للسيطرة وعدم التعاون في الحب بين المخطوبين والمقبلين على الزواج أشكال وأنماط كتييييير.. نذكر منها على سبيل المثال وليس الحصر أنه مثلاً فيه ناس كتير قويييييييي بتحب تحس إنها الكل × الكل، وإن الأمور تقف لو هي ما صدّقتش عليها، وده بيرجع لإحساسها الدائم بأنها القائد والموجه -أنا المديييييييييييير- وده ساعات كتير بيؤدي لاختناق أي علاقة؛ لأن الطرف الآخر بيشعر بمنتهى الاستهتار به وبقيمته وإنه ولا حاجة.. وده بيكون شعور في منتهى القسوة على الطرف الآخر..


خد من ده كتيييير.. عندك مثلاً: السيطرة على الحبيب في إبداء الرأي: "أنا كلمتي ماتنزلش الأرض أبداً.. (حنفي)".. وكمان في الكلام مع الآخرين: "أنا مش عايز أشوفك بتكلمي أي حد في الدنيا غيري".. ويا سلام بقى في الفلوس: "هو أنا مش لسه مأكّلِك درة مشوي ومشربك حمُص الشتا اللي فات؟.. ولا أنتِ غاوية بعزقة فلوس وخلاص؟... وبالنسبة للأكل: "أنا عايزك تاكلي نونو نونو علشان ما تتخنيش".. وفي اختيار الملابس: "أنتِ لازم تلبسي اللي أنا هاختاره ليكي".. وفي التفكير: "سيبِك من كل اللي بيقولوه، واسمعيني أنا بس".. وإلخ إلخ إلخ.

يمكن أن يكون من أكثر وأكبر المشاكل بين أي اثنين أن يكون أحدهما مسيطراً على الآخر.. وده كتير يؤدي لطريق الفشل.. أيوه الفشل.. ودلوقتي بعد ما استعرضنا بعض أشكال السيطرة اللي ممكن تقابل أي واحد منا..

*****************

طيب وايييييييييييييه الحل اللى حس ان الطرف التانى مسيطر وانه خلااااااااااص زهق واتخنق يعمل ايه ينسحب
وينهى الخطووووووبه

ها اييييييييييه هو الحل يعنى يا ناااااااااااااس ؟

**********************

الحل :

على طريقة الشيفات ممكن إنك تحضر أو تحضري نفسك كويس، وتلبسوا مريلة الزواج، والزعبوط الأبيض الطويل.

المقادير

- جرام واحد جراءة.

- طن ثقة بالنفس.

- كوكتيل من الكرامة وعزة النفس والكبرياء.

- كيلو جرام من التفاهم.

- وحوالي 50 كوباية احترام لرأي الآخر.


- (حلة) إعطاء فرصة للرأي الآخر.

- (أطباق) تعلُّم آداب المشورة والتحدث مع الآخر واحترامه.

- المشاركة في الأفراح والأحزان.

- ومفيش مانع من معلقتين تنازل؛ من أجل استكمال المسيرة.
لطريقة التحضير

لازم نتفق إنه لا سيطرة في الحب، وإنما الشيء المحتوم والمشروع هو التعاون.. وزي ما قالوا: "إيد لوحدها ما تسقفش.. طير بجناح مكسور ما يطرش".. إحنا كمان بنقول لكم إن أي حد لا يقدر على صنع المعجزات ومواجهة تحديات الحياة بمفرده، ولكن بالتعاون والاندماج تستطيع الصمود ومواصلة الحياة

ولازم نعرف إننا في مركب واحدة في عرض البحر، وإن حتماً ولا بد أن ترسو هذه المركب على بر -اللي هو (الزواج)- لذا فإن المركب لا بد لها من قبطانين أو ريّسين وفي الحالة دي.. هتتأكد إن المركب اللي ليها ريًّسين بتـ.. بتمشي.


ولاّ إنتم رأيكم إيه؟؟

__________________

كلامك صح يا مصريه بس للاسف الراجل دايما شايف انه هو القائد واي خلاف في الرأي كلامه هو اللي حيمشي

سواء رضيتي او ابيتي معتقدش في راجل بيخلي الرأي الاخير لمراته في موضوع يخصهم مع بعض

__________________

السلام عليكم ...

ممكن أحشر نفسي معاكم بما إني متزوجة ...

عندي مداخلة بسيييييييييطة ومليون أكيد ما غابت عن البال...

وهو أن أساس التربية والبيئة التي تربى عليها وفيها الطرفين تكون غالبا هي الحاسم في شخصية الفرد،،

فإما تربى على احترام الطرف الآخر رأيا وتفكيرا وشخصية ...

