السلام عليكم
كل عام وانتم بخير
الله يتقبل منا ومنكم
وينعاد عليكم
سؤالي للشباب
هل بالشوفه قدرت تشوف خطيبتك زين حتى لو كنت مرتبك و خجلان ..
يعني هل معقوله توافق على وحده ماشفتها زين ؟
ونفرض وافقت هل حتى بالملكه جالس معها وما تقدر تشوفها زين !

انا خطيبي يقول ما اعرف ملامحك ماركزت و كانو فيه ضباب قلت اجل كيف وافقت قال ابي الستر ؟ كلنا نبي الستر بس مع اللي يعجبنا.. زعلت وعصبت انو انا توقعت احد ياخذني لنفسي مو عشان شي ثاني .. وصراحه ما احس متمسك فيني .. احيانا احس ممكن يتركني لاي سبب . ابي شي يحسسني اني لي مكان بقلبه ومهتم فيني وجا يقول ما شفتك زين
مابي احس اني مجرد زوجه بس ..هو جدي وصريح وطيب بس بعيد ما بينا زيارات بالطايف هو وانا بالرياض
والحين زعلان مني ومايرد علي مع ان الموضوع بسيط حاولت اكلمه ومايرد !
.. المشكله انا مره الشيخ قال لي عندك تعطيل زواج فخفت لان من علامات التعطيل مايقدر يميز ملامحي ..

والمشكله الحين خطيبي زعلان وعيد و معصب بعد ولا يبي يرد ليه كذا ياخطيبي عيد عيد اول عيد مع بعض .. ربنا يسمحك حزينه انا ..

فقررت اوقف محاولات ارضائي له لان السبب ما يسوى حاولت ارضيه قبل العيد مع اني ما احس غلطت بس مابي نتعيد بمشكله .. وانا صراحه ماحب احد يزعل مني ممكن اكون عصبت وقتها بس ما اشيل بقلبي .. هة جموده ينرفز وردوده .. له 4 ايام زعلان

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

معليش مافهمت كيف صار فيه ضباب اعتقد ماعرف يعبر عن الوضع تماما

ممكن يقصد من زمان ماشافك ونسي ملامحك

اليوم العيد ارسلي له معايدة

والله يوفقكم ويجمع بينكم على خير ودامها اجازة يعني بيجي للرياض استغلوا هالاسبوع وفلوها حرام يروح بزعل

هلااا.. عليكم السلام..
كل عام وانتي بخير.. وكل الاعضاء نبارك لهم بالعيد..

عاادي هالامور تصير احياناا.. ف' لا تفكري كثير.

يمكن استحى وماشافاك زين وقتهااا.. و يتكلم معك عادي..

لكن ليش صار سوء تفاهم! .. ببساطه.. مفروض مشيتي الوضع عادي
او ارسلتي له صوره.. او مكالمة فديو.. هذا أول.

لكن بما ان صار لي صار.. و صار بينكم زعل منك ومنه..

فلا تلحي كثير بالكلام... مثل ماقالت لك ' تحملتك كفايه.

ارسلي معايده الصبح.. تكون خاصة.. و كملي العيد عادي.. لاتضايقي كثير...

بعدهااا ان شاء الله الامور من نفسهاا تروح.. بس لاتعيدي فيهاا..

تكلمي معه ما كأن في شي بينكم.

__________________

::
♤¤ مااضيق العيش لولا فسحه الأمل ¤♤
::

عادي اختي انا بالنظرة الشرعية ماشفت الا وجهها على جنب بس ماشفت ملامحها كامله او دققت نظرة بسيطه ثواني بس وبالنسبة لي اهم شي اكون عارف وش جمال الي بتشاركني حياتي وكنت حاط توقعاتي لمتوسط ودون المتوسط علشان ما انصدم ف كانت متوسطة الجمال ولكن راضي فيها الحمدلله والسبب لان الشكل مجرد شكل سطحي ينتهي مع الوقت لكن جمال الروح والاخلاق والطباع والسنع بتخليها اجمل الجميلات بعيوني ومن لأن جمال البنت عند الرجال يؤخذ بالانطباع اذا كانت متوسطة الجمال لكن بشوشة وفرفوشه ودايم مبتسمه وبابسط الاشياء تسعدها بتكون جميله وش فايدة جمال الوجه والملامح اذا دائماً اخلاقه زفت ومزاجيه ونكديه

لكن تأكدت من شي ان ذوق البنات بالجمال يختلف اختلاف جذري عن الرجال خطيبتي يوم يوصفونها لي كأنهم يوصفون حور العين والواقع شي مختلف بشكل جذري الحمدلله اني شفتها ولا انصدمت بالواقع

