ضربني .. فضربته ..فاللاسف خنقني..
وحدة بوحدة والبادي أظلم

رغم اني ما اخدت حقي منه .. وضربه كان أقوى .. الا انهم قالوا لي بالحرف الواحد
لو مامديتي يدك كان اخذنا لك حقك ..

طيب ضربته بس ما اخذت حقي يا ناس ..

هو يعتبر اهانه له اني اضربه .. وانا عادي انضرب..
ليش انا بنت البطه السودا ؟؟

انا طلبت الطلاق ... لكن لو ما صار الطلاق والله العظيم لو تكرر الموقف ومد يده اني لا اضربه بشي حاد وأنهي حياتي معاه
لاني مو حيوانه انضرب.. ولا طبله ينبسط معايا بالليل ويمد يده بالنهار وبدون سبب


أفكر اجلس وقت طويل عند اهلي وما اروح من اول ولا ثاني اعتذار ..


بنات ايش موقفكم لو انمدت يد زوجك عليك ؟


المفروض ما اكتب مشكلتي مو ناقصه احد يجي يتكلم عليا .. لكن احتاج المشوره وشي محرج اقول لو لأقرب صديقه اني انضربت وأساسا ببيتنا ما يدري الا كم فرد اللي كانوا موجودين وقت ما جيتهم ابكي

مستجدات الرد (185)

http://66n.com/forums/showpost.php?p...&postcount=185


مستجدات الرد (266)

http://www.66n.com/forums/showpost.p...&postcount=266

(مستجدات الرد346)

http://66n.com/forums/showpost.php?p...&postcount=346

مستجدات الرد 381

http://www.66n.com/forums/showpost.p...&postcount=381

مستجدات الرد (391)

http://www.66n.com/forums/showpost.p...&postcount=391

مستجدات الرد 460

http://www.66n.com/forums/showpost.p...&postcount=460

مستجدات (الرد612)

http://www.66n.com/forums/showpost.p...&postcount=612

مستجدات الرد( 648)

http://www.66n.com/forums/showpost.p...&postcount=648

مستجدات ( الرد 649)

http://www.66n.com/forums/showpost.p...&postcount=649

(مستجدات الرد 678)

http://66n.com/forums/showpost.php?p...&postcount=678


مستجد الرد(776)

http://www.66n.com/forums/showpost.p...&postcount=776

مستجد (الرد 808 )

http://www.66n.com/forums/showpost.p...&postcount=808

(مستجدات الرد820)
http://66n.com/forums/showpost.php?p...&postcount=820

مستجدات (الرد839 )


http://www.66n.com/forums/showpost.p...&postcount=839

مستجدات الرد (853)

http://www.66n.com/forums/showpost.p...&postcount=853

(مستجدات الرد866)

http://66n.com/forums/showpost.php?p...&postcount=866


(مستجدات الرد883)

http://66n.com/forums/showpost.php?p...&postcount=883

__________________

الله يهديكم ويبعد عنكم الشياطين ..
ايش الاسباب اللي خلته يخنقك؟ وخلته يفلت اعصابه



بصراحه ومن دون مثاليه ..بكرهه وبيبقى ضربه لي بقلبي ماراح انساه ..الا اخذت حقي منه وضربته بكذا تعادلنا وبردت خاطري ..وبكذا مو لازم يعتذر لاني اخذت حقي

ليه انضربتي
وهل هي اول مره
ووينك الحين
ورش وده فعل زوجك
روقي الحين وتعوذي من ابليس وصلي

وانا بشهوري الاولى من الحمل سحبني وكتبت لكم الموقف كله ..
بعدها بفترة فصلت الشاحن حقه .. لانه هو يخليه مشبوك دائما بغرفة النوم .. وشبكت مكانه ايبادي .. لما جا ينام وشافه مفصول عصب ومسك شاحني ورماه ع الارض وراح الصاله .. اخذت شاحنه ورميته قدامه ع الارض .. وجلست اتكلم عليه قال روحي عني وهو معصب ما رحت .. انا كمان كنت زعلانه من أسلوبه .. قام سحبني من شعري وطحت ودخلني الغرفه .. هذا الموقف كانت امي مسافره ولميت شنطي وقال لما تجي امك روحي لها الان لاخواتك مافي روحه .. وتصالحنا قلل تجي امي .. وحذرته وقلت له اذا مديت يدك عليا والله لو برادي الشاهي قدامك راح اكبو عليك .. طبعا عصب من كلامي بس قلت له لكل فعل ردة فعل وانا ابويا ماعمره ضربني الله يرحمه يجي هو يضربني !

نجي لموقف قبل يومين .. طبعا كنت متألما نفسيا جدا .. والله اني اول يوم جيت بيت اهلي كنت احس ب اهانه فضيعه مو قادره أقابل احد .. وامي جابت لي عذر انه ضرسي يألمني ..

الان اكتب لكم ايش صار

__________________

الله يعينك وينصرك على من ظلمك

على فكره الشاحن مشبوك دائما بالغرفه وانا اخاف من كثر حوادث الشاحن
الان خلاص استسلمت بس قلت له ان صار لي ولا لبنتي شي من الشاحن من أسامحك
الان لما اوقات يروح الدوام ويكون راجع لنا ع الغدا .. افصل الشاحن واحطه عند الباب علشان اشبكه قبل ما يجي
وهذا كله اتقاء لشره

__________________

كان الله في عونك إختي.

أسأل الله أن يلطف بحالكم وترجع المياة إلى مجاريها.

