السلام عليكم ورحمة الله وبركاته. .
طرحت مشكلتي من قبل بالمنتدى. . ومعاناتي مع زوجي ومشاكله التي لاتنتهي. . . .
كنت زعلانه عند اهلي قبل ذالك بسبب المشاكل وبعد كلامي والدي واخوي عليه ...
الا انه من رجعوي له لم يتغير ومنذ اليوم الاول لي كان يبحث عن المشاكل ...
يتمشكل معي بشكل يومي وباليوم أكثر من مشكله..
ويتمشكل على اي شي. . ويبحث عن الزله .. كنت صابره عليه عشان بناتي ومتحملة مشاكله. .
طرحت مشكلتي سابقاً في المنتدى الا ان الاغلب كان يقولون احتوية توددي له اهتمي فيه قولي له كلام الحب ..
مع انه هذا الاسلوب ليس جديد علي. .
لاكن قلت اعمل بالنصيحه. . اهتميت وتوددت له واعطيته مايريد الانه بلعكس زاد وتمادى علي ..
تعبت منه .. ما قلت لاهلي شي حتى لا يتضايقون ..
تحملت عشان بناتي الثنتين. . ولاكن لازال مستمر في اسلوبه..
مع اني كنت شارطه عليه قبل ان يحترمني ومايتكلم علي ..
من رجوعي كان ينام عند التلفزيون .. وتاركته باراحته والي يبيه يسويه لاكن انه يبحث عن المشاكل وعلى امور سخيفه جدآ. .
تحملت .. طنشت.. صبرت ..
بنتي بالروضه مايوديها ولا يجيبها معتمد على اهلي بكل شي بنته بالروضه ابوي يوديها كل يوم وانا اجيبها كل يوم. ..
ماشكيت لاهلي منه ...
لاكن للصبر حدود وصلت لمرحله وقلت لازم اهلي يكون عندهم خبر بالي يصير ..
شكيت على اهلي وعلمتهم تصرفاته ..
قالو تحملي اصبري طنشيه لاتهتمين لكلامه..
قررت اني اتركه براحته العب مع بناتي واهتم فيهن اهتم بيتي وانظف واطبخ وابخر البيت واقول بداخلي عشان نفسك وبناتك مو عشانه. . .
والبي له طلاباته زي ما يبي.. من قهوه وحلا وفطاير وغداء و عشاء. .
كنت ذاك اليوم بروح صديقاتي .. وكنت مصلحه معاي تشيز كيك وبدأ يتكلم علي ويقول انا اولى صلحي لخوياي بالاستراحه.
قلت انشاالله .. قال لا انا لاقلت لك شي تقولين سم وأبشر ..
قلت : سم و ابشر ..
المشكلة مو هنا المشكلة اني من ركبت السياره لين نزلت وهو يتكلم علي ويتمشكل معي و يقولي اسالي صديقاتك يعلمونك السنع يا فاشله. .
وصوته طويل وصديقتي كانت عند الباب .. جدا انحرجت ...
وكل ما ابغا اطلع او اروح لازم ينكد علي..
تعبت فوق ماتتصورون. .
هذا غير السهر كل يوم يسهر مع اني قبل رجوعي له كنت شارطه عليه انه يرجعني الوقت الفلاني واذا يبي يرجع يسهر براحته بكيفك. .
ولاكن يسهر ويطلب مني اخلي اهلي يودوني للشقه. ..
قبل امس كنت عند اهلي وزوجي سهران كالعاده ...
الكل استاذن وراح ينام. . وانا بناتي جالسين ننتظره .. والمشكلة البنات يصيحون ويبون ينامون ..
اتصلت عليه وقلت له وينك نبي ننام.. وفجأه ثار بوجهي وبدأ يتكلم علي ويقول انتي تبين تسمعين اهلك. .ياحيوانه..
قلت له لاتخاف مافيه احد اهلي كلهم نايميين. .. وبعدين لاتنسى شرطي وانت كل يوم تسهر وانا اعديها لك. .
قال ليش شايفتن بحظني مرأه عشان تعدينها .. مالك دخل اسري مته مابغيت بكيفي... قلت بكيفك ودنا الشقه ورح اسهر..
قلت خلاص يكفي مع السلامه وسكرت التلفون.
ويىجع يتصل .. يقول ليه تسكرين التلفون بوجهي و و و ..
المهم رجعت معاه للشقه ..
ولا خلاص مشاكل وكل شوي داخل علي بالغرفه ويخانق وكلام طويل عريض...
وبعدين يروح وبعدين يرجع ويهز ء .. وعلى هالحال طول الليل مايرتاح بدون مشاكل ..
ومن ضمن كلامه انا بتزوج وانتي عايفه العيشه معي روحي بيت اهلك وتاصلك اورقتك. .. وووو..
طبعاً انا مليت وصبري نفذ وطول الليل جلست ابكي وابكي بحرقه لدرجة عيوني صرت ماشوف زين ..
قمت من النوم متأخرة. .
وخبرت اهلي وقلت انا بطلع من البيت وبجيكم..
امي بدت تذكرني بناتي .. وابوي معصب من زوجي ومو عارف وش يقول ويحاول يهديني..
ارسلت له رسالة
"انا بروح بيت اهلي وانت عش حياتك مثل ماتبي"

