رد: هل ممكن أن نتغير أنا وزوجي
حبيبتي مشكلتج واضحه
انج كتومه وكله تشيلين في قلبج
غيابه وسفره وتقصيره مادياً و عرض وسامته بمواقع التواصل وحشيته اثناء الجماع ويمل من طبخج
كل هذا في قلبج وشكلج ماصارحتيه وكلمتيه باللي يضايقج
الريال ماراح يفهم نهائياً وعلى باله انج مرتاحه و مب متضايقه من شي
لانج ساكته
لازم تكلمينه وتصارحينه عن كل مشاعرج واللي يضايقج وكلميه بوقت مناسب
بيني له حاجتج العاطفيه بوجوده واهتمامه و بيني انه المصروف هو حقج الشرعي
حتى لو كنتي موظفه هو ملزوم يعطيج لو شي بسيط
لاتعودينه انتي دايما تصرفين على نفسج من فلوسج
و ولدكم لا تعودينه تصرفين عليه من فلوسج
لازم هو اللي يدفع ومسئول عن كل شي
وانتي مافيها مانع تساعدينه في الكماليات بس الاساسيات عليه
خلج اقوى وصريحه وياه
وبنفس الوقت ادخلي مواقع تثقفي من ناحية العلاقه وشوفي شو يحب ريلج
وخبريه انج مرتاحه وياه بس ياليت يكون شوي ألطف وغيره بيني رغباتج بدون حياء وبدون تجريح
عشان مايصير فيج برود وملل وقت العلاقه
هذه العلاقه فيها متعه واشباع للطرفين لازم ومايكون فيها طرف مب راضي
ومن ناحية الطبخ
ماعليج انتي سوي اللي تقدرين عليه و زيني الصحون نفس المطاعم
وكل يوم بالليل اسأليه باجر شو حاب اسوي غدى
عشان تسوين شي على ذوقه ومايطلع ياكل بالخارج دايماً
خلي غداكم متنوع ومن اختياره
وانتي من ناحية الاهتمام واللبس ألبسي وشدي حيلج
ريلج وايد يسافر وشكله وايد يدخل مواقع التواصل
فعيونه وايد مفتحه وعارف شو بنات هالزمن وشو لبسهم
ف انتي حاولي تغيرين من ستايلج وتلبسين نفس مايلبسون داخل البيت
وبنفس الوقت اذا كنتوا طالعين ويا بعض وشفتيه يضحك ويا البنات ويطالع
لا تبينين انه عادي
بيني انج متضايقه وزعلانه وبيني له هالشي مايرضيج وقبل كل شي مايرضي رب العالمين
وخبريه لو انج جي سويتي هل بيرضى
اكيد لاء
و انتي حاولي تبادرين وتكسرين الجو والروتين بينج وبينه
وتشوفين اهتماماته وميوله
وابوج عسى الله يرحمه ويغفر له صار له فتره متوفي
كل نفس ذائقة الموت
لاتخلين هالشي يأثر على حياتج الزوجية
وقوي علاقتج برب العالمين
ودايما عليج بالدعاء