أنا كنت خايفه أكتب لاني من زمان ما كتبت وفكرت أكتب بمعرفي الجديم بس قلت لا جذي احسن عشان اتكلم براحتي أنا زعلانه على نفسي دايمن اسال أنا شنو سويت أنا ولا مره غلط على احد ولا جرحت احد والله العظيم من داخلي مقهوره لاني ما قدرت أسوي حاجه لنفسي لحين لما أشوف بنتي اتم اصيح اخاف تكون مثلي أخاف احد ياخذها مني لما ياخذهم بيت يدهم احس بموت لاني أتم أفكر يمكن ما يرجعهم يمكن ياخذهم مني أنا مابي افكر فيه تعبت وانا افكر احيانا اقول اذا اغلى انسان عندي وحبيبي راح أبوي ليش أزعل على هذا وهو يعذبني كل يوم احسه يظلمني أحيانا أتم أدعي عليه بس لما اتذكر كلام بابا المستشار وخاله بيتا اقول لا عشان غلا وراشد لا مب عشانه هو يعني صرت اريد اقهره بس افكر كيف انتقم منه عارفه ما اقدر اسويله حاجه بس اتم اقول لازم لازم هو يحس هو ما يهمه احد هو يفكر بنفسه وبس

حبيبتي
الله يعينك ويصبرك

لا تدعي عليه ادعي له ادعي الله ان يهديه لك ويسخره ويحنن قلبه عليك

الدعوة ترجع لصاحبها فاختاري دعوة تسر قلبك


لي عودة ان شاء الله تعالى

وخلي بالك من صحتك يا الغالية

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

لما تزوج الثانيه زعلت بس والله مب وايد كنت اقول هو عنده عذره الي ما عنده غيره كنت حامل بنتي غلا بس هو لما تزوج ثانيه كان غير غير كان ما يريد يزعلني كان يحلف انه ما يخليها تكلمني او اشوفها كان يوعدني بحاجات كثيره صدقته وانا كنت تعبانه بحملي بوفاة ابوي حبيبي حسيت اني انكسرت كان يقولي بابا المستشار انتي لازم تكونين قويه وكنت اقول هيه لازم بس لحين عرفت اني ما اقدر القوه هذه ما علمني اياها ابوي كان يقولي لا تغلطين لا تظلمين احد لا ترفعين صوتج حتى لو زعلتي هو لما تزوج ثانيه وبعد ولادتي بنتي انا تغيرت وياه وصرت اعطيه حقه بس هو تغير زوجته ثانيه دايمن مسافره هي تدرس وهو يقول ما احبها بس متزوجها عشان ما اسير للحرام لحين عرفت انه كذاب والله هو يريد يتزوج وبس

ملكة القلوب فضفضي هناا فمن حقك ذلك 🌹🌹
لكن انا اذكر انك قبل قلتِ تزوج وحده ثالثه ماادري ملك عليها !! يعني هو الحين عنده 3حريم
ملكة لاتنسين هو يحبك وايد وكان دائماً يقوله بس انت أثبتي له بأفعالك واقوالك يمكن هو مو شايف منك محبه
هو يتخبط مسكين يدور ع وحده يحبها غيرك بس مو قادر
بس صرحي له بمحبتك وبتغييرك اجلسي معه جلسه مصارحه قولي اعرف انا غلطت وانت غلطت واللحين جاء وقت نراجع انفسنا ويكون فيه ترابط بينا عشان عيالنا

هو بس ملج على ثالثه وانا حامل براشد وبعد ولادتي بكم شهر طلقها لحين هو ناوي ياخذ ثالثه يقول انه ملجته الاربعاء

لا لا تقولين يحبني لو يحبني ليش يعذبني انا لحين مابي اعرف اذا يحبني او لا هو يقول الزواج من حقه هو ما يشوف نفسه غلطان لا عشان جذي انا حتى اريد اقهره واخذ حقي