وبدأ يتصل وانا واصله حدي من امس والله انتفض قهر ..
ولا رديت عليه وفجأه جاء وانا البس البنات والبس واولم اغراض خفيفه.. قلت بداخلي بروح عند اهلي اريح شوي على الأقل. .
و اتصلت على امي وقالت اخوك نيم وابوك عنده عمال مايقدر قلت خلاص بجيكم على رجولي. .
لقيت زوجي واقف عند الباب يسمع لكلامي قال بناتي مايطلعون من البيت ... قلت احسن خلهم عندك وبدو البنات يصيحون ويبون يرحون معي وقال شوفي اذا طلعتي مع هالباب مالك رجعه ..
قلت احسن وطلعت وو رحت امشي لبيت اهلي ..
وانا بشارع ابيكي قهر ...
وفجأه وقفت سياره عندي الا اخوي الكبير وكان يكلم بالجوال و
ركبت معاه وانا ساكته ودموعي اربع اربع من القهر..
الا زوجي كان متصل عليه ويشكي له مني ويقول اختك ماتستحي راحت على رجولها لبيت اهلها ..
المهم خبرت اخوي بكل شي .. واخوي قال ان زوجك طول هالفتره يشتكي منك لي ويقول ادب اختك..
بس ماصدقته لاني اشوفه متغيير ..
المهم رحت بيت اهلي وجلست وجاني اخوي وقال زوجك كل شوي يتصل يقول فهم اختك و خلها ترجع بيته و و و
واصر اخوي اني ارجع له رفضت واصرو اهلي كلهم ارجع وقالي اخوي لاتتكلمين ولا تقولين شي ..
ورجعت واول ماركبت السياره ثار بوجهي وبدأ يتكلم ويقول ليش تكذبين علي عند اخوك ..
رديت عليه ماعندي كلام ..
وعلى اتصلت باخوي وقلت شف اسمع انت تقول خلاص بيصالحك شف من اول ماركبت بدأ بنقاش ...
وحوار طويل عريض وياخذ الجوال من يدي عشان يكلم اخوي ويقول اختك اكلمها ماترد علي هذا تصرف و و و !!!!!

رجعت الشقه مقهوووره ورب البيت ..
هل هاذي النوعيه من الرجال ممكن تتشافى .?
اشك كثييير انه مريض؟
الحل لو كنت مكاني ؟؟!





تم تغيير العنوان ليتناسب مع المضمون

مسائك ورد ...ياورده

حبيبتي ماعرف مشاكلك الاولى معاااه

ولكن اولا اهتدي بالله وهدي بالك وشوفي وش تبغين من هالرجال
بعض الرجال ماتمشي معه كلمه شرطت عليك حتى لو بين الرجال ،،، بعض الجهله يعتبرها ضعف لو نفذ ماتفقتوا عليه

هوا يبغى يسوي مشكله من لاشيء على كلامك وهالنوعيه الى تهاجمك وانتى ماسويتي شيء ما اامن لهم تدرين ليه لانه ممكن يكون عنده شيء ماتعرفينه ويغطيه بهالاسلوب عشان تغلطين عليه ويرتاح داخليا

انتبهي لايستفزك وخليك بحر عميق صعب يوصل لقاعه اسكتي ولاتغلطين عليه وراقبيه بهدؤ

مساله الروضه مادام مايودي ولا يجيب كان دخلتيها روضه مع الباص وخليتيه يدفع حق الباص من سكاااااات والا يوديها كلميه بعقلانيه قولي بنتك اذا انت ماوديتها من بيوديها

