السلام عليكم و رحمة الله وبركاته

في بادي الامر صلو على الرسول الكريم صلو على من بعث رحمة للعالمين
عليه صلواتي ربي و اتم التسليم

موضوعي الصراحة ماعرفة اش اصنفه فكان الموضوع زي ماقريتو و اسأل الله ان يسير القول الطيب على لسانكم

الزبدة ومافيها و على السريع
انا مملك نسبيا ينقالي جديد حول سبع ثمان شهور عارف اسوقها المهم غالبا ما تحصل بعض الخلافات وعارف انها شي جدا طبيعي في دي الفترة و الحمدلله غالبا كمان ما تنحل بمنتها السرعة ماتزيد عن اسبوع اسبوعين إن طولت الهرجة ويرضخ الخاطئ و يقر بالخطئ على الفور الحمدلله على هذه الخصلة الجميلة ولكن
حصل سوء فهم من فترة قريبة
و الصراحة مدري إذا كان سؤ فهم فعلا ولا مقصوده و لا تحريش المهم اتغير كلامها شوي
سارت تتقل و كلامها شوي في صدود او زعل اسال فيك شي تقول مافي و انا الصراحة شي اختلف علي اكيد راح يوترني مرات امشي و مرات ازبد و مرات مالي خلق ما رد تحاشي الخلافات
الين آخر اتصال بيني وبينها على نفس الوتيرة بس يشهد الله كنت في منتها الهدوء وبدون سابق انذار انقفل الخط في وجهي قلت امكن بالغلط كررة الاتصال
ماردة
كررته مرة ثانية ماردة اتصلة على اختها عشان في العادت بعض احيان جوالها يفلسع فاتصل عليها تعطيني ياها ماردة
سبتلها حالها مر يوم يومين اسبوع و الثاني قدينا داخلين على الثالث وهي لا حياة لمن تنادي في الاسبوع اللي فات قلت ماراح اتصل راح امرها و افهم اش الهرجة احسن
ورحتلها مرتين
قالو راحة بيت فلانه الغريب انها ماكلمتني العادة ترسل إذا كانت ناوية تخرج و نحنى متخاصمين ماتخرج بدون ماتقول بين قوسين
( هي بنت عمي ) عشان لحد يتوه ذكرة النقطة السابقة المهم
طبعا من المرة الاولى اللي رحتها و ماحصلتها قفلت معايه ومن الثانية قفلت منجد
لا و الغريب مرة البيت قبل لا تطلع الدوام معى اختي و انا دوبي صاحي سوت ما اعرفك و سوت المشغولة معى اختي و لا عبرتني فا اتضحت الصورة لي

هذه القصة اللي حاولة اخنصرها ومانفع زي منتو شايفين

انا عارف اني ممكن باتصال واحد بس راح انهي القصة بس شفت ان الامر يحتجله فركة اذن بحترام و اوريها ان في شي اسمه تقدير و احترام و لكل شي حدود
فاقررت اني اصقلها ( اصفها ) وهي من لحالها ترجع تعتذر
بعدين نتفاهم

فالمطلوب هل اللي قمت بي صحيح وله لا
و هل في حل افضل ولا كذه تمام
عشان بديت استغبي في مكس داخل صدري راح يضيعني زعلان و في نفس الوقت واحشاني

اش افضل نصيحة في الموقف هذا ؟؟؟

و إن شاء الله ما اكون ضلمتها بشي او غلبتني نيتي بالسوء

تراها جدا جدا طيبة و غلبانة بس طيبتها تضيعها في بعض الاحيان معى اخاف عبولها راسها
لا
و تحبني اكثر من ما احبها بمراحال بل مراحل و مراحل و غالبا هي
اللي تتصل
و تسئل و تدور حتى وقت الخلافات هي الي تبداى و انا عم الثقيل بس مو مرة و اهتمامها فيني هو اكثر شي احبه فيها بعد حبها لي
فالحد يضلمها بالتفكير إذا انا اخطئة في توصيل شي بصورة توحي بكذه

عارف اني ضيعتكم في الاخير بس انا نفسي مضيع النجدة

وشكرا ...

تم تعديل العنوان ليتناسب مع المضمون

مستجدات الرد 14

http://66n.com/forums/showthread.php?t=269831&page=2

__________________

الله يصلح بينكم ..بس مو واضح سبب زعلها ..ما فهمت شنو ضايقها..ربما تكون قلت لها كلام جارح حتى لو بأسلوب هادئ يبقى جارح

جلست اقرا بتركيز كلامك وحوست معك كانك بتشكى وبنفس الوقت بتعذرها بس لما وصلت لاخر نقطة ght خلتيني اضحك من قلبي .. الموضوع عادي احيانا يكون كثر تلزيق يسبب نفور وحزازيات فيمكن فضلت تبعد شوي عنك ..عموما لو طالت المدة الفراق بينكم مافي احسن من عفويتك ومصارحتك لها اذا هي فعلا بتحبك وعلى كلامك انها طيبة فاكيد بيكون صدرها رحب واسع ومن محبة راح تسمع لك لكن اثقل شوي ..

