السلام عليكم

ماني عارفة من فين أبدأ .. ويمكن لاني خايفة من انتقادكم وخايفة تقولون لي ماتغيرتي مااستفدتي .. بس والله العظيم إني تغيرت وصرت أطنش كلامه وأتعامل معه عادي ولا كأنه صاير شيء .. بس أحسه زودها كثير لدرجة يقولي خلاص ماعاد في مدرسة .. الشيء إذا حطيته في مكان قال ليش حطيتيه هنا!! إذا شرى شيء ومااستخدمته لأنه ماجاء وقته قال خسرتيني.. حتى الشيء اللي يجيبه لي يقعد يقول إن هالشيء سعره كذا وكذا .. وإذا مزحت معه بشغله يزعل .. صار ينتقد ويزعل علطول للأسف .. ويفسر ألف تفسير وتفسير لكلامي مع إني أحلف إنه مو كذا قصدي ..

اليوم صحيت العصر وأنا تعبانة مرة جاء عرض علي مستشفى رفضت وقلت له جيب لي الدوا الفلاني .. اخذت دوا وجلست شوي والحمدلله صرت أحسن .. جلسنا سولفنا شوي .. وشوي قال بدخل أنام .. لما شفت نفسي تحسنت أخذت ملابس الدوام بكرة بكويها .. قام يقول يعني منتظرة من الظهر ويوم جيت أنام جيتي بتكوي لان الجهاز قريب من غرفة النوم .. قلت بكوي بسرعة قبل ماتدخل في النوم .. قال الا تبي ترفعين ضغطي عشان ماأنام .. وينك من الظهر والعصر والمغرب .. قلت يعني ماشفتني تعبانة .. قال هذا حالك دايم .. قمت قلت حسبي الله ونعم الوكيل .. وخلاص لاتتعب نفسك معي كلم لي سواق يوديني ويجيبني الدوام لانه مستاء بعد من توصيلي للدوام .. قال من يوم الاحد ماعاد في دوام .. قلت الا فيه .. ودفني من الغرفة وصك الباب..

ماعندي احد غيركم أفضفض له أحس إني مخنوقة..

(حلت الرد296)

http://66n.com/forums/showpost.php?p...&postcount=296

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اختي الله يفرج همك ويصلح حالك
حتى لو انتقدنا لا تشغلي بالك فضفضي واحكي اللي بخاطرك
والا ايش الفائدة من المنتدى اليس لاخراج المكبوت والترويح عن النفس بدون قيود ولا تصنع

اختي قراتلك موضوع قديم عن مشكلة زوجك احسها انها هي منبع المشاكل والتحسس سواءا منك او من زوجك
صح؟

__________________
ربنا هب لنا من ازواجنا وذرياتنا قرة اعين واجعلنا للمتقين اماما

ياأختي انا ماعمري انتقدت هالمشكلة في زوجي او لمحت لها او حسسته اصلا بوجودها بالعكس والله إني أحاول مايحس إن عنده مشكلة أصلا..

الله يجزاك خير .. شكرا لتفهمك..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

في حاجتين صرت من يومين ماأعرف إذا لها دور باللي زايد منه هاليومين..
الشيء الاول نومي برى الغرفة لاني ماأتحمل المكيف وعنده خبر بهالشيء وقلت له .. والليلة نتكلم في شيء وانا من باب المزح اقوله لو تجي تنام جنبي هنا يمكن احتاج شيء بالليل لان تجي علي سخونة قال تعالي جوه على السرير وانتبه لك قلت إذا مابتشغل المكيف بجي قال لا حر .. قلت خلاص أنا ماأقدر أنام جوه..

الشيء الثاني قبل ثلاث او أربع أيام تقريبا طلب مني سلف1950ريال يقول عشان يدخل دوره وقلت له ابشر ماطلبت شيء .. وبالليل جالسين نسولف كذا واسأله عن طريقة الدراسه وهل بتدرس ولا تبي شهادة وكذا .. قام زعل يقول تحقيق.. قلت لا والله عادي نسولف .. خلاص إذا ماتبي اتكلم بسكت قال أفضل وسكت على الموضوع وماعاد جبت طاريه وهو بعد ماعاد جاب طاريه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كم لك ماتنامي في غرفتك ؟

هذي الليلة الثالثة بس هو عارف إن المكيف هو السبب..أنا أبرد وهو يبي مكيف..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أحس بضغط نفسي كبير .. وأمس يقول الواحد ماعاد يلاقي الراحة في بيته ويمسك على رأسه مصدع سألته وش الراحة اللي منت ملاقيها وش الشيء اللي قصرت فيه عليك!! سكت مارد وقال الحمدلله وبس .. وقام من مكانه ودخل غرفة النوم وقعد فيها لحد مانام وانا جلست بالصالة اتذكر وش غلطت عليه فيه مالقيت وجلست أبكي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يصلح حالك يا اختي و يسخر لك زوجك .. آمين ...

بس سالفة المكيف ما فهتها يا احبه !
يعني يشغل المكيف تسخين او تبريد ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لا حبيبتي يشغله بارد لان منطقتنا تعتبر دافية .. وهو مريض سكر ويحس بحر علطول وانا مقدرة هالشيء عشان كذا اترك له الغرفة وانام بالصالة..

آمين يارب

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تصدقين اني فهمت الكلام بس قلت يمكن حصلت سهوة فالتعبير !
يعني يشغل تبريد ففصل الشتاء ....عجيب سبحان الله..
المهم يا أختي العزيزة ... انصحك بالتجاهل ..
و اقلبي الجد مزح ..و غيري الموضوع ...
لا تبينين حزنك لما ينتقد ... !
و غيري الوجهة بالكامل

يعني انتِ و شطارتك !

__________________
أشهد أن لا إله إلا الله و أشهد أن محمدا رسول الله صلى الله عليه و سلم