السلام عليكم ..

زوجي خلاص راح يوصلنا للنهاية ..المشكلة صارت من يومين ..جاني زوجي وقالي ..رحت قدمت اختبار تحديد مستوى عشان دورة اللغة الانجليزية ...وقالي كل التفاصيل الي صارت معاة اي مستوى وصلة وشنو نوع الدورة الي بيدخلها ..


بعدها جاني وقالي ترى رحت دفعت حق الدورة وبكرة راح ابتدي ..كل شئ تمام لحد احين ..وين المشكلة ؟؟؟ لما رجع من اول درس ..قال تدرين لما رحت كنا ثلاث بنات وثلاث شباب ؟؟؟؟؟؟؟؟؟؟؟


طبعا انا عصبت شلون سو نفسة انه ما يدري ..وانا قالهم ابي دورة مع الشباب وان قالوله ما في هاي الدورة اللي اخترتها اصلا خلط ؟؟؟؟؟؟؟؟مش هاي المشكلة بعد اكتشفت انة يدري من الاول قبل التسجيل وانهم قالوله الدورات كلها خلط الا في حالته لو البنات طلبوا فصل لحالهم ؟؟؟؟؟؟؟؟؟ومع كذا سجل ؟؟؟

اتفقت معاه انه يغير او يطلب منهم يأجلون دورته يمكن اتكون مجموعة شباب ؟؟؟؟؟لانهم ما يردون المبلغ .والمبلغ مش شوى ؟

لكن الي صار امس رجعت سألته وش صار قال حاولت معاهم لكن مافي فايدة وانا الصراحة ابي الدورة ..ولو مب عاجبك كيفك ..ليش انت مش واثقة فيني ؟؟قتله طبعا لا ؟؟؟


اشلون اثق فيه وهو كذب على ..وعلى فكرة مش اول مرة صارت وايد من قبل ؟؟؟؟وراح سجل وهو يدري انه خلط ...وصار كل ما صارت مشكلة بيني وبينه ..قالي ..انا الريال والي اقولة يمشي ..وانت ما تقدرين تفرضين على شئ انا المسيطر عليج وعلى كل الامور ...؟؟؟؟



هالكلام قهرني لاني اصلا زوجه مطيعة واحاول ارضى ربي ومعاملتي له وايد اوكيه لكن وصلت الي حد خلاني اكره تحكمه الي صار زياده وفي هاي المشكله ..قاعد يفرض علي شئ ما اقدر اتحملة...



قولولي هل انا غلطانه في كلامي والا مش مش من حقي اني مارضه ...مع العلم انه زوجي انسان اجتماعي ..وايد وعندي لو كلم البنات عادي زميلاتي ؟؟؟؟بس فعلا الدورة يقدر انه يغيرها لانها من وجه نظري ما راح اتفيده في شئ لانه زوجي عنده اعداديه وشغلة في الحرس الخاص في الجيش ...يعني دورة الاعمال الي ماخذها بس تسلية ..يقول يبي يتعلم كلمات في ادارة الاعمال .؟؟؟؟؟؟؟؟؟؟


مع العلم اني كمان ما اشوفة يطلع حق الشغل من خمس الفجر لين اربع العصر يبدل وبعدها يطلع عشان الدورة من ستة لين ثمانية ..ويكمل طلعته بعدها لين نصف الليل طبعا يرجع هلكان وينام ..........


وانا وين من هاي كله ؟؟؟؟ما ادري انا هددته انه لو استمر في الدورة راح يخرب حياتنه وما تفرق معاه ؟؟؟؟؟؟؟



هل انا مخطئة ...وهل يجب ان استحمل خمس اسابيع دوره زوجي وخمس ايام في الاسبوع وساعتين كل يوم ...وانا مغصوبة ؟؟؟؟؟؟؟؟؟؟؟ياريت اتساعدوني ارجوكم ؟؟؟؟؟؟
ا

: ليش؟؟؟؟؟وين الردود ؟؟؟؟؟؟؟؟؟وين المساعدة ؟؟؟؟؟

.
.
.
والله شيء فعلاًَ يضيق الصدر.. . الاختلاط فيه شر عظيم . .. لكن الله المستعان..!

أختي.. مادام شفتي إن الرجال جاد وعازم على هذا الأمر.. . فنصيحتي لك لا تجعلين من الحبه قبه!!
لو أراد زوجك تكوين علاقات محرمة أو التعرف على بنات فالأمر يسير ولا يحتاج لأن ياخذ دورة لغة إنجليزية ويداوم يومياً!!!!!

الحل.. في وجهة نظري.. هو أن تقتربي من زوجك أكثر.. . لا أن تبتعدي عنه!! ! !!
يمكنه فعلاً محتاج لهالدورة.؟ ؟ ؟ وبما أنك عرفتي إن معه بنات في الفصل.. . فاحرصي -بالذات في هالفترة- على زيادة التحبب لزوجك وتهيئة كل ما يحتاج إليه من اهتمام. ... >>فهذه هي نقطة ضعف الرجل.. .
إذا اهتميتي فيه . . فلن يجد عذراً للتعرف على غيرك أو طعنك من الخلف. ..
أما إن أهملتيه أو نكدتي عليه.. فسيبرر لنفسه كل ما يفعله من تصرفات خاطئة يفعلها من وراءك. ..

أكثري من الدعاء. ..
واتبعي الحكمة في التعاامل معه. .. ولاتجعلي الغيرة تفقدك أعصابك فتزلي بكلمة أو بفعل تندمي عليه. . .

وبالله التوفيق. ..