بعدين انتي غلطتي ضغطتي عليه بالبدايه شي طبيعي بعد الخطبه يتردد الشخص شوي او يرتبك لأنه اختار انسانه بتعيش حياتها كلها معها بغض النظر عن جمالها واخلاقها هذا قرار مصيري يوتر الاعصاب يبيله فتره ويهدى ممكن المسكين مصدوم مثلي بالوصف الي سمعه فيك وشاف بالواقع شي ثاني مو يعني انك مو جميله بس صدمه شوي لما يكون الشخص باني صوره معينه بعقله ع الوصف الي سمعه ثم يشوف شي غير الصوره الي بناها بمخيلته

هلا فيكم جميع
كول سنه وانتم طيبين يا امامير
حبيت اول شي اوضح ان القضيه مو شكلي لان بوقتها واضح عليه الحماس .. وطالع من عندي مبسوط

السالفه واضحه الرجال بكل شي متردد ..
اوكي نقول خوف من المسؤوليه على قولتكم .. وخجول وغير اجتماعي .. ولنفترض اني فعلا زعلته ..
انا حاولت نتواصل و نتكلم وهو مارد
يشيل بقلبه كل هالايام عشان كلمه !
كان متحمس يزورني كان متحمس لجلستنا .. مع انه يحاول ما يوضح لي هالحماس ولا يبين لي ..
عشان كلمه ! ايش راح يقدر يتحمل بعدين اذا كلمه تخليه بلا قلب و لا حتى واجب ..
اول عيد يمر علينا ما اتصل ولا ارسل ولا رد علي ولا فكر يعايدني ولا له نيه ..
يمكن بيطول الزعل عشان مايزورني !
هذا واحنا فترة خطوبه يسوي هالحركات بكره ان رحت معه لطايف ايش بيسوي لي !
اكره سالفة الزعل والتغلي الايام تمر ويضيع العمر على زعل سخيف ياناااس صرت اخاف من عيشتي معه ..
اكره هالتصرفات كبار احنا بالتفاهم كل شي ينحل مو بالهروب .. الا اذا هو مايبي حل اصلا

انا ماني ندمانه اني ارسلت .. بس بديت انفر منه
وخاصه ان اليوم عيد كل ما انبسطت جا احد يسألني عنه واشوف الهداياء والرسايل مع بنات خالاتي وعماتي مع خطاطيبهم والصور .. وانا لاحس ولا خبر .. وسالفه ما تسوى ويبيني ما اقول مالت على حظي الا مالت على حظي الله يكبر حظي والله يسامحه .. بس حركته ذي عمري ماراح انساها له .

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

مايصلح تقولين مالت على حظي لانه هالجملة معناتها انه مو مالي عينك مثل ماانتي تتضايقين اذا حسيتي انك مو فارسه احلامه هو بعد بيتضايق اذا حس انه مو فارس احلامك ومالت على حظي ماتبين انك مو مقتنعه فيه الا تبين ان دون المستوى اللي تبينه بمراحل كثيره. ولاتقارنين المقارنه رايحه تبين عليك مهما حاولتي تخفينه. دائما طالعي اجابياته وانبسطي فيها

انا ما قلته الا لما قال ان اللي بينا الحين اللي هي فترة الملكه مالها داعي ... والله اكبر على هالتواصل > كلمته ترفع الضغط ما قدر ولا احترم اللي بينا !
وش يبي مثلا !!
انا فعلا تنرفزت وعصبت وقلت الله اكبر على حظي وقال وش فيه حظك قلت خطيبي مستخسر فيني التواصل وشايف ماله داعي .. يعني وضحت قصدي .

وسالفة زعل 5 ايام مو مقبوله والله لما ارسل وما يرد وادق ومايرد احس بديت احس بشي شين اتجاهه ..
وجا العيد ولا رد على معايدتي له ... وكل مانسيته وانبسطت يجي احد يسألني عنه وانغبن .. واللي توريني هداياء خطيبها ورسايله و اللي واللي .. وانا مارد علي عشان كلمه ! احس ماعاد ابي اسمع سيرته .. احنا مخطوبين كيف لو تزوجنا ! احس حياتي معه مشاكل وزعل من كثر ما يرددها مشاكل مشاكل

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

معذرة منك أخوي أمير البيان .. سؤال بحكم تجربتك :

- مالذي لم تشاهده جيداً ؟ هل تقصد ملامح الوجه ؟ ام الجسد بشكل عام ؟
- ماالسبب ؟ هل هو حياء منك وقتها ؟ أو بسبب مساحيق التجميل ام ماذا ؟
- هل شعرت حينها براحة نفسيه جعلتك تقدم بغض النظر عن كونك لم تشاهدها جيداً ؟

لك حرية الإجابة من عدمها , وعذراً لسؤالي