لكن ضرب المرأة ليس من شيم الرجال، إلا في حالة النشوز -ضرب تأديب-، ولكن أحياناً شدة العصبية تخرج الشخص عن سيطرته.
فإن كان زوجك رجل طيب ويحترمك ويعزك فسامحيه على هذه الفعله. وإن غير ذلك ، فلا ترجعي له إلا بعد ما يرد لك قيمتك واعتبارك أمام اللي يعفوا السالفة. ﻷن المرأة رغم واجبها الانقيادي للزوج إلا أنها معززة مكرمة بذلك وليست رهينة أو سجينة والأهم أنك إذا رجعت بدون ما يعتذر بتهون عليه كثير وبيشوف نفسه أنه فوق وأنك أنت الغلطانة ورجعتي برضاك، وترى الشيطان أعوذ بالله منه يدخل في مثل هذه المواقف نسأل الله العافية والسلامة.

واخلصي لله في كل ما تفعليه واحذري نزغات الشيطان.

كان عندي ثلاثه ايام ثلوث وربوع وخميس ويرجع لاهله مغرب الجمعه ..
طبعا وزع بيننا الايام كذا على أساس انام ببيتي كم يوم لاني اخاف اجلس لوحدي .. كلنا نجرب هذا التوزيع..

المهم .. كنت مبسوطين الخميس وخرجنا وماعلينا الا كل خير ..
نام هو بعد صلاة الفجر .. انا رتبت كم شغله بالبيت ونمت على الساعه 8

الساعه 9 ونص صباحا شفته صاحي قلت الساعه كم .. قال لي تسعه ونص
.. بنتي نايمه جنبي قامت تتحرك قلت له برضعها مسكني قال لا سيبيها .. قلت له ما ابغاها تصحى شوفها جاعت برضعها قبل تقوم لاني بكمل نومي..
رفض اني ارضعها ومسك يديني وجلس يراقبها ويستهبل يطلع أصوات الين قامت ..
طبعا انا مرا عصبت وقلت له ترى ورايا يوم طويل وانت تصحيها عليا الان .. وحطيت البنت مكاني جنبو وانا جيت مكانها واديتهم قفايا.. قلت له والله انت مرا ما تقدر ولا تحترم حتى ترتيبي لنوم بنتي..قلت له هيا خذها واطلعوا عني ..
المهم اخذها وطلع ..
طبعا طار النوم من القهر .. بس قلت يا بنت ليش تخربين ع نفسك وتبدأي يومك بزعل.. هو يبغانا نصحى نجلس معاه.. ولما هديت قمت جيتهم .. قال لبنته شوفي مامتك بالله ايش الحل معاها ما تبغاكِ تصحي الصباح .. بعدين استلمني نصائح انتي المفروض تقوميها الصباح .. وووو.. بالله يا ناس هي نامت اربعه الفجر .. اقومها 8؟ وعلى ايش

قلت له فلان طالبتك طلب .. انا قمت ما نمت بفطر معاك ونتغدى ونودعك واحنا مبسوطين لا تنكد عليا الان .. بعدين قال شي مدري ايش هو... قلت ما برد عليك لاني وربي تعبانه مدري اليوم او بكرا بالكثير راح اتعب منها ككل شهر .. لذلك لاتحتك فيني.. وانا صادقه وربي كنت تعبانه جسديا ونفسيا ..

تعبت وانا اكتب ما وصلت المشكله الأساسيه بس بحطكم بالصوره قد ما اقدر

__________________

بالصراحة الكتابة أحيانا لا توصف الشعور الحقيقي، وأحياناً نتحفظ عن كتابة أشياء خاصة مما لا يوضح الصورة كما هي، ولكن عالعموم،

أولاً إذا كنت تحبي زوجك ادعي ربك كثيراً أن يبارك فيه وأن يجعله هينا لينا .

وثانياً اعملي كل أسباب اللي تشوفيها مدخل للسعادة بينكم واحتسبيها لله.

ثالثًا تجنبي وساوس الشيطان مثل ما عملت بالضبط لما صحيتي من النوم ، خذي الامور بايجابية ولكن بيني له أنك تتستائين من فعله ذلك وبيني له الأسباب بهدوء ، مع القليل من الصبر والتغافل عن الهفوات والزلات بإذن الله تعالى يكتب لكم ربي حياة سعيدة.

كم يحزن المرء من مثل هذه الاحوال ومتقلباتها، ولكن ليس لنا ملجأ ولا منجى إلا الله.

نقطة رابعة لابد الزوج يكون متفهم لحالتك لكي لا يحصل تعاكس في الأفهام، بالصراحة ما أدري ليش زوجك ذكرني بموقف حصلي ، والمشكلة مني ما أدري ليش اسيئ الظن في حركات وأفعال زوجتي، بالرغم أنها ما تكون قاصده اللي أنا فهمته!!! استغفر الله العظيم.
وكذلك أنتي لا تسيئ فهم زوجك حسب ردة فعله بيني منه قولي له أنا فهمت منك كذا وكذا تقوليها بكل هدوء إذا طبع ظنك خطأ تاسفي منه.

والأحسن تتفاهموا على هذه النقطة المهمة في الحياة اليومية ﻷننا تعديتناها ولله الحمد بالنقاش الهادئ، يعني مرات أكون معصب على شئ وتكون زوجتي ما قاصدة شئ، سابقاً كنت اسكت واعصب واعاملها بتلك العصبية وهي مالها ذنب، والحين اسالها ترى أنا فهمت منك كذا وكذا، هذا قصدك؟ بعدها تبين لي الأمر وتمشي الأمور على خير. فالنقاش وفهم الآخر بالصورة الصحيحة مهم جداً وخاااااااصة بين الزوجين.

الله يحفظكم ويوفق بين قلوبكم وأفكاركم.