السلام عليكم
ابيكم حكم بيني وزوجي وزوجي راح يشوف ردودكم

طالعه من الدوام ومتاخر علي اخر من طلع من المدرسه
واركب وتفاجا متاخر ياخذ اخته من دوامها وبسياره معه وابلعه واسلم واسولف مع اخته
اصل بيتي وتوقع بينزلني ويروح يوصلها الا الاخ عازمها تجلس عندنا زوجها مسافر
وتخيلو راجعه تعبانه زياده ضيوف الظهر مب وقت مناسب

واقوله المفروض عطيتني خبر برساله انها بتنزل معنا استعد نفسي
وشينه بحقي اقول قدامها مب موصل اختك قبل تاخذ بنتنا من مدرستها ويقول لا فيه مكان بسياره ليه ماقال بتنزل عندنا

الخلاف الان انا اقوله انت غلطان المفروض عطيتني خبر برساله استعد نفسي وزياده زيارتنا رسميه بينا المفروض يوم قلت لك بتوصل اختك قلت لا عزمها

وهو يقول لا ماغلطت بيتي واختي مب غريبه 😢

__________________
سبحان الله وبحمده

1) ربما أنه قد وقع في موضع إحراج فقام بالمرور على أخته.. وفي الواقع يحق له أخذ أخته.. لمن يدعها؟! خصوصاً أن زوجها في سفر.. هنا معه حق.
2) أخوك وجه دعوة لأخته؛ لأنها في سيارته، ويريد أن يسعدها قليلاً بدعوته لبيته وتناول طعام الغداء معكما.. هنا معه حق.
3) نعم.. وقت الظهيرة غير مناسب لأصحاب الوظائف والأعمال.. هنا لك الحق.
4) كان من المفترض أن يرسل لك رسالة وربما نسي الأمر.. هنا لك الحق.
:::
النتيجة من وجهة نظري:
أنكما متساويان، وعفا الله عما سلف..

متساوين بايش
انا ماسويت شي انا ابي بس خبر يعطيني من باب التقدير بس لاغير وهو يشوف ماله داعي 😢

__________________
سبحان الله وبحمده

1) انفثي عن يسارك ثلاث مرات، واستعيذي من الشيطان الرجيم.
2) دعي الحياة تمضي؛ فالأمر جداً بسيط.. ولن يتكرر مع الأيام.

اعوذو بالله من شيطان 😁
والحمدالله مافيه هواش ولا زعل
هي فقط اختلاف وجهه النظر ان انظر لي حق رساله وهو لا 😢😢

__________________
سبحان الله وبحمده

حبيبتي واضح ان الموضوع جا فجأه لاتدققين..دقت عليه ومرها واستحى وعزمها يوم ركبت معاه ماتحتاج رسايل ولاهم يحزنون،،واذا ارسل لك وانتي بالمدرسه وش بتفرق معاك انتي بدوامك مايمديك تسوين شي..لاتخلين الشيطان يفرح بما بينكم..تعوذي منه

انا من رأيي لازم تعاتبيه
المرأة هي اللي تخدم و تتعب في الاستضافة
اذا ما اخد مشورتك
اقل شي يخبرك
منشان المرة الجاية يحسب حسابك حبيبتي
احتسبي الاجر في استضافتها

__________________
أبسط شيء في الأناقة نظافة قلبك

مابيه ياخذ مشورتي يعزم والله يحييهم ع عيني وراسي
ابي بس يعطيني خبر برساله من باب التقدير لاغير
ولا اجل افشل نفسي اقول مايتوصل اختك قبل تاخذ بناك احسها شينه 😭😭
وهو مصر مالي حق حتى الرساله 😢😢

__________________
سبحان الله وبحمده

للمعلوميه

انا ماعتبته ع تاخره متعوده اصلا ولا توصيل اخته الي مافيه خير الاهله مافيه خير للناس 😁
واخته استقبلتها ولا وضحت لها حاجه وغديتها والان نايمه
وخلافي معه مب ع عزيمتها
خلافنا ع انه ماعطاني خبر لو برساله
هذي راحت لكن هدفي للايام الجايه 😁

__________________
سبحان الله وبحمده

إلا صحيح , معك حق , ماراح يضره لو بلغك برساله تستعدين نفسيا
أحسن من تتفاجئين ويبان بردة فعلك
حتى من صالحه هو تستقبلينها بكلمات طيبة , وترحبين فيها

لكن يكفي تخبرينه برغبتك , ولا تنتظرين منه إقرار
بعض الرجال يسمع ولا يقر
لكنه يتدارك ذلك مستقبلا