بسم الله الرحمن الرحيم ،
إلى جميع الأخوة الذين قراوا مشكلتي ( وحيدة ومقهورة كمان ) والموجودة في عالم المتزوجين .
وهذا رابطها
http://www.66n.com/forums/showthread.php?t=89848
، لقد حصل تطور في الموضوع وانا الآن في امس الحاجة لكم لأني أريد طرفاً محايداً ،
المهم إليكم ما حدث معي ..........
يوم الأربعاء الماضي أرسلت ابنتي لجدتها حتى تطلع عندنا فقد كنت عاملة قالب حلوى وقلت بنقعد على البرندة أنا واياها ، نزلت الابنت ورجعت تقول أن عمتها وزوجة عمها تحت وبيقولوا لك انزلي ، المهم نزلت ساعة زمن وطلعت لبيتي ، ثاني يوم ما شفت لا حماتي ولا حدا من طرفها لأن أختي الصغيرة (14 سنة )جاءت لتنام عندي بسبب سفر زوجي ، يوم الجمعة اتصلت حماتي معي تعزمني على الغدا لأنهم كلهم بدهم يتغدوا عندها وأختي خجلت كتير ورفضت تنزل فما نزلنا وبعد الغدا أوصلتها لمنزل أهلي ونزلت عندهم ساعة ودعت امي قبل ما تسافر مع أختي ورجعنا المسا ، الأولاد ناموا بالسيارة ورجعت فيهم نايمين وما شفناش حدا
يوم السبت بعد ما رجعت من العمل ونظفت البيت ، قلت لابنتي تنادي جدتها تشرب شاي عندنا ن راحت ورجعت تقول ان جدتها عند الجارة ولن تأتي لانها ستصلي المغرب ...........ان سكتت وما علقت شي ، بس بعدها بنصف ساعة وقفت على البرندة فشاهدت حماتي جالسة مع جميع جيران العمارة ( السيدات ) في الطابق الأرضي يأكلون البوظة ويشربون القهوة ويضحكن وانا لحالي بالليل ، فجلست ابكي من القهر لأنها فضلت الجيران علي وحتى ما دعتني أشاركهن الجلسة وهي تعرف أني وحيدة وأولادي بيناموا بكير
ثاني يوم رحت زرتها طبعاً مش هالترحيب في ، قلت لها تعالي نروح نودي ملابسنا التي تحتاج للتصليح للخياط فرفضت لأنها تعبانة ( غير صحيح لانها قالت بعد ذلك أنها ستذهب عند بيت سلفي !!!!!!!!!!!!!)
اليوم التالي الذي هو امس أخذت إجازة من العمل بسبب عودة زوجي ولبسنا أنا والأولاد وطلعنا على المطار جبناه ورجعنا وبالطريق جبنا أغراض للبيت وعدنا كان الأولاد مش مفطرين ، فاخذت أعد لهم الفطور قال زوجي سأنزل لسلم على أمي ونزل وأنا ما نزلت لأني عارفة بوجود شئ بينهم فقلت بيحلوه بينهم بيضلوا أم وابنها ( صح ولا غلط؟)
بعد نصف ساعة طلع زوجي زعلان وما قال شي إلا إن الحكي كتير وشكله كلام سلفتي صحيح ..........
المهم نام وصحي بعد السفرة الطويلة وسمعته بيحكي تلفون مع اخته وبيقول لها ان امه ما رضيت تسلم عليه وانها قايلة عني ( جابتك من المطار وقالت لك انزل عند امك لحالك !!!!!!!) وان السيارة لا داعي لها لأنهم مديونين ( سبب ديون زوجي أخواته البنات وتخارجهن من المحل مقابل مال لا بضاعة ) مع أن السيارة انا شاريتها من فلوسي وسأسد الباقي لأبي من راتبي ، وأنا للعلم اشتريت السيارة لأساعد زوجي لأنه بسبب ديون إخواته باع سيارتنا ويشهد علي ربي أني فكرت فيه أكثر مما فكرت في نفسي...........هذا ما سمعته وشكل ما خفي كان أعظم
المهم اني تنكدت وبكيت كتير وهو مسكين شو يعمل ما بين نارين حزنت عليه جايب لي هدايا غالية من السفر ونفسه يرتاح بعد سفرته الطويلة ويجي يلاقي سمات البدن امامه وانا بصراحة بكيت كتير لاني مش جاية بحدا ولا أبحث عن المشاكل واكر ه الظلم
امي الآن مسافرة وانا أنتظر وصولها لأخبر أهلي عن عمايل حماتي ، فوالله أني لا اخبرهم شيئاً وأسكت دائماً ولكني تعبانة كتير نفسياً وفي ذات الوقت مش قادرة أحكي لهم فاختي ما صارت متطلقة ( قبل الدخول ) إلا أسبوعين ....ما باقدر اعيش مع ناس بيحكوا علي من ظهري وما باقدر أبعد زوجي وأولادي عن أهلهم بس أنا برضه لي كرامة .....
فكرت فكرة إني استأجر شقة موجودة تحت منزل اهلي منها باكون قريبة على أهلي وشغلي ومدارس الأولاد ومش ضروري أتطلق بس بدي أعيش لحالي وهو الله يعينه إذا أراد الزواج يتزوج وإذا ما بده بلاش يجي يزورنا لما يكون مشتاق لنا وإذا أصرت عروسته التي تختارها له أمه على هواها من أقاربهم على ان لا اكون على ذمته فما عنديش مشكلة إذا كان رضاء الأم وهي على غلط واضح بيدخله الجنة وبيجيب له رضاها فهو والله منيح وأنا باحبه وبدي إياه يكون مرضي ...........عموماً أمي ستصل الجمعة وأنا السبت رايحة لهم .مش عارفة شو بدي أقول لهم ........أرجوكم شوروا علي واعطوني أدعية تهدا النفسية .......