انا اتعب بحملي لانه عندي ضغط واصير اخذ ابر ولما اوصل الشهر السابع ما اقدر اتحرك ريولي تنفخ وتزرق وهو يعرف وكلهم شافوني شلون تعبت خلاني احمل بولدي ثاني بسرعه بكيت بكيت بس ما رد عليا بس عمي اكثر واحد تم قريب مني وساعدني كثير وباخر حملي خطب وملج على كويتيه انصدمت منه ليش كل هذا وليش وانت متزوج ثانيه شنو تريد اكثر هو يتعذر وصارت من بينا مشاكل بس مثل كل مره اسكت وبعد ولادتي بكم شهر عرفت انه طلقها بس مادري ليش والله العظيم وحتى خاله بيتا تعرف انا تغيرت وياه وصرت أحسن بس هو صار لا خلاني اسكن بيت اخوه الي اختي حرمته في البدايه زعلت بس بعدين ارتحت وياهم اخوه كان طيب وياي ويحبني ويساعدني كثير اكثر عن اختي وحتى انا نفسيتي ارتاحت وعدني انه اخذ مانع للحمل والله وعدني وقالي اذا حملتي بالغلط بنزله وانا غبيه صدقته وداني عند طبيبه وعطتني ابره وقالت هذه مانع للحمل بس كنت تعبانه بس نفسيتي مرتاحه قبل شهر وشوي سافر ويا زوجته ثانيه وتم وياها ولما رجع صار يطلب مني كل يوم واكثر عن مره تعبت تعبت وقلت ما اقدر لغاية ما صار عندي نزيف وطبيبه منعته هو عصب وقالي بتزوج وانتي تخطبين لي عشان انتي ما تقدرين واشترى بيت لزوجته ثانيه مع انها هي مب موجوده وقلت له انزين خليها ترجع مب هي حرمتك عصب وقال ما يخصج هي المسكينه تدرس وانا وانا منعني من دراسه بديت اكره اكثر

طلعت من بيت اخوه من غير ما يعرف اول مره اكون قويه ورجعت بيتي وحلفت انه يطلقني وكلمت اخواني هو يقدر يتكلم يقدر يسكتهم انا مب مثله كلمتين واسكت عمي وخالتي سكنوا عندي عشان ما تصير بيني وبينه مشاكل وهو ما جاء البيت لانه خاف على الي بطني انا تميت كم يوم بالمستشفى لما خبرني اخوي انج حامل ترجيته ينزله تم يقولي يمكن يكون خير لنا انزين انا بموت جذي ما اقدر على الحمل بس ما سعمني طول هالايام ما بينا كلام ولا شفته لانه هو متعود يغلط ويختفي عشان ماحد يحاسبه

الي خلاني اكتب لحين لانه هو كلمني اليوم وهو ملجته الاربعاء تم يقولي قولي شنو تبين والله انتي زوجتي وحبيبيتي وام عيالي كذاب عارفه لانه كل مره يقول جذي قلت ليش بتتزوج قالي من حقي انتي لحين حامل وانتي تعرفين شنو يصير فيج وساره مب موجوده يعني اروح بالحرام قلت له انزين بنزل الي بطني صرخ وقال لا انا بتزوج قلت وانا طلقني اذا بتتزوج طلقني انا مابيك قالي ليش عندج غيري ترى هو كل مره يسالني جذي قلت هيه عندي والله كنت مقهوره قال انا مب مطلقج والي تبينه خذيه تبغين بيت تبين تسافرين تدرسين كل شي بخاطرج سويه قلت انزين بشرط هالكلام بورقه انه اذا انت ما نفذت بطلقني رجع يصرخ وقال من علمج هالكلام قلت تعلمت شفت وباخذ حقي منك حتى ورثي من ابوي باخذه رجع سالني انتي ترمسين ويا احد قلت هيه يمكن عشان جذي انا اتعلم قال والله شوفي تبين طلاق بشرط اليهال بيتمون عندي لانه اخوانج هذا شرطهم سكت وقلت لا قالي خلاص فكري وترى انا والله احبج حتى لو تزوجت عشر ... يعرف يكذب ما رديت عليه

انا اريد اخذ حقي منه انا اريد اسوي اي حاجه مره لما قريت لفجر وهي كاتبه بموضوعها فكرت بس خفت وقلت هو يمكن يموتني واخواني بعد هو صار يقول احب زوجتي ثانيه وانا مرتاح وياها ويقول بعد هي تحبه اكثر عني لانها باركت له وتم يحلف اصلا هي مادري كيف عايشه وياه هي دايمن مسافره او عند اهلها زعلانه تم يقول هي مريحتني ومب مقصره وياي اونه هو الي مقصر وياها خلاني كاني ماخذه حقي