السلام عليكم ورحمة الله وبركاته
هذي اول مشاركه في هذا المنتدى الاكثر من رائع....
راح ادخل بالموضوع على طول واتمنى اجد ردود من الطرفين ........
انا بنت لم يسبق لي الزواج عمري في نهاية 32تقدم لي شخص عمره 50 متزوج وعنده 6
وانا في حيرررررره من امري والله ذبحني التفكير ,,,
فارجو المساعده من الاخوات والاخوان مين اللي جربت تتزوج واحد بهالعمر
ابي خبرااااتكم ,,,, وجزاكم الله خير

انا من رائي لاتوافقين صعب اغلب الاعمار هذي يفكرون تفكير البنت ماصدقت احد يخطبعا يلعب على كيف كيفه
لاكن اقول اصبري وحده من قريباتنا عمرها 34 تزوجت بشخص عمره 32 ولم يسبق له زواج

لاتستعجلين وانا اختك نصيحه ... احياا نا لشخص اذا وصل عمره بثلاثين يتوقع فاته القطار ويتقبل اى شخص مهما كان عمره حياة الكبار سن ماوراها غير الشقا

الله يوفقك
ومن استخار ماخاب

تسلمين اختي دفئ ,,, بس اهلي يضغطون علي يقولون الحقي ع عمرك

الله يبارك لك اول شي
صلي استخاره وتوكلي على الله وانصحك دعاء الاستخاره كرريه في سجودك لانكي تكوني اقرب ما يكون من رب العباد
واسألي عنه وعن اهله ووضعه واذا فيه خير ان شاء الله يكون نصيبك
وما تخافي من العمر
احسه ميزه يكون واعي ورازن
لكن تأكدي من اخلاقه وطباعه بالسؤال عنه من الجيران مثلا معقد او غيره............من الصفات
والله يكون في عونك
ولا تشيلي هم ولا تحيري اذا هو نصيبك مالك مفر ههههههه
واذا ما هونصيبك .........
لله حكمته اهم شئ الاستخاره والتوكل على الله
والله الميسر لكل خير
اسأله ان يعينكي

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

جزاااك الله خير اختي اوناا

شوفي احيانا البنت به العمر تقول اتزوج وانا ادري راح اتزوج ولا لا لاكن اذا تزوجتي وبعد شهر بتقوليت ليت مافكرت بزواج

شوفي ماحكم عليه باشي لاكن نسبه 80% يعانون من هذي نقطه

اذكر وحده تزوجت واحد بعمره وعنده امراءه لاكن تندمت وخلفت منه وصل فيها انها ماحصلت الحنان والرومانسيه منه لجاءه ت للنت تتعرف ع شخص عشان يعوضها
عشان كذا اقولك العمر هذا صعب بالنسبه لي اشوفه منتهي

لاكن القرار لك بالاول والاخير ودرسيه اعدل واستخيري كل يوم

صلي صلاة استخاره

بصراحه لو اني مكانك اسئل عن اخلاقه وصلاته واذا كان كويس
اتوكل على الله واتزوجه على طول

مهما كان صارت الفرص قليــــــــله جدا
وبرأيي ماشوفه كبير عمره مناسب جدا خصوصا لو كان بصحته

اسأل الله العلي القدير ان يرزقك بالصالح المحب لك

__________________

دفىء
الصالحه بيدوم صلاحها سواء اخذت كفايتها من الرومانسيه او ما اخذتها

وحاليا الاغلبيه يعاني من شح الرومانسيه سواء شباب ولا كبار بالعمر

__________________

تدرين وش الى حدها الضعف من رجل
مثل الرجل يوم يتزوج وحده وماتحس فيه نهائي يروح يكلم بنات

البنت تراها صالحه بس الى حدها ضعف رجل بس

المتزوج الآن ماهو ثقة في رأسه حب وبيطحنه يعني بيتسلى فيك كم شهر ويجدد شبابه ويجرب إلي يسمونه تعدد وبيرجعك لأهلك وبدل ماتكوني متأخرة بتكون مطلقة ويمكن معك طفل ولاراح حتى يسأل عنه وبيكون مشغول بإرضاء أم العيال بعد مازعلها ولاراح يطق خبر لك ولا لطفلك

أصبري ولاتورطي عمرك وربي جلستك بدون زواج أفضل من أنك ترمي نفسك مع واحد متزوج
مايعرف قيمتك

يمكن الله يبعث لك أعزب وإلا مطلق وإلا أرمل رجال يبغون الإعفاف فعلاً والإستقرار وتكوين أسرة
مو ناس حابه تتونس وتوسع صدرها وإلا عندها فائض مادي مو عارفة فين توديه