مساله خروجك عشان مايضيع حقك مفروض ماتخرجين بهالطريقه ،،، لازاودها بالكلام وقالك يلا بيت اهلك وانا عايفك وانتي فعليا وصلتي حدك منه قولي طيب دقايق اجهز شنطتي ووديني بيت اهلي دامك كل كلمه والثانيه عايفك وعايفك .
هوا يوديك الرجال مصايب ينسون اساس المشكله ويقلبون الطاوله عليك ويقولون انتي خرجتي فانتبهي

وبعدين خلك صااامله وحاسمه بقرارتك اخوك صفر على الشمال فى وجود ابوك حبيبتي

والرجال ماينقرس الا من الاب

يعنى خرجتى ورجعتى لاطريقه خروجك صح ولا رجوعك صح الي كسبتيه اهانه من رجال مخادع وكذاب بوجهين

تحصل في البيوت مشاكل مماثله لمشكلتك الرجال بالطالع والنازل مو عاجبك انقلعي بيت اهلك ،،،،ذكرتيني ببنت عمي ولا كانت تسمعه الين الله نصرها وفتح باب البيت وطردها بقميص نومها

وراحت لجارتها ادتها عبايه تستر بها نفسها وكلمت اهلها

وربك قعد 3 سنين ماخلا رجال مادخل بهم على عمي من القبيله وخارجها وهي عاقله وساكته ولا راحت للمحاكم
وجات بين زوجها واخو زوجته لدرجه والله بالمسدس بجيبه يقول اخرتها بنتنا يفضحها بقميص نومها بالشارع ولكن الان رجعوا
وتامر وتتدلل

لان خروجها بغير عقل منه ورجوعها ماكان هين والرجال تمرمط وكان السبب اصحاب السؤء


الان بما انك ببيته نادي ابوك واتمنى يكون حااازم معااااه وحطوا النقاط على الحروف وتفاهمي ببيتك

الوحده تصبر وتصااااابر وتجاهد رجال الان يبغالهم جهاد عشان مانندمين بعدين لاتخذتي قرار وبينكم بنات وفكري هوا مهمل وممكن لاحصل شيء يحرمك من بناتك وليته مهتم عشان تتطمنين عليهم

خطواتك احسبيها خاصه مع شخص مراوغ مثل زوجك

دعواتي لك ولاتنسين الدعاء بهالايام الفاضله ويوم عرفه مقبل علينا

اسال الله ان يفرج همك

__________________
ان لم تستطع التفاؤل ،،
فلا تخبر أحدآ أنك متشائم .

ماشاء الله تبارك الله
سحاب كفت ووفت
ربي يسعدك ويغير حزنك الى فرح وينصرك

مجروحة متابعتك من موضوع الاول ،، وصدق الله يكون بعونك
زوجك مااا يبي يطلق حطي تحتها عشرين خط ولا يبغاك تروحين .. هل هو حب او خوف من الطلاق الله اعلم ..

وانتي ماقصرتي وسويتي اللي عليك واكثر لكن العوج عوج وانا اختك ..

هل مشاجراتك مع زوجك تكون امام بناتك ؟

اهلا بك .اختي ...
مشاجرتي معاه حتى الجيران يسمعونها .. كيف بناتي..
بنتي تجيني وتقولي "ماما عندي لك فكره عشان بابا ما يعصب ...."
تبغى تعطيني حلول ..

اتوقع خوف من الطلاق.. اتوقع خايف انه يندم ..
لانه يقول انا بتزوج وانتي خليك مرأه عاقل واعرفي مصلحة بناتك واجلسي بيتك عند بناتك...

اختي سحاب اشكرك على ردك جزيل الشكر. .
مسألة الروضه هو رفض ادخلها روضه فيها باص عشان مايبغى يدفع فلوس ويقول مولازم..
مسألة والدي يتفاهم معاه هاذي حصلت من قبل وكثيييير لاكن والدي الآن معصب جدآ منه وما يبغى يتصرف اي تصرف الا صارم..
هذا موضوعي سابق
http://www.66n.com/forums/showthread.php?t=261823
وهذا بعدhttp://www.66n.com/forums/showthread.php?t=261099
.......
وبالنسبة لاخوي تعبت ماني عارفه ايش اسوي ... وقلت لعل اخوي صادق ويمكن يخجل هالمره مع اني عندي ايمان كامل وقوي بانه ماراح يتغيير ..
وبالفعل اول ماركبت السياره بدا باسلوبه الوقح..
انا تايهه والله مادري ايش اسوي ..!!
الحياة معاه على هذا النمط صعب جدا ماقدرت اتحمل وان صبرت نفسي فتره..
ولاكن تبقى لنفسي حدود لصبر ..
بناتي مصيرهن هو السبب الاول الي افكر فيه.. تعبت تفكير والله اعلم بحالي

