السلام عليكم ورحمة الله وبركاته
لدي مشاكل مع زوجي كثيرة مع اني احبه الا انني قررت الانفصال
لكنني لا استطيع اخاف ان يعايرني زوجي بانني مريضة نفسيا
لانني سبق وذهبت لاستشارات نفسية
ولانه هددني بانني ان طلبت الطلاق سوف ياخذ الاطفال وهي الحضانة لي ولكن اخاف يضع محامي ويقول بانني اراجع استشارات نفسية ويكسب القضية
ومره زعلت وذهبت لاهلي واخذ يكلم اهلي ويقول لهم بانني مجنونة
انا ودي اتكلم معاه بود ونتطلق بدون مشاكل ومحاكم
لكن سبق وكلمته وقال اطلقك ولكن البنات يبقون عندي
وانا لا استطيع ان اعيش بدون اطفالي
مشاكلنا قديما خيانة وزواج وطلاق وبعد سنتين توبة الان رجع مو خيانه لكن بداية خيانه واعرفه لانة بدا بعدم الصلاة بوقتها والان لايصلي ومغير شكلة من رجل ملتحي وله هيبه الي رجل مراهق
ارجوا انصحوني اود الطلاق بهدوء ام استمر معه مع انني احبه لكنني علاقتنا متوترة
وحاليا ما يستقبل اي نقاش دائما جوه متعكر


تم تعديل الموضوع ليتناسب مع المضمون

الله يعينك هل زوجك مؤدي
يعني يضرب او صاحب مخدرات ومشاكل اخلاقية
وهل الخيانة زنا ولا مكالمات

يارب رحمتك قصتي طويلة وعريضة
لكن باختصار
تمنيت زوج ملتزم والحمدلله تزوجته ملتزم
وبعد تقريبا خمس سنين زواج اكتشفت ان زوجي اصلا كان يخوني من قبل لا اتزوج
انصدمت وما توقعت زوجي الرجل الملتزم يخون وصبرت 3 سنين كاتمة وبعدين انفجرت
وتاب والحين رجع بدايه خيانه
اول كان يضربي لكن يوم كان يخون حاليا لا لاني زعلت عند اهلي
وخيانته او ماكان يصلي وكان يشرب بس خفيف لان كذا مره اكلمه وانا عند اهلي كلامه ملخبط
وكان فيه مكالمات اما الزنا فاعتقد كان لانه كان عندة شقة انا مصوره العقد
وكان له علاقة بوحدة قبل الزواج كان معها علاقة وبعدين طلقني وتزوجها
وفيه بنت من زمان طرشت رساله لزوجي انت ماتدري عن عيالك المهم اخذت الرقم
ودقيت عليها وقالت لي زوجك عنده شقة ويشرب واللي اكد لي صحة كلامها
يوم علمت اهله لكنه ما هاوشني بس قالي اذا دقوا اهلي وكلموك قولي لهم اني ضربتك
يعني شنو معناه معناه كلام البنت صحيح

نقاط ضعفك الحالية التي تخرّب اي خطة هي :

1- انك تحبيه

2- موضحة لزوجك ان البنات نقطة ضعف يضغط بها عليكي


اما بالنسبة لحكاية مراجعة الطب النفسي فإن فتح فمه فاتوقع القاضي راح يطلب ملفك ووقتها يشوف انها مراجعات عادية

حلي اولا النقطتين التي ذكرتهم اعلاه وبعدها لنا حديث اخر ان شاء الله

احبة اي وان شاء الله اقدر اكرة
وحاليا اكرة بسبب تحليق لحيته قد يري البعض انني سخيفة ان كرهته بسبب شكله
لكنني تعوت على شكله وهو ملتحي
انا اقدر اخذ اكسب القضية واخذ الاطفال وخصوصا مجتمعي مع المرأة لكن لا اريد ان يشوه سمعتي بمرضي النفسي

وليش اللحيه تبينها بس ديكور ومظهر ما يصلي ويخون ,,, خليه بحقيقته لايزيف حقيقته


ويتستر وينافق بلحيته

__________________
وهل من مصير اخر ؟

كلامك صحيح
بس والله لو كان عنده اشوي على الاقل اتقبل شكلة
احس انه رجل غريب خصوصا اني تعودت على شكلة بلحية
حاليا اتجنب النظر الي شكله
الله يهديه

على فكرة جوه متعكر بحجة انه مديون
وعلى فكرة ماخذ ديون باسمي بعضها بعلمي والاخر جهل مني واخر لعب بوكالتي واخذ مبلغ باسمي
ونتيجة للديون اخذت تعهدات ومنع سفر وضبط واحضار ومجموع ديوني كبيرة ووعدني بانه سوف يسدد ان توظف
للعلم انا سبق وكتبت مشكلتي ولكن لم اطلب الطلاق
لكن اود ان تنصحوني هل اصبر ام اطلب الطلاق
مع الع

لا حول ولاقوة إلا بالله ..
أنا أشعر انك ودك تجربين وتحاولين وتضعين الطلاق آخر الحلول..
بصراحه خايفه عليك ، يمكن يسجنونك بسبب ديونك !

جربي تخلين احد ينصحه ، جربي تقترحين عليه يروح مكه ..!
أنتِ لازم تطلعين من الجو الي أنتِ فيه ، لحتى تستعيدين صحتك ..
روحي مكه 10 أيام مع أخوك أو مع ابوك واتركي اطفالك عند امك .
أو روحي لأي أحد من الاهل واجلسي عندهم أسبوع ، كتغيير وراحه لك .. خصوصاً الآن إجازة استغلي الفرصه .
وبعدين ايش فيها ، لو قلتي لأمك ابي اجلس أسبوع عندك ؟ أو أسبوعين ؟

أو خذي لك أي وظيفه مثلاً معلمة .. عشان ترتاحين شوي .

بعدين ليش كذا هو متمادي بتصرفاته ! لازم شي يصحيه ويوقفه عند حده .

__________________

والله يا حبيبتي من خيانته الاولي قلت لواحد من اخوانه
وتوقعت انه بينصحه لكن للاسف قال لابوه وابوه الله يهداه قام يعايره
ونصيحه ما يسمع لي وما عندي حد ينصحه
وبالنسبة لمكة هو عليه منع سفر يعني مايقدر يروح
وانا ودي اروح عمره بس للاسف محرم مو متوفر عندي
والوظيفة ادري بتغير من نفسيتي كثير وانا قدمت على وظيفة والحمدلله انقبلت
بس ما راجعت ولا راح اراجع لان اعرف ان توظفت زوجي ماراح يخليني اتهني بالراتب
وخصوصا هو حاليا غير موظف
فانا انتظر يتوظف هو ويسدد اللي على وبعدها بتوظف