السلام عليكم تحياتي لكم جميعا مره كنت رايحه المستشفى مع ولدي الصغير و ولدي الثاني نايم في الشقه ويوم جينا نطلع زوجي نادى اخته تجلس عند ولدي لاني خفت يجلس ولايشوفنا ويخاف انا ساكنه معاهم بس في شقه فوق المهم اخت زوجي شوي ثقيلة دم يوم جينا قالت اسمحي لي انا اخذت من الغرفه من الدولاب كاكاو وانتو في المستشفى يعني بعد ايش تستأذن بعد ما فتشت في الشقه وفتحت الدولاب بغيابي لا وانا استحي يوم قالت لي قلت لها عادي وهذي مواول مره تسويها و تصدقون والله ان اخوها اللي هو زوجي كل شي يشتري للشقه يشتري لهم حتى اذا طلعنا تعشينا بره وهم متعشين يشتري لهم عشا غيورين بشكل ماتتصورون وهذي اخته جريئه اذا صعدت الشقه لازم تقول تقولي بفتح الثلاجه وتفتحها عادي عندها واذا كنت تحت وارسلت اي وحده من خواتها يجيبون لي حاجه من فوق لازم يتأخرون يعني يفتشون يعني كيف اكلمهم وابين لهم اني ماارضى بهذا الشي وانا استحي عطوني حل من غير ما اجرحهم ارررررررررررجوكم
حبيبتي ريحي راسك لاترسلين احد يعني روحي بنفسك جيبي اللي تبين او زوجك وإذا بتحطين احد من اولادك نزليه عندهم ولا تخلين احد يطلع لشقتك مع الوقت راح بفهمون انك متضايقه من دخول الشقه
المسأله عاديه جدا وهذه اغراض مطبخ مش اغراض خاصه يعني عادي طالما بيدخلوا شقتك بعلمك واستئذانك بس طالما نفسك مش طبيه في الاشياء اللي بياخدوها وبس بتقولي عادي قدامهم ومن داخلك متضايقه فصارحيهم بضروره الاستئذان قبل اخد اي شيء فما اخد بوجه الحياء فهو حرام .
__________________
[size=3]مازال في قلبي بقايا أمنيه
أن نلتقي يوما ويجمعنا الربيع
أن تنتهي احزاننا
أن تجمع الاقدار يوما شملنا
فأنا ببعدك أختنق[/size]
لو كانوا اخواتكم وامك يتصرفون معك كذا كل مازاروك ماهى ردة فعلك؟؟؟؟؟؟؟؟؟؟؟
انا معك في هذه النقطه ..زوجه الابن دائما تضع حواجز ورسميات مع اهل زوجها حتى في الاشياء العاديه وما بتعاملهم زي اخواتها وامها ربما من حقها ذلك لكن لا تعترضي حين تجدي فرق في معاملتهم بينك وبين بناتهم فانت من حدد خطوط المعاملة
__________________
[size=3]مازال في قلبي بقايا أمنيه
أن نلتقي يوما ويجمعنا الربيع
أن تنتهي احزاننا
أن تجمع الاقدار يوما شملنا
فأنا ببعدك أختنق[/size]
ياحياتي لاتكبرين السالفه وخذيها ببساطة
واضح البنت مو خبيثه والدليل قالت لك انها اخذت شوكلت
ولو على فرض عكس كذا كان مابينت لك ولا اصلا عطتك اذن ولا خبر
ويكفي انها نقزت لكم تجلس عند ولدكم
من بالهوقت يقدر يجلس عن طفل ماهو طفله
ترا احساس العمة حاسته انا ...وربي ان اخوي وعياله بعيوني وحتى حرمته
ولو فعلا ضايقك التصرف قوليها لهم ولو اني اشوفها عيب .. يعني تقدرين تقفلين غرفتك
لان قفلة الغرفة شيء عادي لان الخوات يقفلون غرفهم عن بعض مافيها شيء
مملكتك الخاصة ماتبين فيها اي تدخل..!!
ولا فيها اي عيب من وجهة نظري
بس العيب يوم تجرحين زوجك وتحسسينه ان فيه فرق بينهم وبين اهلك
لان هو بعد بيحسسك بنفس الشيء..
عموما الموضوع بين يدك محد يساعدك الا نفسك اذا انتي شايفة الموضوع فيه خباثه
تقدرين تقولينها صراحة.. واذا لا ياشيخة الدنيا حلوه بالمشاركة...
ركزي شوي بينك وبين نفسك وشوفي اذا هم يستاهلون او هو يستاهل ولا لا؟؟
__________________
أنا من نجد يكفيني هواها = ويبري لوعتي شربي لماها