__________________

مافيها شي اختي

تعوذي من ابليس ماله داعي كل هالعصبيه وتخربين بيتك


انتي ليش مو واثقه فيه؟؟

هل شفتي عليه شي من قبل مثلاً؟

اذا كان من النوع اللي كذا (عينه زايغه) من حقك تغارين


بس اذا كان زوجك طبيعي وفي حاله وتعرفين انه ماراح يعطي البنات وجه المفروض ماتتضايقين


الزوجه الصالح تعين زوجها انه يطور من نفسه

ولاتقولين ماراح يستفيد شي

اكيد هو مو دافع المبلغ الا وهو حاس انه راح يستفيد

انا مثلا اشتغل بالمجال الطبي وفتره اخذت دوره في البنوك والبزنيس .. كذا بس ثقافه وحب اطلاع


واللي يبي البنات بيحصلهم في اي مكان مو شرط في الدوره هذي



يعني ماتقدرين تقفلين عليه الباب وتقولين له اجلس مقابلني ولا تطلع ولاتروح اي مكان علشان فيه بنات
لان البنات بكل مكان


والزوج اللي يبي يخون مافي زوجه تقدر تمنعه



انا ماادري كيف اكتشفتي انه مخبي عليك انه كان يعرف

بس الظاهر (ولاتزعلين اختي) انه خبى عليك علشان عارف انك راح تنكدين عليه وتمنعينه


ترا بهالطريقه بيزيد عناد واصرار لان الرجال مايحب من يفرض عليه


صلي على محمد اختي .. خليكي واثقه من نفسك .. لو كنتي حاطه ببالك انك اجمل وافضل واطهر من كل البنات اللي ممكن يشوفهم بحياته ماراح تتضايقين لسبب تافه زي هذا

وبالنسبه لساعتين باليوم تراها هيييينه

اعطيه اجازه منك شووووي

امزح معك ولاتزعلين


تحياتي لك

كلام الاخت محتاره صحيح 100 %

حبيبتي خليه براحته لا تعاندين معاه لأنه أإذا عاندتي راح يسوي شئ غلط كوني طبيعية وخلي ثقة بنفسك أنك انت كل شئ بحياته وحاولي تضحكين معاه وتقولين له بالضحك شلون البنات الي معاك حلوين ترى انا اغار بالضحك كوني طبيعية اسمعي مني ، احب اعرف انتو من متى متزوجين وهل عندكم اولاد الله يوفقكي

مشكورين على الردود الحلوة والاراء الطيبة صار متزوجة من اربع سنوات تقريبا وعندنا بنت وولد الله يحفظهم ....بس خواتي هل من حق الزوج يكذب على زوجته عشان يتجنب زعلها ولا يعور راسه ؟؟؟

انا فعلا مثل ما قالت الاخت وهو دايمن يقول انا اخبى عنج عشان ما اتصير مشاكل انت بتنكدين على وبتسوين مشاكل ؟؟؟


بس للامانة زوجي حبوب وطيب ويحب اني اكون مثله اخذ الامور ببساطة واقلل الزعل والتكشير لكن ما اقدر اجاريه وايد اغار عليه ....

بس لاحظت اني لو خليت الامور عاديه في شئ كان يتوقع انه لو قالي اعصب واسويله سالفة ..لقاني العكس مشيت الموضوع يقولي كل اللي في خاطره وما يخبي عني شئ, بس ما اقدر اتحكم في زعلي وعصبيتي ...شا سوي ؟؟؟؟؟

لاشك ياأختي أنّ معك حقٌ في الغيرة على زوجك فهذه فطرة فُطر عليها الأسوياء من بني آدم من الرجال والنّساء ،وقد ابتلي المسلمون في هذا الزمن بالاختلاط والدعوة إليه من أصحاب الشهوات الذين يحبون أن تشيع الفاحشة في الذين آمنوا ، والواجب على المسلمين أن يحدّوا من هذه الظاهرة ؛لأنّها تسبب المشاكل الكثيرة ،أمّا أنت أيتها الأخت فلا أرى لك أن تصعدي من الخلاف مع زوجك بل ناصحية بالتي هي أحسن وتوددي له وأشعريه بأنّ غيرتك عليه من حبك له ،وحاوريه بمثل قولك لو كنت مكانك وأخذتُ دروة مع شباب فهل ترضى لي ذلك ؟ إذا قال :لا ، فقولي أنا مثلك لي إحاسيس ومشاعر كما لك أحاسيس ومشاعر ،ولكن حاولي ذلك أن يكون في هدوء ،وإذا رأيتيه غاضبًا فلا تزيدي من حدة النقاش وانتهي ،ولطفي له الجو 0

السلام عليكم

يا اختي اذا انتي شايفة منه شي من قبل لك حق تغاري....بس اذا زوجك يحبك وتحبيه وهو إنسان سوي مافي مشاااااكل!!!

تدري...شكل المشكلة اللي عندك مو مشكلة اختلاط كثر ماهي مشكلة (مافي وقت لك) صح؟؟؟

أنا أتضايق مررررة اذا اشوف زوجي منشغل عني فترة....اصير متنكدة واقل احتكاك بسيط بيني وبينه يسبب مشكلة...لدرجة اني صرت اكره أيام إجازاتي الجامعية اللي هو فيها يشتغل...وصارحته طبعا بالموضوع وقلت له اني احس بالوحدة واحتاجك جنبي...وتفهمنّي...وصار يرتب وقته..

يعني ياحبيبتي اذا كان هذا اللي مضايقك اعرضيه على زوجك...

واذا كان الاختلاط فالإخوان ما قصروا...



دمتم في أمان الله

تنبيه



الرجاء كتابة موضوع بإسمي في قسم الرسائل الخاصة للأهمية

مشكلتكم يا الحريم تسوو من الحبة قبة00000