السلام عليكم .. جيتكم اليوم باستشارة أبي منكم مساعدتي..

أم زوجي تعبت شوي من ظهرها واضطرينا الاسبوع الماضي زيارتها طبعا هي في منطقة ثانية تبعد عنا 600كيلو .. قبل نسافر مهد لي زوجي انه بيجيبها معنا عشان يعرض على مستشفيات عندنا .. وقال بالحرف انها راح تنام بغرفة نومنا لانه أمه وصعب ينومها مكان ثاني .. أنا وقتها انجرحت من كلامه بس سكت .. وافقت لاني كنت متأكدة ان امه راح ترفض تجي معنا لارتباطها بمشاغل هناك ولوجود بنت لها وولد مازالوا يدرسو عشان كذا قلت ضروري اسافر مع زوجي اسلم عليها مع ان زوجي قال الامر راجع لك تبي تسافري معي او تقعدي هنا.. المهم سافرنا واكتشفت انهم مخططين كل شيء وخالصين وان زوجي كذب علي لما قالي انه بيحاولون فيها .. انا وقتها تضايقت لان عندي دوام واغلب يومي عندي شغل ..زعلت صراحة من زوجي وبان علي الزعل وقلت له يعني انا ماهميتك وانت عارف اني مو فاضية وامك تبي عناية وانا مشغولة بدوامي .. وانه لو كان شيء ضروري لاقدر الله مو مشكلة بس الحمدلله مو ذاك التعب وبعدين عندهم مستشفيات هنا واولادها ياكثرهم وزوجاتهم فاضيات يعني ليش مافي الا انت .. قال فعلا والله معك حق وابدا ماانتبهت لدوامك .. خلاص بوديها مستشفى هنا .. وحتى قلت له اذا نقص عليك فلوس هذي صرافتي اسحب اللي تبي برضو هذي أمي وتهمني صحتها .. اخذها ووداها مستشفى .. وسافرنا اليوم الثاني..

قبل شوي يقول لي كأنه يلمح ان ولدها اللي عنده تأمين لامه وأبوه مايتعالجو في المنطقة الغربية كلها الا في مستشفى في مدينتنا .. قصده انه حيجيبهم عندي .. طبعا وقتها قلت يعني الحين لفوها ورجعوها عليك .. قال وش قصدك قلت ترى منت الولد الوحيد لهم وياما عطيتهم وعطيت اخوانك وضيعت حياتك والحين مامعك شيء وهم عندهم خير ولو طلبتهم ريال ماساعدوك.. قال هذي امي وابوي ومهما عطيتهم قليل فيهم .. سبحان الله تذكرت المشكلة اللي صارت بيننا لما تخاصمنا على اني اعطي أمي فلوس من راتبي .. قلت له اما انا فقومت الدنيا وماقعدتها لما كنت اعطي امي فلوس .. قال كم لك تعطينهم .. قلت وبعطيها الين أموت أو هي تموت .. سبحان الله أوفر وأجمع عشان نبني مستقبلنا وأنت ماتفكر الا بنفسك .. قال لاتخافين بستأجر لهم في بيت ثاني ماراح اجيبهم عندك .. قلت الله يعينك .. وسكتنا والظاهر انه زعلان ..

ياجماعة والله العظيم مو كره في أمه وأبوه بس ليش كل شيء عليه هو اللي يصرف وهو اللي يعطي وأخوانه كل واحد في بيته وعندهم خير .. وليش أنا يمنعني اعطي أمي وهو مسموح له ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أفكر ارسله رسالة وأقوله لاتزعل ولاتشيل بخاطرك ومهما كان هذي امك وهذا أبوك وحقهم عظيم وبرهم أوجب ماهو عليك وأقفل السالفة إن جابهم حياهم الله وإن استأجر لهم براحته .. لان أنا تعبت بصراحة أهتم بحياتنا ومستقبلنا وهو مافكر ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ما حبيت أطلع بدون رد

الله يفرج همك

امين واياك يارب

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه... انتي مقتنعة ان تصرفج صح ؟!!!!

__________________

حاجة الناس إليكم من نعم الله عليكم ، فـ لا تملوا النِعم ☁✨

بصراحة انا عارفة إن والدينه لهم حق عليه .. وواجبه يبرهم .. بس المشكلة إن في تراكمات سابقة هو اللي مسؤول عنها لها دورها في موقفي .. اولها طرده لاخوي يوم سكن عندي .. والثانيه المشكلة اللي صارت بيننا ومنعه لي بإعطاء أمي من راتبي ..

للاسف هالموقفين منه تحول بيني وبين فكرة استضافتهم في بيتي يا زين ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بصراحة

بسبب مواقفه السابقة مع اهل احبه .. و خاصة موقفه مع والدة احبه حبيبي

انا معاها في تصرفها و ردة فعلها ..
و حطيت نفسي مكانها

.
.

و لا تفتحي الباب عليك ..

خليه هو يتصرف و قولي ( ماعرف )
و لا تبادري بشي

انت عودتيه تصرفيه معاه ..
خلاص هو يصرف على اهله .. ليش انت تصرفي و هو عنده اخوان !؟

الله يجزاك خير .. فعلا فهمتيني ياروح ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وتصدقي والله احيان اقول في خاطري والله المفروض انه مايزعل مني مهما قلت ومهما سويت ويحطني في عينه وفوق رأسه لانه عارف من أنا ومجرب مواقفي معه .. بس أرجع أقول مهما كان الرجل يبقى رجل وأحيان يطلع من طوره ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يصلحك ويهديك ويبصرك لما فيه خير لك بالدنيا قبل الآخره

اجل المفروض مايزعل منك مهما قلت ومهما سويت ويحطك في عيونه وفوق راسه !!!!!


وأمه الي احق الناس بحسن صحابته ولها من الله ثلاث حقوق وبرها باب من أبواب الجنه

وأحب الاعمال الى الله بعد الصلاة ع وقتها ومقدم برها ع الجهاد في سبيل الله

ثم والده الذي يأتي بالبر بعد الام وباب اخر من أبواب الجنه

ويستأذذذذذذذذذذنك حتى يستضيف والديه لا للترفيه عنهما بل للعلاااااج عند كبرهما وضعفهما !!!!!


آه وألف آه من هكذا زوجات لايعملن شيء خالصا لله ثم تعين زوجها الذي تدعي حبببببه ع بر والديه لان رضاهما من رضى رب العالمين


والادهى والامر

تتعالجين وتتوقين للحمل والإنجاب والذريه!!!!

هذه الذريه التي تتمنيها صدقيني ستفعل بك كما تفعلين

ف انظري ماذا تودين من ذريتك وخاصة عند مرضك وضعفك وكبر سنك !!

يغيظني كثيرا ذكرك لصرافتك ووو اخ بس

صدقيني الموقف والوقفه الباره منك ومن زوجك خير من كنوز الأرض

ولاتعتقدي أنهما وفي هذا العمر بحاجة مالك او مال زوجك اغناهما الله من واسع فضله

لكنهما بحاجة الرحمة والحنان وخفض الجناح

وبالنهايه اقول لك ي أحبه

عييييييب والله انه عيب 😔