السلام عليكم أخواني وأخواتي في المنتدى
أنا مخطوبة وعرسي بشهر فبراير ان شاء الله وحابين أنا وخطيبي نطلع شهر عسل على تايلاند
وبصراحة بيهمنا ما يكون شهر العسل مكلف كتير يعني على قدنا
سؤالي للمجربين وبيعرفوها تايلاند بتناسب شهر عسل وبتكلفة معقولة وشو في أماكن حلوة فيها وكم بيكلف شهر العسل تقريبا هنيك
مع العلم انو اخترنا تايلاند بعد استثناء كتير بلدان خاصة ماليزيا لرغبة خطيبي
مشكورين
احلى جو واحلى مكان بانكوك رحت فيها للاسواق بس وكانت واااو!!! رحت لبوكيت وكانت روعه وانصحك بالجزر اللي حواليها جيمس بوند وبيبي ايلاند وعروض بوكيت فانتسي وورد!!
الاسواق والشواطئ في بوكيت حلللوه .. كافي بس المناظر وانتي تمشين بالسياره ...... والناس هناك خدومين!!
الله يتمم اموركم بخير
__________________
اللهم احفظ لي زوجي وسخره لي واحفظ لي اولادي
شكرا على نصيحتك لاني قرات ببعض المنتديات انو جو تايلاند مو حلو وفيها روائح طبخ او روائح اكل مزعجة والبلد ما فيها نظافة لا بالشوارع ولا بالشواطئ
بس هلا كلامك طمني انو ان شاء الله سفرتنا ما بتروح على الفاضي
وين بتنصحني فنادق واسواق حلوة
والله بعرف انو اكتر بلد اباحي وانو ماليزيا احسن
بس المشكلة خطيبي رايح ماليزيا اكتر من مرة وفي مرة من المرات صارت معه حادثة كرهته يروح لهنيك
ولما قلتله انو تايلاند فيها كتير اباحية قلي نحنا علينا من حالنا انا بعرف خطيبي متلزم يعني مستحيل يكون بباله يروح تايلاند للشي السيء هنيك هو بس سمع عن البلد انها حلوة وحابب انو نروح لهنيك يعني تايلاند رخيصة لانو الحالة المادية ما بتسمح بشهر عسل بأوربا متل ما بتعرفو مكلفة وتركيا ولبنان رايحنلها كتير
على كل الله يقدم يلي فيه الخير