انت انسانة تسعى للحفاظ على بيتك
واهلك ناس محترمين يسعون ان لايهدمو
بيتك ..ولكن بعتقادي ان تراكمات الماضي
بغض النظر منك او منة اصبح لها اثر بنفسة
لاتنسى ان اخبارك لهلك عن مشاكلكم لة تاثير قوي على نفسة بدليل لما اتصلتي علية وانتي عند اهلك يقولك انتي تبين اتسمعين اهلك هو الان مقهور عليك ليش تقحمين اهلك بمشاكلنا ولكن من الان اجلسي معة وقولي يافلان خلاص مشاكلنا في بيتنا تنحل ولا يطلع شي لعلة يهدى شوي

__________________
سبحان الله وبحمده سبحان الله العظيم

أهلاً بك اخي الكريم. .
انت تقول زوجك مانسى الماضى الي دخلت اهلي بمشاكلنا ...
احب اوضح انه في الماضي هو من يتصل بأهلي ويشكي لهم وانا والله ماانطق بحرف...
هو الذي يتشكى لأمي وابوي واخوي ..
حتى هالايام هاذي الي فاتت يتصل على اخوي ويشكي له ..
وانا ماادري واهلي ماقالو لي شي ..
توي اعرف انه من رجوعي كان يتصل يشتكي على اخوي مني !!!!
كيف تقول انه تدخل اهلك لها اثر بنفسيته... لا اعتقد ابدا ذالك. .
........
الظاهر انه كان يحاول ينصب لي فخ حتى يشحن اهلي علي و يجعل اهلي يقفون معه بصفه ضدي كما في السابق..
لذلك عندما اتصلت يقول انتي تبين تسمعين اهلك حتى لايطلع امامهم بالصوره المقصر المخطى..

شاطئ الراحة. .
الله يشفي والدك شفاء لايغادر سقم..
ان شاء الله ندعو له 🌹

انا اريد الطلاق. .ولاكن
بناتي هل بيعيشون معي على طول والا بيحرمني منهن واذا تطلقت وعشت انا وبناتي عند اهلي ورزقني الله برجل اخر ساعتها مليون بالميه بياخذ بناته ..
المشكله انه رجل لاهي عن بناته متهاون بالمسؤولية...
هذا غير أمه وخواته الي يكرهون بناتي وهو ولا مهتم .. يضربونهن اذا حصل خلاف بينهن وبين عيال خواته..
يحضرون العاب للكل الا بناتي !!! وتجيني بنتي مقهوره وتبكي والله اني ابكي معاها.. واحاول اعوضها بالعاب وهدايا ..
والاب ولا على باله واذا اشتكت له البنت يقول لها عادي عادي...
..
انا اكرهه كره افرح اذا طلع من البيت واتضايق اذا دخل واحاول اتهرب من مشاكله بأي شكل .. ماله اي قيمه بداخلي والله وصلت لمرحله ادعي عليه اكرهه..
لاكن متحمله عشان بناتي..
عندي يقين ومليون بالميه انه راح يتزوج وانا اعرف تفكيره وتفكير أمه. .
امه طبعاً هي المحرض الأول له تحرضه علي وعلى افتعال المشاكل ..
تطلب منه الزواج حاليآ. .
فهو من فتره توفى والده "الله يرحمه"
وعندهم الورث يبغون ياخذونه وابوه عنده خير ..
الآن امه قاعده تحن فوق راسه يتزوج بالورث الي بيجيه والسكن بيسكنها ببيت امه.. وبكذا هي تحاول تقهرني و تكسب ولدها ...
.............
دائما تقول له وامامي تزوج واستانس بحياتك... وتقول له ما يأدب المرأة الا مرأه فوقها ...
......
انا الان اتمنى اتطلق وارتاح منه ولاكن "بناتي"..