مشاركة جميلة ولكن هناك إشارة قف...!
الحمدلله اني ساعدة في اضحاكك و أسأل الله الذي اسعدك في الدنيا إن يسعدك في الآخرة
قف..! ترا مش للسطر اللي فوق لا للي جاي
انتي تقولي حست انا اللي حست

طيب انا و مضيع انتي أش في كيف صارحها و كيف أثقل انا تربست عدوه الشغلة
ههههههههههههههههههههههههههههههههههههههههههههههههه

__________________

جزاك الله خير على الدعوة الحلوة

بس ترا أبد في الاتصال الأخير متأكد ماسار شي و لا حتى قبل شي يحملها على هذه الفعل

__________________

يعني انت اسلوبك ياابيض ياسود ! ماينفع خليك سياسي هههه.. الثقاله مويعني المقاطعة ! بس هدي سرعة :/ اذا كنت تكلمها على سبيل المثال شبه يومي خليها نهاية الاسبوع (على اسلوبك العتيق والروتيني اقلب شوي (تحدر )خخخ) ..ولوكان ردت فعلها انو اشبك بعدت عنها ؟ هنا صارحها_ طيب كذا اوكيه ..

ياريت عندي ابيض أو اسود زي ما ذكرتي انا بني انا أي نعم مقاطع زي ماذكرتي ولكن لو سارت فرصة راح اضيع الدوري و أجيب العيد انا هوا ده اللي ما ابغاه ابغى أوريها مثلا انك تنهي اتصال وانا على الخط بالأسلوب ده غلط عشان شايف تقليل من قدري حتى ولو كنتي في قمت الغضب وإني اجي مرة و اثنين أسأل عنك يوصلك اني مريتك ولا تسألي ولا تعبري و فكرة انك تشوفيني في البيت لا تتكلم و لا تهرج زي اللي شوفو في شي حاجه تزعل و اذا قصدك بالمقاطعة متونس ولا شايف أنها صح الصح لا و الله بس حاب اعمل رد اعتبار لنفسي عشان انا في النهاية زوجها و هي زوجتي مافي ندية في الموضوع حتى إذا كان في خلاف المفروض يكون في حوار بس حتى الفرصة لي الحوار ده مافي إلا إذا جيت على نفسي انتي اللي كده اوكي دحين

ابغى حل و لا تجربه ولا حكمة حتى استفيد منها مو دحين بس لا لقدام عشان لا اظلم و لا اظلم

__________________

اخوي انا بقولك عكس كلام الاخوة اظن انت سبب بعدها
هي اللي تبادر وتتصل وهي اللي تسعى وتراضيك
وهي بالأخير عودتك على وجودها واتصالها واهتمامها بك وبينت لك هالشي لما شافت نفسها هي اللي تبادر ويمكن كنت تثقل قدامها ابتعدت شافت مو حلوة بحقها ومعها حق والآن انت بديت تسأل واستغربت تصرفها هي ما تغير فيها شي نفس حالها بس ماحست في مبادرة
لا تفكر في انك ترد اعتبارك وووو الخ
راجع تعاملك معها وكلم أخوها افضل وبين لها غلاتها

__________________
يا رب خاتمة حســنة ، وزلفى ، وحسن مآب ..

حسب ماذكرت فالحاصل حاليا قطيعة لاكثر من أسبوعين، ودون سابق إنذار..

الأمر برأيي أكبر من كونه مجرد "ثقل" من ناحيتها..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انت ممكن أصبتي بنسبت 95%

عارف أنها تهتم أكثر وعارف انها تبادر و تتصل و تدور و كل شي أكثر عارف إني مقصر
عارف إني اثقل عارف اني بعض أحيان احسسها أني بعيد و ماني حولها و عارف أني
بدا كله زي اللي خليتها تقول في نفسها انا عشان وريته اني احبه يسوي كده

انتي الحقيقة ب جوابك حسستيني اني جالس أتكلم معاها عارفه ليش.!!
عشان صارحتني ببعض من اللي انتي قلتي و شرحتلها و فهمتها الساير

انتي جوابك قريب منها

فا ابغاك تجاوبي لو كنتي محلها

انتي شايفه الزوجة لمن توري زوجها حبها ضعف و لا شايفه لمن تعطي حب و اهتمام تحتاجي شي بالمقابل ولا يعتبر تقليل من نفسها
طالما حبك مقدر و قدرك مرفوع ليش تحسبي كم اعطيتي عشان تعدي اللي يرجعلك
مش المفروض تعاتب قبل ما تزعل
و لا الشغلة عكس الزعل اول
و بعدين معروف المرأة العاطفة المرأة الحب المرأة التسامح المرأة المدرسة يعني
تخيلي بس المدرس تقفل الطلاب أش يسوه -المدرسة من باب المزح و التلطيف ههههه/ بس منجد

انا ممكن غلط بس اذا زعلت مني يا للي ليا مكانه عندك المفروض تواجهني صح ولا لا

ولا اذا غلط ترد بغلط فقط للانتقام هذا مبدأ خاطئ

أشوف إن تصرفي ليس سليم و لا سليم

بس الأكيد انه ماهي مشكلة مفصلية هي ماهي مشكلة من الأساس
انا حاسس اني كبرتها بعنادي معاها كان لازم اكون أعقل
خلاص
قررت بإذن الله اجلس اتفاهم معاها بدون تدخلات عائلية و راح تنحل بإذنه
بس
ابغى دحين دعواتكم لي و لها و للجميع بالهداية

ولكم مني جزيل الشكر و التقدير

على طرح آرائكم و نصايحكم و توجيهاتكم لي و للجميع من بعد الله
فالو لا تسير القول على لسانكم منه
لكنت صامل على الغباء و العناد ده/ههههههههههههه

مرة ثانية لكم مني جزيل الشكر. ..

__________________