أم تربى على الخشونة ولا رأي أو شخصية أو فكر غيري...

أو على الأنطواية والتشجيع عليها إن كان المربي من الخشونة والديكتاتورية بما فيه الكفاية لمنع أي طرف آخر بأخذ (النفس) وليس الكلام أو ابداء رأي أو فكر فقط...

احترامي للجميع ...

أم حمزة

شكرا لكى أختى زوجة أحمد
وكلامك صحيح .
وبالطبع لابد أن يكون القرار الحاسم والنهائى للرجل حتى لو كان مخطئ
ولابد أن المرأه تتقبل هذا الشيئ
لكى تستمر الحياه الزوجيه بسلام
شكرا أختى

__________________

أم حمزه
طبعا البيئه لها تأثير كبير على الافرد ومن شب على شيئ شاب عليه
لكن ياأختى لكى تستمر الحياه
بين الرجل والمرأه
لازم كل فرد فيهم يحترم اراء وشخصية الاخر بالاضافه ان القرارات تكون مزدوجه معدا
لكن ان حدث خلاف فلابد لحواء ان تنسحب وتترك الامر لوليها
وهو زوج حتى لا تخسره
فهو رجل شرقى ولا يسمح بأن زوجته (تمشى كلامها)عليه
أكيد فهمتينى
ومفيش مانع ان احنا نجرب الخلطه الحلوه اللى مكتوبه
عشان يسير المركب فى البحر ومايغرقش

__________________

هلا مصرية
اضحكتنى والله بهذه الكلمات ، لك كل الاحترام منى
أشعرتنى أننا سنطبخ الحياة كى نتذوق حلاوه طعمها
لماذا لا
؟
؟
؟
الاهم هو حلاوة الطعم
والمهم هو كما قلت الاخت الفاضلة أم حمزة
التربية
هى التى تطبع على الشخص كيفية التعامل وإدارة الحياه الزوجية
فالحياه الزوجية فن
لا طبخ
إحساس
لا مقادير
إلتزام وإحترام
لا سيطرة
تعبير عن الرأى
لا مسايرة
حب
لا كرة
تقبلى مرورى

__________________

	اللهم استرنا تحت الأرض وفوق الأرض ويوم العرض عليك يا كريم

أنا شايفة إن نسبة كبيرة من النساء و أنا منهم تستمتع بأن الرجل يكون المسيطر لقناعة عندنا

بسم الله الرحمن الرحيم " الرجال قوامون على النساء بما فضل الله بعضهم على بعض و بما أنفقوا " صدق الله العظيم

و الرجل اللي كلمته وحدة , لما تكون كلمته صحيحة و مش سببها تزمت قبلي أو اصرار على عادات بالية فده بيكون شيء كويس

ثم السفينة ما تقدرشِِِ تمشي برحلة بقبطانين و إلا حتغرق , لكن لكل شيء حدود

يعني لما الرجل يقول : لو سمحتي وطي صوتك و انتي بتتكلمي ( يبقا عنده حق )
لكن لما يقول : لو سمحتي مش عايز أسمع رأيك في الموضوع ( يبقا غلط و مليون غلط )

لما يقول : حبيبتي لبسك مناسب للبيت أكثر , البسي شيء أكثر احتشاما و خلي اللي انتِ لابساه ده بعد كده في جهازك البسيه في البيت عشاني بعد كده , أو لما أجيلكم البيت زيارة البسيه ( يبقا عنده حق )
لكن لما يقولها : انت فاكرة نفسك رايحة حفلة , ايه قلة الأدب دي , طب مفيش خروج من البيت بعد كده , أنا غلطان اني خرجتك , حتفضحيني !! ( يبقا ستين غلطان في بعض)

الرجل يجب أن يسيطر لكن السر يكمن في الأسلوب , الأسلوب الرقيق في السيطرة يسلب المرأة عقلها و روحها , لكن أسلوب التعنيف و الدكتاتورية و قلة احترام الطرف الآخر يدمر الحياة الزوجية و حياة المخطوبين

الخلاصة :
الرجل صاحب الأسلوب هو من يحق له السيطرة
و الرجل الذي يريد أن يشتري عبدة فتجارة الرقيق توقفت منذ زمن و لن يجد ما يناسبه في بنات هذا الزمان لأن معظم البنات و لله الحمد متعلمات واثقات بأنفسهن

جزاكِ الله خيرا على الطرح الهادف

__________________

ينقل إلى قسم المقبلين على الزواج ... مكانه الأنسب

احترامي ؛؛؛

__________________
... ( بالحب نعيش أجمل حياة ) ...