اختي قالت لي كلام يخوف ....
طبعا مثل ماهو معروف اني ما اتعدى هموم الحمل ورغبتي في الحمل
وكل مره لها طابع خاص والي يبغى يعرف يروح يسوي بحث على موضوعاتي وبشوف ان حتى اعضاء المنتدى ملو مني عموما
راح اتكلم في المفيد وبحاول اختصر
كل عيد يمر على ينقص جزء مني
في العمر لاني ادخل بدايه سنه جديده في عشره من شوال
ويزيد التفكير عندي
راح اقولكم شو اللي صار اليوم بالضبط
حنا كنا مسوين حفله بالليل وعشاء ببيت اهلي
وسو كذلك بعض الاشياء للاطفال من ضمنها عرض ملابس العيد للاطفال
يعني كل وحده من الاطفال تدخل وتجلس تتمايل بشعرها وبجسمها وكأنه لكبار
المهم كانت اختي منظمه الحفل وهي اللي علمتهم على هذه الطريقه
وكانت تدخل مع عرضهم هذا انشوده حلوه بس فيها حزن
انا وانا اشوفهم واحسهم روعه واتقان عندهم كأنهم كبار
واشوف فرحة امهاتهم من تصيفيق او نظراتهم انا كنت اراقب هذا كله وبتمعن الى ان حانت لحظه ....
انا ما احسدهم الله يخليهم لهم بس كنت اتمنى يكون عندي بنت تسوي مثلهم واشوف فرحتها مثلهم
جلست اراقب وانا بين نارين اصبح وتوالد عندي
قلبي يتقطع ودموع تود ان تفضحني والله لم استطع ولم اجد امامي الا المطبخ ذهبت له مسرعه قبل ان يراني احد واجهشت بالبكاء ولم تراني الا الخادمه ومرة العمليه بسلام
رغم اني لي خمس سنوات الا اني لم ابكي قط امام اخواتي من اجل الانجاب بل كنت صابره بل اصبر نفسي
لكن لم يقف الامر عند هذا الحد زارتنا بنات عمتي فأحبو ان يعيدو العرض امامهم
وهنا كانت الطامه لم اتمالك نفسي فبكيت ورأتني اختي فلحقت بي
وقالت لماذا تبكين قلت لها عشاني ما انجبت
اشوف فرحتكم بعيالكم والله ما احسدكم بس قلبي يتقطع قامت تصبرني
وجاو خواتي البقيه وصارت قصه بس بسرعه انهيناها
الخلاصه من ضمن الكلام الي قالته لي اختي انتو اذا سويتو الانابيب ومانجحت
انت يحق لك تتركينه عشان تاخذين واحد ثاني يمكن تحملين من غيره
غصيت اكثر انا احب زوجي واموت فيه واحيانا احلم انهم يبغون يفصلوني منه عشان العيال
واقول لهم مو هم العيال بس ما اترك زوجي
لكن كلامها احس سكين ثانيه انغرست فيني ما ادري وش صاير تفكيري
وما ادري هو الي راح يكون ابو عيالي ما ابغى غيره وابغى عيال
شاركوني ولا تهملوني ....
للمعلوميه ان السبب هو مني في عدم الانجاب لان بي تكيس مبايض
وزوجي مابه شيئ بس الغريب ان بس واحد الي انجب من اخوانه الاربع
يعني اللي تزوج اول واحد فيهم هو الي انجب
والي اكبر من زوجي والي اصغر منه لم ينجبو رغم ان تحاليلهم سليمه
ومرت اخوه فيها بعد اكياس دهنيه تمنع الحمل لكن الي اصغر له سنتين اوثلاث بعد زوجته لم تنجب
طولت عليكم وتعبت انا وانا اكتب
آسفه اكتب على عجاله ومره عاميه ومره فصحى بس لان زوجي موجود وخايفه
ينتبه وانا اكتب .....
هند مره اخرى وسالفه جديده وقصص حزينه ....
__________________
الحمد لله على نعمه وفضله وكرمه ..