماعلينا نكمل
وهو مايحب يعلمني بشي ابدا شكله يخاف انشرها رغم اني والـــــــــــــــلـــــــــه العظيـــم

مااحب اقول ولاشي بيني وبينه حتــى الاماكن اللي نروح لها اذا احد سالني اقول طالعين مشوار واسكت واغلب الاوقات يجرحني واروح عند اهلي والعبره خانقتني والله ماقول حق احد000000000000000000000



عذرا على الاطاله بس تكفون سااااااااااعـــــــــــــــــــــــــدووووني الله يجزاكم الجنه









ولكم فائق التـــــــــقديررر

اهلين اختي..

والله ماني عارفه وش أقول لك..

حاولي تعملي له مفاجأات تقدمين له رسايل ورود ..مسجات جوال ..

يمكن هو من النوع اللي يستحي يعبر عن مشاعره او يخاف انه اذا عبر عن مشاعره يكون قلل من احترامه كرجل .. والصحيح هو العكس..

اختي هي مسألة وقت .. حاولي تجذبيه حاولي تخفين مشاعر الغضب اتركي له مجال يعبر فيه عن رأيه .. اعملي تغيير في شكلك يعني للشي اللي هو يحبه..

اذا طبعه الصمت اعملي اشياء صامته .. مثلا نظرات حب صدقيني حتحرك مشاعره .. بوسه خاطفة اثناء مشاهدته للتلفاز ..

حاولي تشجعينه عالعمل امدحيه اهتمي بشكله حتى وهو رايح للعمل لانه الموظفين بيلاحظون هالشي وبيمدحونك لان كشخة الرجل من ذوق زوجته كما يبين اهتمامك به..


اهم شي حافظي على توازنك العاطفي امامه .. وحاولي انك تفضفضين هنا لنا او لصديقه ..


اتمنى اني ساعدتك .. وانتظر اصحاب الخبره ..

يعطيك العافيه طير الحياة انا دائما افاجئه واهدي له واغير له كل مره شكل والبيت اغير فيه والاكل بعد واهتم فيه اهتمام شديد كانه ولدي والله

ليس هناك مشكلة مادامت المحبة بينكم عامرة والحمدلله

كل شئ سيكون على ما يرام باذن الله اذاحافظتم على المحبة

السلام عليكم والرحمه الله وبركاته
اختى انا مو متزوجه والله بس يارب اقدر اساعدك
حاولى انك تثقلى شوي على يعني تغيري شوي ادري انو صعب
لمن يحس انك مطنشه راح يستغرب ويدور الكلام الحلو طبعا" الكوره بملعبك خلى هو يتكلم
تحياتي

اختى الغاليه
فى بعض الرياييل ما يحبون الكلام الوايد وريلى منهم بس الست الشاطره هى الى تخلى ريلها يحبها وتطلع كل الكلام الى فيه
انا اقول لج شلون مثلادايما اذا ناديتيه قولى حبيبى او حياتى من هذى الكلمات العسل وكتبى بالمسجات احبك او اموت عليك ..الخ
يعنى انتى الى ابدى بالكلام وهو انشاء الله بينطقها وبيتعود عليها اخذيها من مجربه

السلام عليكم اشكركم جميعا على ردودكم بس والله انا ما ازكي نفسي بس اللي اشوف اني ولله الحمد موب مقصره معاه والايام هذي بدا يغير في اسلوبه ويقول كلمات حب ادعولي من قلوبكم ان الله يسخر زوجي لي ويرزقني الذريه الصالحه وجميع المسلمين





ولكم فائق الاحتـــــــــــــــــــرام

عزيزتي
انا اتوقع ان هذا طبع والطبع لايمكن يتغير لانه هو طبيعته هادي واتوقع اغلب الرجال كذا لاني اعاني من نغس الوضع ولما سالته قالي هذا طبعي
حاولي تتحملين

__________________

	مثل العسل وسط الضماير غلاكم

عزيزتي لينا مشكوره على مرورك والله يعينك اكيد متعذبه مثلي

ياعزيزتي الرجال انواع منهم اللي يتكلم كثير ودايم يتغزل في زوجته ولما تحتاجه زوجته ماتلاقيه هذا النوع ماعنده الا الكلام وبس يعن هذا حبه كله كلام في كلام وبس 0وبعض الازواج مايتكلم بس يظهر حبه عمليا يعني بالافعال وهذا افضل من النوع اللي قبل0يمكن زوجك من هاالنوع مايحب يتكلم بس يظهر حبه بالافعال يعني مثلا يجيب لك هديه او يساعدك في شغل البيت بعض المرات او لما يشوفك تعبانه يقبلك كل هذي تصرفات تدل على الحب مو لازم يتكلم انت لازم تفهمينه وتتقبلين الموضوع وماتكونين حساسه من هالناحيه لانك راح تتعبين 0اتمنى لك السعاده والتوفيق

__________________