ربما هذة المرة الاولى التي اكتب فيها في منتدانا الغالي منذ زواجي لكن لم يمنع ذلك متابعتي الدائمة لكل ماهو ماهو مفيد ورائع باقلام الاخوة المبدعين
لكني الان في مشكلة وكلي امل ورجاء بعد الله ان تساعدوني في حلها فاليكم قصتي
(انا حبيت ولد عمي من زمان من كثر ماسمعت عنه مع ان عمري ماشفتة ولااعرف شكلة وكنت اتمنى اشوفة كل ماصارت مناسبة واجمتعوا الاهل بحكم كل منا يسكن في مدينة ولانجتمع الا بالمناسبات وهو اكبر مني بثمان سنين ولا تزوج لما كنت بالثانوي تخرج فقلت خلاص راح يفكر يتزوج لكن للاسف كل مافاتحوه اهله بالزواج ماكان يرد عليهم وانا كل ماتقدم لي احد كنت اقول لاختي تبلغ اختة علشان تقوله ويتحرك ومافية فايدة مع العلم انه ماينقصني شئ ولله الحمد
بشهادة الجميع من حولي المهم خلصت ثانوي ودخلت كلية وخلصتها وانا بانتظارة وارفض كل اللي تقدموا علشانة وهو مايدري عن شئ صار ست سنين انتظر اشارة منة واجمع اخبارة من عيال اخواني او اختي لانة تربطنا معهم علاقة نسب
في السنة السادسة قلت خلاص لازم اعتمد على نفسي لمتى انتظر وانا ادري مافي بالة احد واخذت جوالة من جوال ولد اخوي بدون مايدري وشريت جوال جديد واتصلت علية وسمعت صوته واتصل هو رديت بس ماتكلمت فتوقع انة مقلب من زملائة لانهم يعرفون ماله علاقات نسائية فحبوا يضحكون علية فارتفع ضغطي زيادة فصرت احلف بالرسايل اني من الجنس الناعم واني معجبة فية وصرت اساله عن حياتة واشياء تخصة فكان يجاوب بصدق وخلاني اتعلق فية زيادة واحترم لرغبتي اني ماب اكلمة بقينا على الرسايل وكان يقضي طول يومه معاي وباله طويل حيل فقلت اتصل فيه وقوله من انا وننهي القصة على كذا فقلته انا راح اقولك من انابشرط توعدني مااحد يدري بالرسايل اللي بيننا وانا ادري فية ماراح يقول لاحد وافق وقلت لة انا فلانة بنت فلان انصدم ثواني قال يعني بنت عمي وقعد يرحب فيني ويقول اخت عزيزة وغاليه تخيلوا عقب كل الكلام الحلو اللي قلتة له صرت انا اخته ؟؟؟؟؟؟؟؟؟؟؟المهم طلبت انهي المكالمة ومااستفدت شئ بس بقيت افكر فية لاني حقيقي احبة قعدتيومين انتظر رسالة منة مافية رحتانا ارسلت له فرد علي وكلمني بعدها وسالني اذا كنت افكر فيه كاخ اوكزوج فقلت له بس انت مواخوي ففهمها وخطبني بعد ماطلعت روحي
ولما جا يوم الملكة كلمني وقال لي ماراح يلبسني الشبكة فحاولت معة لين اقتنع وبعد ماملكنا صرنا نكلم بعض وصرت اطلب منة يزونا ونطلع مطاعم حالنا حال اللي حولنا وكان يرفض وبعد الحاح شديد مني يجي مع انه طاير عقلة فيني ويموت علي لكن كان يستحي من اهلي وصرت اهئ له جو بمساعدة امي وكنت اطلع اتمشى معاه بعلم امي بس وتزوجنا وبقينا على نفس الحال انا اقولة ابي كذا وكذا وهو ماعمرة بادر بشئ والتمس له العذر انه ماله بالحريم وسوالفهم اجيه بكامل زينتي ابي اسمع كلمة حلوة مافية ان وقال قال من الكلام اللي انا اقوله له
الله يشهدوش كثر سويت علشانة المشكلة انة يحبني وادري يحبني بس مايحب يبين لاعندي ولا عند اي احد لدرجة عمرة ماناداني باسمي قدام اهلة ولاحتى كلمني قدامهم حتى لمااروح عند اهلي ويجي يزورني ماكان يقول لاهلة انة عندي يقول عند واحد من زملائه
وانا موجودة عندة واسمعة ولما اسالة يغير الموضوع وحملت وولدت عند اهلي وجا شاف ولدة ولا جا بعدها واترجاه يجي قدام اهلي والناس رافض وبعد شهر طهرت وقلت لة قال ماراح اجي اخذك الا بعد ماتكملين اربعين يوم وش يقولون الناس عني فضيحة بالله اي فضيحة لمايجي زوج ياخذ زوجتة مو المفروض انه يفرح ويجي طيران وانا عرفة انه وده يجي
بس وش الفايدة من جد تعبت صرت احس اني الرجال بعلاقتنا مع اني مظلومة فيها ودي اكون مثل هالزوجات شوروا علي وش اسوي

الله يعينك ياختي والله ماني عارف ايش اقول بس ان شاء الله الاخو ه يبون يفيدونك
بس من ناحيت انه مايبي احد يدري انه عندك هذا شي غرررريب
اذا ان علاقتك مع اهله كويسه؟
لازم تسئليه شو اسبب
او انه يحسبها رجوله ويسويها قدام اهله

__________________

اسفه مانتبهت للخصوصيه في العنوان

__________________

وش دعوة ام اسامة خوذي راحتك انا بس ابغى اعرف فية احد مثلة مدللتة وحاطتة هو واهله بعيوني لاني احبه بس مايبي يعترف فيني قدامهم ليش مادري

أختي العزيزة . .

اسأل الله ان يسعد أيامك . . و يرزقك السعادة مع زوجك . .



حبيبتي . . اسمعي منّي نصيحة صغيرة . .

الرجال ما يحب المرأة اللي تركض وراه . . صدقيني حبيبتي . . الرجال يحب هو اللي يجري وراء المرأة مش العكس . .

لاحظي انك من قبل لا يخطبك و انتي المبادرة . .

انتي اللي بينتي له اعجابك فيه و رغبتك بالزواج منه . .

انتي اللي كنتي تصرين عليه انه يجي يطلع معاك . .

يعني انتي المبادرة بكل الأحوال . .



الحل . . اثقلي عليه شوي . . لا تتصلين عليه . . لا تطلبين منه يجي ياخذك . . انتظري لين هو برغبته يجيك . .

خففي من اتصالاتك و مبادراتك شوي . .

و مسألة الخجل انه يخبر اهله لما يكون معك ان شاء الله مع الوقت تنحل . .



لكن الخطوة الأولى انّك تخففين من ضغطك عليه و الحاحك و الأحساس اللي توصلينه له انك طول الوقت محتاجه له . .



حسسيه بالفرق شوي . . مثل ما قلت لك اثقلي عليه . . لهّي نفسك في أي شئ . .

و صدقيني ما يمر كم يوم اللا راح يجيلك من نفسه . .



الله يسعدك يا رب و يملي حياتكم سعادة و هناء . .

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

ذكرتيني بوحده الله يذكرها بلخيير اتصلت علي وكانت تبيني اتزوجها بس انا ماتماديت معها قلت لها لو كنت احبك وعرفت انك كلمتيني راح تطيحين من عيني .. فالبنت ماعاد شفتها ..


اختي الله يوفقك ويسعدك .. الحياة لااتخلوا من المنغسات ومافيه احد كامل
اذا تذكرت ثفاته السئيه فتذكري صفاته الحسنه


كلن وطبعه حاولي انت تاثري عليه مع الزمن وتغيري تفكيره ولا بئس بالمصارحه

مشكورة اختي دهن العود على النصيحة الحلوة بس حبيت اوضح لك نقطة انه اهلنا واللي حوالينا وبالذات اهلة يقولون لة انو انا امشيه عل كيفي ويسمع كلامي من لما كنا بالكوشة لانه شخصيتي قوية وحلوة واصغر منة مادروا اني اركض وراه ومو معطيني وجه واحسة متعقد من هاشئ فعلى طول يحاول يثبت العكس على حسابي والحين على حساب ولدي
اخ (poiuyt(مشكور على الدعوة الحلوة وحبيت اوضح لك اني اللي كلمته ولد عمي مو غريب ولاكنت عانس اوادور زوج والسلام كنت متيمة فية حد الجنون وماكنت ابي اخذ الاهو واخذتة والحمدلله على كل حال
وش دعوة ماصارحتة بدون فايدة

اختي نبع الله يعينك اكيد اختي ان هذي مشكله تقهر وتضايق في نفس الوقت بس لازم تتخذي قرار جدي بلتغير وماتتراجعي فيه وهوانك تطنشيه وتغيري اسلوبك معاه بحيث انه هو اليبادر مو انتي
وبعدين كلايوم وتخلصي من الاربعين وبتلاقيه جايلك بنفسه
ماعليه ممكن تطول المده لاكن لاتيأسي ولاتتراجعي خليه هو اليبادر ....
غريبه والله هذا الخجل صراحه انا حاسه ان الايه انقلبت .:14: ..سبحان الله

الله يوفقك ويسرلك امرك

اختي الواهمة مشكورة على الرد انا اكثر الحاحي علية بالجيات وبالمكالمات علشان الناس وزوجات اخواني ليش ماجا وليه ماسوى وليه مافعل حقيقي انا احرج منهم واحس اني اقل منهم ازواجهم مدللينهم وانا ابي على الاقل اتظاهر انه مدللني وحالي حالهم